Juan 8:2 - La'aqtaqa Ñim Lo'onatac 'Enauacna 2013

² Qaq so ña nte'etom so lỹa na'a'q, nache Somaye qaltaq ỹe'eguelaxaua'a aso no'onaxanaxaqui late'erai. Nache 'enauac na shiỹaxauapi nquigueua'a, nache Somaye nso'ooñi, nache ỹapaxaguen somayepi.

Nuevo Testamento Toba Sur

² Qaq so ña nte'etom so lÿa na'a'q, nachi somayi qaltaq ÿi'iguelaxau'a aso n'onaxanaxaqui. Nachi 'enauac na shiÿaxauapi nquigueu'a somayi, nachi somayi nso'ooñi, nachi quetot da dapaxaguenataxaatac.

Nuevo Testamento Toba Sombrero Negro

² Jojo'me ne'teta 'me nolo' laqaya, qama'le yitaĝa 'viyelaĝa ga'me tamenaĝaiqui, qama'le jogaa'me jiyaĝadipi yec'adeta joñe'me, da'me ñichiñe qaedi yapaĝague'n.

Juan 8:2 Referans Kwoze

Mateo 26:55

Nache So Jesús dataiguet so shiỹaxauapi nache, 'eeta': «¿Ta'ainco' qami' ye qauauoita'alo naua qa'ainaqalli' qataq naua qanpo'oñilli', da Aỹem qañe'egueñiỹauga, 'eeta'amo' da Aỹem laataxanaxaic? Qamaq 'enauaque naua na'axa'te qami', sapaxagueeta'ape da sootaigui añi no'onaxanaxaqui late'erai, qalaq saishet da Aỹem qauacoñiiua'a da Aỹem qaucoñiye.

Lucas 21:37

Nache So Jesús dapaxaguenataxaatac ye na'a'q hueta'a aso no'onaxanaxaqui late'erai, qaq ye pe qalaq lo'ochaqa' añi saqaỹoqotcheguemec 'alhua maye nanqa' ana Olivo.

Lucas 4:20

Ime, nache So Jesús lapaxa't aso nere, nache ỹami' som ilotague' asom napaxaguenaxaqui na judiopi. Ime, nache nso'ooñi, nache 'enauac nam huetaigui asom paxaguenaxaqui ỹataqta ilochigui Somaye.

Lucas 5:3

Aso 'oonole se'esoua nllocta lalamaqte so Simón Pedro, nache So Jesús huenooñigui asomaye, ime, nache iỹaxanot so Pedro da cara'ac da nquigaxattaxaasom asomaye. Ime, nache So Jesús nso'ooñi netangui aso nllocta, nache cot da ỹapaxaguen so shiỹaxauapi.

Juan 8:20

Qaq So Jesús 'enapec de'era, co'ollaq ñaq huetaigui aso no'onaxanaxaqui late'erai da dapaxaguenataxaatac, hueta'a yem naña aso laỹe' ana nachetaqtaxanaqte anom. Qalaxaye saishet da huo'o ca ỹañoxot da ỹaconeua'a Somaye da icoñi', cha'aye saxanaxa da ivita ye laloqo' da yaqto' qaỹauattoota Somaye.

Juan 4:34

Qalaxaye So Jesús 'enapeco': –Dam anoq, nachera da 'eetapeguec Ñim Aỹem namaq qataq da yaqto' semat da lo'onataxanaxac.

Jeremías 44:4

Qaq ỹataqta she'eguelaqtalec da samaq naxa som ỹamaxashecpi maye ỹa'aqtaxanaxanecpi da yaqto' qami' 'enapegalo da saishet da qauo'oche de'era maye seqaiga.

Jeremías 25:3

«Chegoqta'a co'ollaq ivi' soua trece vi'iye da nta'a so Josías, som llalec so Amón maye ilotague' ye Judá, qaq choche ivitta'a nagui, qaq damaye, 'eeta': mashe ivi' naua veintitrés vi'iye da Ñim Nataxala' aỹem detaxaỹot co'ollaxa, nache aỹem qami' she'eguelaqtaleguete co'ollaxa da qami' setaqtacoto, qalaxaye qami' saishet da aỹem qaualaqaiguet.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Jeremías 32:33

Aỹem iro'oguet na l-laq, nache saishet da Aỹem datateguet. Qaq na'aictaxa da saishet da saxanec da sapaxagueetac, namayepi saishet da Aỹem ỹalaxaguet qataq saishet da ỹaconeguet da ihuogoqtaxanaxac.

Lucas 21:38

Nache 'enauac na shiỹaxauapi 'ottaua'a naxa aso no'onaxanaxaqui late'erai, da yaqto' na'axaỹaxana Somaye.

Juan 8:3

Nache huo'oi soua dapaxaguenataxaatapegueque na namaxasoxonaxacpi qataq soua chegoqraigui na fariseopi, nauegueua'a Somaye aso 'alo maye qaỹauanalec da ncachetague' ca sa lhua. Nache qanachaalataxangui na laiñi som shiỹaxauapi.

Hechos 5:21

Qaq co'ollaq mashe yo'oxoñitai', nache soua namaxa'she ivireua'alo so naloteuga aso no'onaxanaxaqui late'erai, nache da'aqtaxaatrapeguem na shiỹaxauapi. Qaq se'eso lta'a na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som ltauapi, ỹataxana't so nta'alpi maye nmit na nasouaxashet, qataq so lta'alpi na shiỹaxauapi. Ime, nache qaỹamaxasoxoneua'alo soua Jesús lamaxa'she maye netraigui aso ncoñetaxanaxaqui.