Juan 8:20 - La'aqtaqa Ñim Lo'onatac 'Enauacna 2013

²⁰ Qaq So Jesús 'enapec de'era, co'ollaq ñaq huetaigui aso no'onaxanaxaqui late'erai da dapaxaguenataxaatac, hueta'a yem naña aso laỹe' ana nachetaqtaxanaqte anom. Qalaxaye saishet da huo'o ca ỹañoxot da ỹaconeua'a Somaye da icoñi', cha'aye saxanaxa da ivita ye laloqo' da yaqto' qaỹauattoota Somaye.

Nuevo Testamento Toba Sur

²⁰ Qaq so Jesús 'enapec de'eda co'olla ñaq huetaigui aso n'onaxanaxaqui da dapaxaguenataxaatac, hueta'a yim naña aso laÿi' ana nachitaqtaxanaqte. Qalaxayi sa ishit da huo'o ca ÿañoxot da ÿaconeu'a somayi da icoñi', cha'ayi somayi saxanaxa da ivita ca laloqo'.

Nuevo Testamento Toba Sombrero Negro

²⁰ Jesús nenaĝategue jenjo' ca'li da'me cha'li dapaĝaguenataĝatapegoue joga'me tamenaĝaiqui, ga'me jo'ne na'ña jaga'me najaqaje lae't. Qalaĝaja qaya'te ta'le yaqanatet ta'le yacona louaq qaedi yecoñe', qa'a maliaĝa ja yovita da'me mach'e laloqo'.

Juan 8:20 Referans Kwoze

Juan 7:30

Huaña, nache qanshetaique da qaỹaconeua'a Somaye da qaicoñe'. Qalaxaye saishet da huo'o ca nañoxot da ỹaconeua'a, cha'aye Somaye saxanaxa da ivita ca laloqo' da qaỹaỹaten da chaq negue't Somaye.

Juan 7:8

Qauesomiỹa, qanqo'oñiiua'a que'eca naponaxac. Aỹem, qalaxaye saishet da ñeqo'ona, cha'aye saxanaxa da ivita ye laloqo' da 'enauac qaỹaỹaten da chaq negue't Aỹem.

Marcos 12:41

Huo'o so na'a'q So Jesús huetaua'a aso no'onaxanaxaqui late'erai nso'ootañi, hueta'a ye saqaỹapeque aso laỹe' ana nachetaqtaxanaqte. Nache imeteetac na shiỹaxauapi maye ỹasaqtapiguiñi ana lachetaqtaxanaqte. Qaq ỹataqta qalota nam sallaxanecpi maye ỹaatapegueuo ana qalota alom.

Juan 7:44

Qataq huo'o na huotaique da ỹaconeua'a Somaye da icoñi', qalaxaye saishet da huo'o ca nañoxot da ỹaconeua'a.

Marcos 12:43

Nache So Jesús iỹaxanalo soua lapaxaguenataqa, nache 'enapegalo, 'eeta': –Ỹataqta 'eesa de'era qami' sa'axatema, da asa'aso pa'ai maye choxoraq, asomaye ỹataqta ỹactec aso ỹasaxañi, napacalec 'enauac ana ỹasaxañi na sallaxanecpi.

Mateo 27:6

Nache som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, ỹacona aso anom, nache 'enapeco': «Ana'ana anom anamaye qarsheetenaxanaqte da sesheetenaq da l-leuaxa so 'oonolec ỹale, qaq anamaye sa seshetaq da sachaqangui añi laỹe' ana nachetaqtaxanaqte, cha'aye na namaxasoxonaxacpi saishet da ỹashen.»

Juan 10:39

Huaña, nache qaltaq qanshetaique da qaỹaconeua'a da qaicoñe', qalaxaye So Jesús naneltaxan.

Juan 8:59

Huaña, nache soomaye ỹaconalo na coma' da ỹauotaique da ỹasa'q So Jesús. Qalaxaye Somaye nqañoxotoigui na shiỹaxauapi, ime nache ca'ai aso no'onaxanaxaqui late'erai.

Lucas 20:19

Nache so lataxala'pi nam ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq so dapaxaguenataxaatapeguec na namaxasoxonaxacpi, somayepi nshetaique da nache ỹaconeua'a se'eso na'a'q So Jesús, cha'aye ỹaỹaten da nacheso somayepi ỹalamaqchigui de'era daloqnaxaatega Somaye. Qalaxaye ñe'etega som shiỹaxauapi.

1 Crónicas 9:26

Qaq se'esoua cuatro lataxala'ate se'eso lasom lo'opi, maye chegoxoguet nam leviitapi, soomaye nache sa deraỹai'salo da ilotagueto som nanataqa'pi se'eso nỹec, qataq som no'on nogoxoshetpi maye huetaigui aso atamnaxaqui maye lalamaqte Ñim Lo'onatac 'Enauacna.

Mateo 26:55

Nache So Jesús dataiguet so shiỹaxauapi nache, 'eeta': «¿Ta'ainco' qami' ye qauauoita'alo naua qa'ainaqalli' qataq naua qanpo'oñilli', da Aỹem qañe'egueñiỹauga, 'eeta'amo' da Aỹem laataxanaxaic? Qamaq 'enauaque naua na'axa'te qami', sapaxagueeta'ape da sootaigui añi no'onaxanaxaqui late'erai, qalaq saishet da Aỹem qauacoñiiua'a da Aỹem qaucoñiye.

Lucas 21:1

Qaq co'ollaq ñaq hueta'a aso no'onaxanaxaqui late'erai So Jesús, nache imeteetac nam sallaxanecpi maye ỹasaqtapiguiñi ana alom, ỹasaqteguengui aso 'oonole anam laỹe' ana nachetaqtaxanaqte.

Juan 2:4

Nache So Jesús 'enapega asomaye, 'eeta': –'Am ỹate'e, ¿ta'ainco' ye qonetec de'era da Aỹem qonapega? Ye Aỹem saxanaxa da ivita ye laloqo' da ñachaxan.

Juan 7:14

Qalaxaye co'ollaq mashe laiñi soua naponaxaqui', nache So Jesús taigui aso no'onaxanaxaqui late'erai, nache dapaxaguenataxan.

Juan 8:2

Qaq so ña nte'etom so lỹa na'a'q, nache Somaye qaltaq ỹe'eguelaxaua'a aso no'onaxanaxaqui late'erai. Nache 'enauac na shiỹaxauapi nquigueua'a, nache Somaye nso'ooñi, nache ỹapaxaguen somayepi.