Juan 8:14 - La'aqtaqa Ñim Lo'onatac 'Enauacna 2013

¹⁴ Nache So Jesús 'enapeco': –De'era ỹa'aqtaxanaxac, damaye ỹataqta 'eesa, na'aictaxa da huo'otaq Aỹem maiche ña'axattapeguela't. Cha'aye saỹateeta ye sachegoqchiguiña, qataq dam sata'ague. Qami', qalaxaye saishet da qauaỹaañi.

Nuevo Testamento Toba Sur

¹⁴ Nachi so Jesús 'enapeco': –De'eda i'aqtaxanaxac, damayi ÿataqta 'eesa, nai'ctaxa da huo'otaq aÿim maichi ñi'axattapeguela't. Cha'ayi saÿateeta yi sachigoqchiguiña, qataq dam sata'ague. Qami', qalaxayi sa ishit da qauaÿajñi ca sachigoqta'ague, qataq cam sata'ague.

Nuevo Testamento Toba Sombrero Negro

¹⁴ Jesús male 'yategueta: —Da'me dojo' yapaĝaguenataĝanaĝac 'uo da'me lajo'viyaĝac, mate mane'e mach'e jayem da'me 'ñaĝatetapela't, qa'a jayaten ga'me jo'ne jachiyoĝogue nataq'aen ga'me jo'ne jec'ata qomle. Qama'le ja ena'am da'me ami: ja auayachiñe ga'me jachiyoĝogue nataq'aen di'me jo'ne jec'ata qomle.

Juan 8:14 Referans Kwoze

Juan 16:28

Aỹem sachegoqtot co'ollaxa Ñim Ita'a da ñanaỹa ana 'alhua, qaq nagui qalaq Aỹem sheca'ai ana 'alhua da she'eguelaxa Ñimaye.

Juan 14:10

Qataq ¿saisheto' peta'a da 'aua'amaqten da Ñim Ita'a qataq Aỹem da 'oonolec da qarataxac? Naua ỹa'aqtaqa maye ñasaxarec, naamaye saishet da maiche ñallegoxottela't. Aỹem nachaqrata da so'ot ca Aỹem ỹamaxalec Ñim Ita'a, qaq Ñimaye ỹo'ot ca maiche 'eetapeguec ỹachegoxotchigui Aỹem.

Juan 8:42

Nache So Jesús 'enapega somayepi, 'eeta': –Da ỹoqta 'eesactaxa da Qarta'ai Ñim Lo'onatac 'Enauacna, nache qami'ctaxa ỹataqta Aỹem qauauochec. Cha'aye Aỹem nache sachegoqtot Ñimaye. Aỹem saishet da maiche ñallegoxottela't da ñanac, cha'aye Ñim Lo'onatac 'Enauacna maye Aỹem namaq.

Juan 17:8

cha'aye mashe sanema dam 'ara'aqtac maye Aỹem 'aỹa'anem. Qaq naamaye ỹaconegueta, qataq ỹaỹateeta da ỹoqta 'eesa da 'am sachegoqtot, qataq ỹa'amaqte'n da Aỹem 'aramaxashec.

Números 12:3

Qalaxaye so Moisés ỹataqta huesota da lataxac, qaica ca 'ena'am na shiỹaxauapi, maye netalec ana 'alhua.

Apocalipsis 3:14

'Auauo'o nataqa'en aca 'ere, ime nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Laodicea. Qoneta': ¡Aỹem maye ỹe'enaxat da 'Eesa! Qaq ỹe'enaxat de'era, cha'aye sapaxaguenataxaateguec da 'eesa na'aqtaguec Ñim Lo'onatac 'Enauacna, qaq saishet da satenataxaatac. Qataq chegoqchigui Aỹem da Ñim Lo'onatacna ỹo'ot 'enauacna. Ñaq 'ana'axaỹaxana dam 'am sa'axatem:

2 Corintios 12:19

Qalqo' ¿qami' qaupi'itaxañiỹa peta'a da qomi' shenaqapec de'era, da choche qami' ñimanaqtacoto? 'A'i, saishet. Nachaqrata da qomi' ỹaỹateete' Ñim Lo'onatac 'Enauacna nagui da qomi' lalamaqa'ate So Cristo. Qaq 'enauac de'era so'otaq, qami' ỹaqaỹarolqa, damaye naigui da yaqto' ishet da qanquiquiitasheguem da ỹataqta qaupi'iỹa'ai So Cristo.

2 Corintios 12:11

Aỹem saỹaten da maiche ño'oxoreetapeguela't, nache damaye ỹa'axat da qaica ca saỹaanapec, qalaxaye qami' aỹem qauamaqỹalec da so'ot damaye. Qamaq qami'ctaxa maye qavio'oxoyiñiitac aỹem, cha'aye sela'a da saishet da aỹem napacalec nam qoquiitague'pi maye 'eetega da nataỹaña nam Jesús lamaxashecpi, na'aictaxa da aỹem qaica ca shenec.

2 Corintios 11:31

Qaq Ñim Lo'onatac 'Enauacna maye Lta'a So Qarataxala' Jesús, som taiguet da chochaq tatec da ño'oxonnataguec, Ñimaye ỹaỹateeta da saishet da satenataxaatac.

Juan 10:36

Qaq da huo'otaq Ñim Lo'onatac 'Enauacna Aỹem namaxa co'ollaxa ana 'alhua, qaq ¿ta'ainco' qami' ye qoñiitega da naua ỹa'aqtaqa sa iyacna'ape Ñimaye, souaxat da sheetega da Aỹem Llalec Ñimaye?

Proverbios 8:7

Cha'aye de'era shenapec damaye ỹataqta 'eesa, aỹem sa saỹamaxaren da ñasaxauec ca saq'en.

Juan 5:31

Cha'aye da huo'otaq Aỹem da no'on ca ỹa'aqtaxanaxac da maiche ña'axattapeguela't, nache qami' qoñiitega da satenataxaatac.

Juan 18:37

Nache so Pilato 'enapego' Somaye, 'eeta': –¿Qache ỹoqta 'eesa da 'am nta'a? Nache So Jesús 'enapeco': –Aja', Aỹem nta'a, nachera dam qonapec. Aỹem sañiguiñi da ñanaỹa ana 'alhua, da yaqto' sa'axat cam 'eesa. Qaq 'enauac nam ỹalaxalec dam 'eesa, namayepi na'axaỹaxana dam ỹa'aqtaxanaxac.