Juan 8:24 - La'aqtaqa Ñim Lo'onatac 'Enauacna 2013

²⁴ Qaq ỹoqo'oye Aỹem qami' sa'aqtaxaateguema da saishet da Aỹem qaua'amaqchiñi qataq sa qauauattoñi da Nachaỹem, nache choche qaulliviitañito naua qarasouaxashe'echilli'.

Nuevo Testamento Toba Sur

²⁴ Qaq ÿoqo'oyi aÿim shinapec da qami' qaulliviitañito qome naua qadasouaxashi'chilli'. Cha'ayi da sa ishit da qau'amaqchiñi da aÿim mayi nachaÿimta, nachi qami' qaulliviitañito naua qadasouaxashi'chilli'.

Nuevo Testamento Toba Sombrero Negro

²⁴ Qo'che' ami ja'aĝatema da'me en adelevi q'ae'n qomle jonaa'me mach'e adoecodi', qa'a qom ja jayem 'te auep'iiya'a queda'me eja naqayem, qama'le en adelevi q'ae'n naa'me mach'e adoecodi'.

Juan 8:24 Referans Kwoze

Juan 3:36

Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Juan 3:18

Ca ỹa'amaqten na Llalec Ñim Lo'onatac 'Enauacna, nache camaye saishet da huo'o ca nhuaxanaguec. Qalaxaye cam sa ỹa'amaqten Namaye, nache sogote da huetalec da huo'o da nhuaxanaguec qanqa'en, souaxat da saishet da ỹa'amaqten na 'oonolec Llalec Ñim Lo'onatac 'Enauacna.

Marcos 16:16

Qaq ca Aỹem ỹa'amaqten, nache qanachelaxan, yaqto' camaye nca'alec. Qalaxaye ca saishet da Aỹem ỹa'amaqten, nache camaye saishet da saconeguet.

Hebreos 12:25

Qaq ỹoqo'oye maxatchaxa da qoñiita, saishet da huo'o ca sa iqocha'a Ñim Lo'onatac 'Enauacna da qami' detaxaỹoto. Saishet da sa qauacoñiiguet, cha'aye som hua'au Israel le'ecpi maye sa iqocha'a co'ollaxa Ñimaye qalaq saishet da ỹet so lta'araic nhuaxanaguec. Se'eso na'a'q co'ollaq Ñim Lo'onatac 'Enauacna detaqtacot somayepi, qalaq so lvilỹaxac ỹacholaxan ana 'alhua. Qaq qomi' da sa saconaxaguet Ñim Lo'onatac 'Enauacna maye qomi' iỹaxanalo so lvilỹaxac maye chegoqtot na piguem, nache nataqa'en saishet da qomi' ỹe't ca lta'araic qanhuaxanaguec. Cha'aye nagui da la'aqtac Ñimaye 'eeta': «Qaltaq she'eguelaxalec da sacholaxan ana 'alhua, qalaxaye saishet da ndotec anamaye nataqa'en na piguem.»

Proverbios 8:36

Qalaxaye ca aỹem ca'ai qalaq huetalec da lchec da nachaalataxac, ¡qaq ca aỹem nquiỹa, qache ỹauotec da nleuaxa!»

Juan 13:19

Qaq Aỹem qami' sa'axatema de'era, yaqto' qom ivita da ipacchigui, nache qami' ishet da qaua'amaqchiñi da Aỹem maye Nachaỹem.

Juan 4:26

Nache So Jesús 'enapega asomaye, 'eeta': –Que'eca 'aua'axattac, camaye Nachaỹem maye 'am setaqtague'.

Hebreos 2:3

qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

Juan 8:21

So Jesús qaltaq ỹe'eguelaxalec da detaqa, 'eeta': –Aỹem ashec, qaq qami' qome Aỹem qanmichiitaique, qalaxaye qami' saishet da qauañoxoche da qaviyiỹa'a cam soota'a, cha'aye choche ivitta'a qome da qaullivi da saishet da qaỹa'axañiiñi da qauo'ocheetac na qarasouaxashechi.

Hechos 4:12

Qaica ca lỹa ishet da chegoqchigui da nca'alaxa. Cha'aye Ñim Lo'onatac 'Enauacna qaica ca lỹa ne'enaxat da qomi' ỹanema ana 'alhua, da yaqto' ishet da qomi' nca'alaxatre'c, nachaqsota So Jesús.

Marcos 13:6

Cha'aye ỹataqta qalota qome na anac da nactaigui da ỹe'enaxat, nache 'eeta': «Nachaỹem maye aỹem Lca'aguishec Ñim Lo'onatac 'Enauacna», nache ỹataqta qalota qome na ỹatenachet.

Lucas 21:8

Nache So Jesús 'enapeco': –Maxatchaxa qome, yaqto' qaica ca qami' ỹatenache't. Cha'aye qalota qome na anac da anactaigui da ỹe'enaxat, nache 'eeta': «Aỹem maye Nachaỹem Lca'aguishec Ñim Lo'onatac 'Enauacna», huo'otaq 'eeta': «Nagui mashe ivita ye naloqnec.» Qalaxaye saishet qome da qauqochiỹa.

Éxodo 3:14

Nache Ñim Lo'onatac 'Enauacna 'enapego' so Moisés, 'eeta': «Aỹem maye nache 'eetai' da qami' soota'agueta.» Qaq 'era qome da 'ara'aqtac da qonapega ye Israel le'ecpi, qoneta': «Ñim nache 'eetai' da qomi' hueta'agueta, aỹem namaxalo qami'.»

Mateo 24:5

Cha'aye ỹataqta qalota qome na anac, nache choche ne'enaqchingui da ỹe'enaxat, nache 'enapega na shiỹaxauapi, 'eeta': «Aỹem maye nachaỹem Lca'aguishec Ñim Lo'onatac 'Enauacna.» Qataq do'onataxana qome da ỹe'enaxat, nache qalota qome na ỹatenachet.

Juan 8:25

Nache qainattac Somaye, qoỹeeta': –¿Negue't 'am? Nache So Jesús 'enapeco': –Mashe sogote mque' da qami' sa'aqtaxaateguema so hua'auchiguiñi.

Juan 8:28

Ỹoqo'oye So Jesús 'enapego' somayepi, 'eeta': –Qami' qom ivita da qanauaxaỹaxañiisheguem na Shiỹaxaua Llalec, nache huaña, qaq ishet da qauaỹaañi chaq negue't Aỹem, qataq saishet da maiche ñallegoxottela't ca so'ot, nachaqrata da Aỹem sa'axat cam Aỹem ỹapaxaguenec Ñim Ita'a.

Juan 8:58

Nache So Jesús 'enapeco': –Aỹem ỹataqta 'eesa de'era qami' sa'axatema, da co'ollaq saxanaqca so Abraham, qalaq nale'ena da Aỹem huo'o.