Biblia Todo Logo
Bib sou entènèt

- Piblisite -




Juan 8:34 - La'aqtaqa Ñim Lo'onatac 'Enauacna 2013

34 Nache So Jesús 'enapega somayepi, 'eeta': –Ỹataqta 'eesa de'era qami' sa'axatema, da 'enauac nam ỹo'ottac da lle'etaxaloxo, namayepi 'eeta'am da l-latacpi de'era ñe'etaxaloxo.

Gade chapit la Kopi

Nuevo Testamento Toba Sur

34 Nachi so Jesús 'enapega somayipi, 'eeta': –Ÿataqta 'eesa de'eda qami' sa'axatema, da 'enauac nam i'ottac da lli'itaxaloxo, namayipi 'eeta'am da l-latacpi de'eda ñi'itaxaloxo.

Gade chapit la Kopi

Nuevo Testamento Toba Sombrero Negro

34 Jesús yitaĝa t'aqataĝanema, enaac: —Eja da'me dojo' ami ja'aĝatema: yemeda jogaa'me loeco lo'ol nach'egaua jo'ne lotaĝanaqa'te da'me loeco.

Gade chapit la Kopi




Juan 8:34
16 Referans Kwoze  

Qami' qauaỹachiñiita da ca nache 'eetai' da ỹalaqtapeeguet ca lỹa shiỹaxaua, nache ivira'a da l-latac camaye. Qaq nache 'eeteque qomi' seshetaq da salaxasoxoguet da ñe'etaxaloxo, nache seviraqa'a da seleuaq. Qaq da huo'otaq salaxasoxoguet Ñim Lo'onatac 'Enauacna, nache qomi' ỹaỹamaxareete' qataq saconaxaguet da lchoxonnataxanaxa.


Qataq ỹachaxanapecot da huesochiguiñi namayepi da ỹo'ot ca maiche 'eetapeguec, qalaxaye namayepi saishet da ỹañoxot da ỹaxaañi da ỹo'ottac na qauem. ¡Qaq nachena ne'ena qauempi na iviraxata'a da ilaxachigui namayepi! Cha'aye ca saishet da ỹaxaañi da ỹo'ottac na lasouaxashetpi, nache camaye ivira'a da l-latac da ñe'etaxaloxo.


Cam qauemaic qalaq maiche lqoishec da qauem lataxac, ca maiche lasouaxashet 'eeta'am ca nañec da icoñerai' camaye.


Qaq nagui no'on da saishet da qauashiñim da ñe'etaxaloxo da qami' ilo'oguelo qataq da qami' ỹamaqaleguete da qaualaqaiguet na qauem 'eetapeguecpi da qaro'ocỹaxaqui.


Huo'o da ỹataqta ỹataqtegue, 'eeta': Co'olloxocheye maye qomi' 'etaxaloxoiqa, qalaxaye co'ollaq So Cristo da qaiuaxaneguet so npe'enaxaqui, nache qomi' qarleuaxaua Somaye. Qaq ỹoqo'oye de'era ñe'etaxaloxo mashe saishet da qomi' ỹamaqta'ape.


Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.


Qataq souaxat da qoquiitague' da qauem lataxac maye ỹo'ottac na shiỹaxauapi maye huetalec ana 'alhua. Qataq qauo'ocheetac na 'eetapeguecsat som saqcha'a maye damaxasoxonapec som ilotague' nam qauem saq cha'api na'añaxacpi qataq maiche ỹoiqueetac nam saishet da ỹalaxaguet Ñim Lo'onatac 'Enauacna.


Qaq ỹataqta qaica ca 'eeta'am ñi Ajab, da ỹataqta qauem nam ỹo'otpi souaxat da ỹalaxaguet añi lhua Jezabel, da ỹo'ot nam sa ỹaỹamaxaren Ñim Nataxala'.


da qaisoueeguesop de'era nlaqtaguec. Huo'o da naquitaxac da ỹalectaua'a da llo'oxoyec nam llalaqpi Ñim Lo'onatac 'Enauacna qom qaisouec.


Cha'aye qomi' saỹaanaq da na namaxasoxonaxacpi chegoqo'ot Ñim Lo'onatac 'Enauacna. Qalaxaye aỹem choche aỹem shiỹaxauatto, qaq ỹoqo'oye sa seshet da ñellañi nam qauem iqopitaxanaqtaiguesat qataq aỹem l-latac da ñe'etaxaloxo.


Cha'aye aỹem sela'a da qoquetague' so nqa'aic maye netangui da naquicoxo, qataq da lcoñetaxanaxac da qauem lataxac.


Nache So Jesús 'enapega somaye, 'eeta': –Aja', ỹataqta 'eesa de'era 'am sa'axatem, da ca shiỹaxaua da saishet da ỹe'eguelaxalec da qaltaq ñiguiñi, qaq camaye saishet da ila'a da lo'onataxanaxac Ñim Lo'onatac 'Enauacna.


Cha'aye ỹataqta 'eesa de'era qami' sa'axatema da huo'otaq ñaqauo'o na piguem qataq ana 'alhua, qalaq saishet da huo'o ca qanqat nam saq 'amaqtaq leraxatpiolec nam namaxasoxonaxacpi, nato' qom mashe 'enauac da ipacchigui.


Swiv nou:

Piblisite


Piblisite