Juan 8:31 - La'aqtaqa Ñim Lo'onatac 'Enauacna 2013

³¹ Nache So Jesús 'enapego' nam judiopi maye ỹa'amaqten Somaye, 'eeta': –Qami' qom ỹataqta qauo'oche de'era qami' sa'axatema, nache ỹoqta 'eesa da qami' ỹapaxaguenataqa.

Nuevo Testamento Toba Sur

³¹ Nachi so Jesús 'enapego' nam judiopi mayi i'amaqten somayi, 'eeta': –Qami' qom ÿataqta qau'ochi de'eda qami' sa'axatema, nachi ÿoqta 'eesa qome da qami' ÿapaxaguenataqa.

Nuevo Testamento Toba Sombrero Negro

³¹ Qama'le Jesús t'aqataĝanema jogaa'me judiopi jo'ne naquiaĝata nataq'aen da'me p'iida'a joñe'me, enaac: —Da'me ami, qom nach'e eta't da'me aviyamaĝache'tape naa'me 'yaqataqa, qama'le naqa'ami jo'ne yataqachiñe ami yapaĝaguenataqa;

Juan 8:31 Referans Kwoze

2 Juan 1:9

Da saishet da qoquiitegue nam qami' ỹapaxagueneque So Cristo, nache Ñim Lo'onatac 'Enauacna saishet da qami' hueta'agueta. Qalaxaye da qana'añaxacheetec dam qami' ỹapaxagueneque Ñimaye, nache Ñim Lo'onatac 'Enauacna maye Nta'a qataq So Llalec nache 'eetai' da qami' hueta'agueta.

2 Timoteo 3:14

Qalaxaye 'am, qoquetelco' da 'anapaxaguenataguec maye 'auaỹateeta da ỹoqta 'eesa. 'Am mashe 'auaỹateeta nam 'am ỹapaxaguenec de'era,

Santiago 1:25

Qalaxaye da qami' qauqochiỹa da la'aqtac Ñim Lo'onatac 'Enauacna qataq nache 'eetai' da qaualaqaiguet, nache huo'o da qarlagaxayiqui 'enauac nam qauo'oche. Cha'aye da la'aqtac Ñim Lo'onatac 'Enauacna ỹataqta nalochiguiñi qataq qami' isoueeguesopa da ñe'etaxaloxo.

1 Timoteo 4:16

Qataq 'am Timoteo, ỹataqta 'antela'a da 'arataxac, qataq 'alotegue da 'arapaxaguenataxanaxac. Ỹataqta qoqueto'ot de'era sheetega, cha'aye da 'auo'ot damaye, nache ỹataqta 'avira'aguet da 'am qanca'alaxatec qataq 'enauac na 'am na'axaỹaxaatega.

Colosenses 1:23

Qaq ỹoqo'oye qami' iuen da saishet da qaỹa'axañiiuec da qarpi'iỹaxaqui qataq da qanaquitaxaqui, maye qauachegoxochiichigui da no'on na'axaỹaxac maye chegaqaigui da nca'alaxa maye qaua'aqaichigui. Qaq de'era na'aqtac nachera da qaỹa'axattac 'enauaque naua 'aleu' ana 'alhua. Qaq aỹem Pablo nachera da sa'axattac.

1 Samuel 12:14

Qaq nagui qami' iuen da qavio'oxoyiñi Ñim Nataxala', qataq qanatamñiỹot, qana'axaỹaxañiỹalo naua ltaxaỹaxaco, qataq saishet da sa qaualaqaileguete naua lamaxasoxonaxaco, nache da qami', qataq ñim qarta'ai da ỹataqta qoquiitegue Ñim Nataxala' maye Qanatamnaxala'ai, nache ishet da qaulaquiitapiguiñi.

Hebreos 3:14

Cha'aye da hua'auchiguiñi, co'ollaq sepi'iỹaqa'a So Cristo, nache chegoqchiguiña da qartaua Somaye; qaq da saishet da saxanaxauec da qarpi'iỹaxac Somaye, nache nataqa'en nache 'eetai' da qartaua.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

1 Juan 2:24

Qaq ỹoqo'oye saishet da qaỹa'axañiiñi da qauo'ocheetac nam qami' qaỹapaxagueneque co'ollaq cheta'ague da qaua'amaqchiñi So Cristo. Da qoquiito'ot da qauo'ocheetac damaye, nache qami' nache 'eetai' da qana'ayeetaua'a Som Ñalec qataq Ñim Nta'a,

Romanos 11:22

Qaq ñaq qauloỹa da lsoxoyec Ñim Lo'onatac 'Enauacna maye qami' taleguete. Qalaxaye nataqa'en qauennachiỹa'a da Ñimaye ỹataqta ipagaqchiichigui cam talec nam huo'o da lasouaxashet, qalaxaye Ñimaye ỹataqta qami' ỹauoteque. Qataq Ñimaye nache queto'ot de'era da qami' qauo'oche dam 'eetapeguec Ñimaye. Cha'aye qom saishet da nache qoñiitec de'era, nache nataqa'en qami' imaqraue'c.

Romanos 2:7

Cam ỹo'ot ca ỹaỹamaqchiguiñi, cha'aye huo'o da naquitaxac da ỹaconeguet ca laỹamaxannataxanaxac Ñim Lo'onatac 'Enauacna, nache qoỹami' ca llo'oxoyec qataq ca achaalataxac chochaq tatec, nache Ñim Lo'onatac 'Enauacna hua'axaỹa'a qome da chochaq tatec da lmayaxaua camaye.

Mateo 24:13

Qalaxaye Aỹem ñeca'alaxatec 'enauac nam Aỹem quetague' qataq saishet da ỹaxanec da lpi'iỹaxac Aỹem choche ivitta'a ca loga't da nachaalataxac.

Juan 8:36

Qaq ỹoqo'oye ne'ena Ñalec da qami' huesochiyiñi naqa'en, nache ỹataqta 'eesa da qami' huesochiyiñi.

Juan 6:55

Cha'aye da ỹo'ocỹaxac, nachera da ỹoqta 'eesa nallec, qataq naua itago'q, nachenaua na ỹoqta 'eesa naquip.

Hechos 13:43

Qaq co'ollaq mashe ime so naponaxac, nache ỹataqta qalota na judiopi qataq nam ỹaqa'a ca chegaqa'ague nam quetague' da la'amqaanataxanaxac na judiopi, ca'ateguelo soomaye. Nache so Pablo qataq so Bernabé ỹataqta huaqattega namayepi, da yaqto' saishet da ỹaxanec da lqouagaxanaqtaic Ñim Lo'onatac 'Enauacna.

1 Juan 2:19

Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

Hebreos 8:9

So hua'au ñaỹamaxataxac, nache sacoota'a na lhuaq som hua'au qarta'ailpi qataq ñeqateeguesop ye 'alhua Egipto. Ime, nache sauo'o so ñaỹamaxataxac da ñaỹamaxate' somayepi. Qalaxaye somayepi saishet da ipaguelec, ỹoqo'oye saxaañi da seqochetega somayepi.

1 Timoteo 2:15

Qalaxaye na 'alpi ishet da qanca'alaxatec da ỹataqta huelec da ntela'a da lco'oxoc, qataq da ỹa'amaqten So Jesucristo, qataq ỹataqta ỹauotec na laỹepi qataq huetaigui da ntela'a da lataxac qataq iqui'itaxatta da nachaalataxac.

Juan 1:47

Nache So Jesús co'ollaq ila'aguet so Natanael da naỹaua'a, nache 'enapega, 'eeta': –'Ena na ỹoqta 'eesa da Israel le'ec, namaye saishet da tenataxanaxaic.

Hechos 26:22

Qalaxaye souaxat da ltaunaxanaxac Ñim Lo'onatac 'Enauacna da sheeta, ỹoqo'oye nagui ñaq shecta da sa'axattapeguem Ñimaye 'enauac na shiỹaxauapi, sa'aqtaxanem na choxoraq qataq na sallaxanecpi. Qaq saishet da huo'otaq ỹaqa'a ca ỹa'aqtaxanaxac da sa'aqtaxan. Nachaqrata da sa'axattac da la'aqtaxanaxac som hua'au la'aqtaxanaxanecpi Ñim Lo'onatac 'Enauacna qataq so Moisés da qaỹa'axatta'aguet cam naỹa'acna.

Juan 2:2

Nache So Jesús qataq soua lapaxaguenataqa, soomaye nataqa'e'n qaicoyegue'n da yaqto' ỹalectraua'a se'eso naronaxac.