Juan 8:17 - La'aqtaqa Ñim Lo'onatac 'Enauacna 2013

¹⁷ Nam nanettañi namaxasoxonaxacpi maye qami' qoỹanema co'ollaxa 'eeta': da huo'oi caua dos da huo'otaq nateeta't ca la'aqtaxanaxa'c, nache caamaye ishet da qaỹa'amaqte'n.

Nuevo Testamento Toba Sur

¹⁷ Nam nqataxacpi mayi qami' qoÿanema co'ollaxa nanettañi da huo'otaq huo'oi caua dos da huo'otaq huo'o ca i'axa't da nateeta't ca l'aqtaxanaxac, nachi caamayi ishit da qai'amaqte'n.

Nuevo Testamento Toba Sombrero Negro

¹⁷ Da'me Dios lamaĝajoĝonaĝac jo'ne ami qoyanema joca'li, qoyediñe da'me qom dos gaa'me jiyaĝa'u jo'ne t'aqataĝa'n nataq'aen da'me nalo'ta'ajalo gaa'me 'laqataĝanaĝaco, qama'le 'uo da'me lajo'viyaĝac.

Juan 8:17 Referans Kwoze

Deuteronómio 19:15

Ca 'oonolec shiỹaxaua da ỹa'axat da ỹauaachigui ca lỹa da dalaataxan, huo'otaq ỹo'ot ca sa ỹaỹamaxañi, nache saishet da qaỹa'amaqten ca la'aqtaxanaxac. Cha'aye da nache 'eetec de'era, nache iuen da dos huo'otaq tres caua ỹa'axa't cam ỹauaachiguilo.

Deuteronómio 17:6

«Qalaxaye iuen da dos huo'otaq tres caua shiỹaxau' maye ỹa'axa't da ỹauaachiyigui camaye, nache camaye ishet da qaỹalauat, qaq da huo'otaq 'oonolec shiỹaxaua ca da'aqtaxan, nache saishet da qaỹalauat camaye.

Hebreos 10:28

Da huo'otaq huo'o ca qanmit shiỹaxaua, qaq da huo'oi caua dos da da'aqtaxa'n da ỹa'axa't da 'eesa da saishet da ỹalaxaguet na namaxasoxonaxacpi maye chegoqo'ot so Moisés, nache cam nmit na nasouaxashet ỹataqta saishet da ichoxonnai' da damaxasoxoolec que'eca shiỹaxaua da qaỹalauat.

Mateo 18:16

Qalaxaye camaye da saishet da 'am ỹalaxaguet, nache 'am 'auỹaxana ca 'oonolec, huo'otaq caua dos nam Aỹem ca'attague'pi yaqto' 'ara'aqtaxanaxau'. Cha'aye ana nere maye huetalec na la'aqtacpi Ñim Lo'onatac 'Enauacna, dapaxaguenataxanec da huo'o ca 'eeta'am de'era, nache qaiue'n caua dos huo'otaq caua tres da da'aqtaxa'n.

Gálatas 3:24

Na namaxasoxonaxacpi 'eeta'am ca napaxaguenataxanaq da qomi' ỹaueca'agueta da qomi' ỹauegalo So Cristo, yaqto' Ñim Lo'onatac 'Enauacna qomi' ỹaconegueta souaxat da huo'o da qarpi'iỹaxac Ñimaye.

2 Corintios 13:1

Qaq mashe ivi' tres nagui da she'eguelaxalec da qami' ñeqo'onalo. Qaq qantooñita'aque qome naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eetra': Da qaỹauo'o ca lasouaxashet ca nỹa, qalaq iue'n caua dos huo'otaq tres shiỹaxau' da da'aqtaxa'n.

Apocalipsis 11:3

Nache Aỹem sama'q caua dos ỹa'aqtaxanaxanaqa, da yaqto' ỹa'axa't da ỹataqta 'eesa ỹa'aqtaxanaxac. Qaq caamaye qom sama'q qalaq ỹaatrañi ñaqa'e'n caua alogo lasouaxaqui', da yaqto' ỹa'axat da ỹa'aqtaxanaxac iviraxattre'c que'ecaua tres vi'iye qataq ca laiñi ca lỹa vi'i.»

Gálatas 4:21

Qami' maye qauauoitaique da qaualaqailec na namaxasoxonaxacpi, ñaq aỹem qaua'aqtaxañim: ¿Saishet peta'a da qautaxaỹaxañiita'ape naua ñiyigui'she maye huetaleguete ana nere maye huetalec na la'aqtacpi Ñim Lo'onatac 'Enauacna da nataqa'en ỹa'axattac so Abraham?

1 Juan 5:9

Qomi' ỹataqta huo'o naq 'enec ñaqa'enaq da la'aqtaxanaxac na shiỹaxauapi, qalaxaye ỹactec ñaqa'enaq da lyac da la'aqtac Ñim Lo'onatac 'Enauacna, cha'aye damaye ỹa'axattac da 'eetec So Llalec.

1 Reyes 21:10

Qataq datategueta qanqa'eñi caua dos ỹale't 'etaxaloxoiqa, maye saq'en ca ỹa'axa't, yaqto' caamaye ỹa'axa't qome da so Nabot isheueetac Ñim Nataxala', qataq ñi nta'a Ajab. Qaq da ime, nache qaupa'axañiiuec ca Nabot, nache qaualauache qauroilec ca coma'.»

Juan 15:25

Qalaxaye damaye iuen da yo'oq, da yaqto' ipacchigui dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Aỹem nquiỹa namayepi, qamaq qaica ca sasouaxat.»

Juan 10:34

Nache So Jesús 'enapega somayepi, 'eeta': –Na namaxasoxonaxacpi maye qami' qoỹanema co'ollaxa, nanettañi da la'aqtac Ñim Lo'onatac 'Enauacna maye 'eeta': «Qami' sa'axatema da qami' piguem le'ecpi.»

Números 35:30

Qaq da huo'o ca dalaataxan, nache camaye iuen da qaỹalauat nataqa'en. Qalaxaye saishet da qaỹalaxaguet ca la'aqtaxanaxac ca 'oonolec shiỹaxaua, nachecata cam qalota da da'aqtaxanpi, nache camaye ishet da qaỹalauat.