Juan 8:33 - La'aqtaqa Ñim Lo'onatac 'Enauacna 2013

³³ Nache somayepi 'enapeco': –Qomi' maiche qomi' llalqa so Abraham, qaq ỹataqta sa ỹauano' da huo'o ca qomi' l-lataqa. Qalaq ¿ta'ainco' da 'am qonapec da ishet da qomi' huesochiyiñi?

Nuevo Testamento Toba Sur

³³ Nachi somayipi 'enapeco': –Qomi' maichi qomi' llalaqpi so Abraham, qaq ÿataqta sa ÿauango' da huo'o ca qomi' l-lataqa. Qalaq ¿tá'ainco' da 'am qonapec da ishit qome da qomi' huesochiyiñi?

Nuevo Testamento Toba Sombrero Negro

³³ Jogaa'me male 'yadeteguet: —Da'me qo'mi, di'me jo'ne mach'e jachiyojoĝoguet Abraham, nataq'aen da'me ja ch'e qo'mi lotaĝanaqa'te gamachaqaega qaedi e'n qo'mi lelataqa. Qama'le da'me am, ¿toqoch'e anenaĝategue da'me qo'mi qoyejodegue qomle?

Juan 8:33 Referans Kwoze

Mateo 3:9

Qataq saishet qome da tatapigui qarvilli da qoñiita': ‹Qomi' maiche qomi' llalaqpi so Abraham.› Cha'aye qami' shenapegalo da Ñim Lo'onatac 'Enauacna, ishet da ivira'a da ỹachegoxotaigui ne'ena coma'pi ca ỹataqta llalaqpi so Abraham.

Juan 8:39

Nache somayepi 'enapeco': –Qomi' qarta'a so Abraham. Nache So Jesús 'enapega somayepi, 'eeta': –Qami', da ỹoqta 'eesactaxa da qarta'ai so Abraham, nache ishettaxa da qauo'oche nam ỹo'otpi somaye.

Juan 8:37

Aỹem mashe sogote da saỹaten da maiche qami' llalqa so Abraham. Qalaxaye qami' qansheetaique da Aỹem qaualauache, cha'aye saishet da qauacoñiigueta naua ỹapaxaguenataxanaxaco.

Génesis 15:13

Qaq huaña nache Ñim Nataxala' 'enapega somaye, 'eeta': «'Am 'auaỹateeta da ca 'aỹa'alaqpi hueta'a qome ca ỹaqa'a 'alhua, qaq huaña qome nache choche nlatacpi, qataq ivittrec qome caua cuatrocientos vi'iye da sa qaỹaỹamaxatapec camayepi.

Juan 19:25

Qaq se'eso npe'enaxaqui So Jesús, nache saqaỹapeque ca huetaua'a aso late'e, qataq aso lỹa María maye lhua so Cleofas asom lasoro So Jesús, qataq aso María maye lma' ye Magdala.

Esdras 9:9

Qaq na'aictaxa da qomi' nlataqa, qalaxaye saishet da qomi' 'auala't, qaq de'era 'arauotaxanaqtaic da shenaqta ỹataqta lta'araic ỹoqo'oye 'auo'otec da ye nta'alpi ye Persia, qomi' ỹanema da ñe'eguelaxasoq da ño'oxonaxasheguem añi atamnaxaqui maye 'aralamaqte, maye nlachiguiñi co'ollaxa. ¡Qaq nagui da souaqta'a ne'ena Judá, qataq na Jerusalén nache qomi' 'anpaxattaleguete qome!

Jueces 4:3

Huaña nache so Israel le'ecpi ỹataqta nachoxoreetacot co'ollaxa Ñim Nataxala' da yaqto' itauan, cha'aye so Jabín ivi' novecientos aso laigonapi lcat nalaataxaquipi, qaq mashe ivi' soua veinte vi'iye da ỹataqta sa iyacnapec so Israel le'ecpi.

Jueces 3:8

Ỹoqo'oye Ñim Nataxala' ỹataqta dalemataỹa somayepi, nache ỹaneguet da la'añaxac so Cusán Risatayin, som nta'a ye Mesopotamia. Nache somayepi ivi' ocho vi'iye da do'onataxaatacot so Cusán Risatayin.

Jueces 2:18

Qaq naxa Ñim Nataxala', da ỹauo'o na nauaxaỹaxaasheguem nataxala', nache ỹataqta itauaatac, qaq naxa da ña nca'altauec ñi nataxala', nache isoueeguesop na Israel le'ecpi da la'añaxac na mpa'aguenaxauapi, cha'aye Ñimaye ỹataqta huo'o da lchoxonnataxanaxa da hua'aqtega da la'alaxac ne'ena lalamaxat nhuo' le'ecpi, souaxat da sa nañaxaasheguem da lachetataic.

Levítico 25:42

cha'aye 'enauac na Israel le'ecpi maiche ỹalamaxat ỹamaxashecpi, cha'aye Aỹem ñeqateeguesop co'ollaxa ye Egipto, ỹoqo'oye namayepi saishet qome da huo'o ca qaimen, da yaqto' nlatacpi.

Lucas 3:8

Qauachaxañi ca qarataxaqui maye ỹachaxan da qaỹa'axañiiuec da qauo'ocheetac naua qarasouaxashe'echilli'. Saishet da qaupicheetega da qami' llalqa so Abraham nache qanca'alliiuec. Cha'aye ỹataqta 'eesa de'era qami' sa'axatema da ivira'a ne'ena coma' Ñim Lo'onatac 'Enauacna ishet da nqochenaxata da ỹauo'o llalaqpi so Abraham.

Juan 8:43

Qami' saishet da qauaỹaañi dam qami' sa'axattapeguema, cha'aye saishet da ỹoqta qana'axaỹaxañiỹa dam ỹa'aqtaxanaxac.

Romanos 9:7

Nataqa'en saishet da imauec na chegoxoguet so Abraham da ỹataqta 'eesa da lalamaxat llalaqpi somaye, cha'aye Ñim Lo'onatac 'Enauacna 'enapec: «Ca 'aỹa'alaqpi chegoqchigui qome ñi Isaac.»