Juan 8:15 - La'aqtaqa Ñim Lo'onatac 'Enauacna 2013

¹⁵ Qami' da qanmichi ca nasouaxashet, qalaq qaupaquiichigui ca maiche lhuennataxac na yo'oqchigui shiỹaxauapi. Aỹem, qalaxaye saishet da sauo'o ca lasouaxashet ca shiỹaxaua.

Nuevo Testamento Toba Sur

¹⁵ Qami' da qanmichi ca nasouaxashit, qalaq qaupaquiichigui ca maichi lhuennataxac na yi'oqchigui shiÿaxauapi. Aÿim, qalaxayi sa ishit da ñimit ca nasouaxashit.

Nuevo Testamento Toba Sombrero Negro

¹⁵ Ami jo'ne analoqochiñe joga'me jo'ne ch'e jiyaĝaua lelnataĝac, jayem qamqa'me ja ñaloqote'n gamachaqaegaua lelnataĝaco jogaa'me jiyaĝa'u.

Juan 8:15 Referans Kwoze

1 Samuel 16:7

Qalaxaye Ñim Nataxala' 'enapega somaye, 'eeta': «Saishet qome da 'aulotagui da yo'oqchigui lataxac, qataq da lalogaxa, cha'aye saishet da nachera da selotagui. Cam shiỹaxaua ilotagui da yo'oqchigui nataxac, qalaxaye Aỹem saishet da selotagui da yo'oqchigui lataxac ca shiỹaxaua, nda'a't da selotagui da lquiyaqteỹaxac.»

Juan 12:47

Qalaxaye da huo'o ca choche na'axaỹaxaategalo naua ỹa'aqtaqa qalaq saishet da ỹo'o't, qaq saishet da Nachaỹem da so'ot ca nhuaxanaguec camaye, cha'aye Aỹem saishet da ñanaỹa ana 'alhua da sauo'o ca nhuaxanaguec na shiỹaxauapi, nachaqrata da Aỹem ñanac, da yaqto' ñeca'alaxatec namayepi.

Juan 7:24

Qami' saishet da qoñiitega huo'o ca sa ỹaỹamaxañi da choche qaupicheetega. Iuen da hua'auñi da ỹoqta qauaỹaañita.

Juan 3:17

Ñim Lo'onatac 'Enauacna saishet da namaxa na Llalec ana 'alhua, da yaqto' ỹauo'o ca nhuaxanaguec na shiỹaxauapi. Nachaqrata da nca'alaxatec, chegoqchigui Namaye.

Juan 18:36

Nache So Jesús 'enapeco': –Da ỹo'onataxanaxac da Aỹem nta'a, damaye saishet da lma' ana 'alhua. Cha'aye da nache 'eetec taxa de'era, nache nam ca'attague'pi Aỹem sogotectaxa da deloqui, da yaqto' saishet da Aỹem qoỹaneua'a na judiopi. Qalaxaye da ỹo'onataxanaxac da Aỹem nta'a, damaye saishet da lma' ana 'alhua.

1 Corintios 2:15

Qalaxaye ca shiỹaxaua maye netanguit So Saqcha'a La'añaxac Ñim Lo'onatac 'Enauacna, camaye ishet da nmit 'enauac na lataxaguesat. Qaq camaye, qaica ca ishet da nmit.

Romanos 2:1

Da huo'o ca 'oonolec da qoñiita da ỹauo'o ca lasouaxashet ca lỹa, nache camaye maiche ỹo'ottac nataqa'en ca lasouaxashet, cha'aye nataqa'en ỹo'ottac damaye. Qaq ỹoqo'oye camaye sa ỹaỹamaxañi da ỹauo'o ca lasouaxashet ca lỹa huo'otaq da nmittac,

Juan 8:11

Nache asomaye 'enapeco': –Qaica, 'am Ỹataxala'. Nache So Jesús 'enapego' asomaye, 'eeta': –Aỹem nataqa'en saishet da sauo'o ca 'arasouaxashet. Qaq nagui 'am qojec, qalaxaye saishet da qaltaq 'avi'eguelaxalec da 'auo'ot som qauem maye 'auo'ottac.]

Amós 5:7

Qaq choxoraxaso' nam shiỹaxauapi maye nmeneguet naqa'en da ỹaỹamaqchiguiñi lataxac nam qauemsat, nache ỹasaxaiya' da nalochiguiñi lataxac.

Santiago 2:4

Qaq da nache qoñiitec de'era, nache qoñiita'am nam qauemaicpi maye nmit na nasouaxashetpi, da huo'o na imatalec da lauoche saq 'ena'am naqa'en na laỹepi.

Lucas 12:14

Qalaxaye So Jesús 'enapega, 'eeta': –'Am shenapega, ¿negue't ca Aỹem ỹanagui da saỹamaxaañi cam qancotaitapigui, huo'otaq da secolaxachigui da nsallaxa?

Habacuc 1:4

Cha'aye sa qaipaguelec na nqataxacpi, qataq da huo'o na qanmit, qalaq sa qaipaguelec da 'eesa lataxac, nam qauemaicpi qalaq ỹataqta sa iren nam no'on da lataxac, qataq qaỹashaxanec dam ỹataqta nalochiguiñi lataxac.

Amós 6:12

Qaq ¿isheto' peta'a na caipi da nqalgoqtalec na coma'pi? Qataq ¿isheto' peta'a na nauegaxanaxala' huacapi da na'ayisheguem na coma'pi? ¡Cha'aye da no'on lataxac nmeneguet qanqa'eñi dam lataxac maye qanlem! ¡Qataq da alaỹaxac da nalochiguiñi lataxac qalaq ỹataqta chem qanqa'eñi!

2 Corintios 5:16

Qaq ỹoqo'oye qomi' nagui saishet da choche seloqtapigui da lataxac ca shiỹaxaua da shenaqta'am nam huetalec ana 'alhua. Qaq na'aictaxa da sogote co'ollaxa da seloqtapigui da lataxac So Cristo da shenaqta'am nam huetalecna, qalaxaye nagui saishet da nache 'eetec da qarhuennataxac.