Juan 7:48 - La'aqtaqa Ñim Lo'onatac 'Enauacna 2013

⁴⁸ ¿Peta'a huo'o ca 'oonolec na qarataxala'pi, huo'otaq nam fariseopi, da huo'otaq ỹa'amaqten Somaye?

Nuevo Testamento Toba Sur

⁴⁸ ¿Peta'a huo'o' ca 'oonolec na qadataxala'pi, huo'otaq nam fariseopi, da huo'otaq i'amaqten somayi?

Nuevo Testamento Toba Sombrero Negro

⁴⁸ ¿Qo'li 'uo jogamaĝa 'yamaqaten jonaa'me jo'ne mach'e qadajoĝola'te, uotaĝa naa'me fariseopi?

Juan 7:48 Referans Kwoze

Juan 12:42

Qalaxaye ñaqaiyeta ỹataqta qalota na judiopi na ỹa'amaqten So Jesús, ivira'a nam ỹataqta 'amaqtaqaicpi. Qalaxaye namayepi saishet da ỹataqta nachaxaata, souaxat da ñe'etega na fariseopi da huo'otaq ỹamaqauec namayepi da huaigui ana napaxaguenaxaquipi,

1 Corintios 2:8

Qaq ỹoqta 'eesa da lhuennataxac Ñim Lo'onatac 'Enauacna da saishet da ỹaỹaten nam damaxasoxonapecpi maye lma' ana'ana 'alhua. Cha'ayectaxa da ỹaỹaten, nache saishettaxa da ỹalauat so ỹo'oxoraic Qarataxala' da iuaxaneguet so npe'enaxaqui Som lalamaxat da achaalataxac.

1 Corintios 1:20

Qaq nagui ¿hua'ague ca hueta'ague ca ỹaanaxanaxaic, huo'otaq ca dapaxaguenataxaateguec ana la'aqtac lmalate Ñim Nataxala' maye Lo'onatac 'Enauacna? Cha'aye da naỹaanec maye lma'na, damaye choche 'eco' 'oopashec naqa'en Ñim Lo'onatac 'Enauacna.

Juan 7:26

Cha'aye damaye ỹataqta nachaxaata da detaqtac, qalaq qaica ca ishet da 'enapega da de'enaxaatai'. ¿Yo'oqta da nataqa'en peta'a na qarta'alpi maye qomi' ilotegueto da ỹa'amaqten damaye, da nachera dam Lca'aguishec Ñim Lo'onatac 'Enauacna?

Hechos 6:7

Nache da la'aqtac Ñim Lo'onatac 'Enauacna ỹataqta nquictasheguem. Qataq ye lcata na da'amqaanataxan ye Jerusalén ỹataqta nquictauec, ivira'a da qalota na ỹa'amaqten So Jesús nam ntaxaỹaxanaxanecpi da qaitaxaỹapegue' Ñim Lo'onatac 'Enauacna maye judiopi.

Juan 7:50

Qaq, nache hueta'a yemaye so fariseo le'enaxat Nicodemo. Somaye huo'o so pe co'ollaxa da nqo'ona So Jesús, nache 'enapeco':

Mateo 11:25

Nache se'eso na'a'q So Jesús ỹauo'o so la'aqtac ỹanot Ñim Lo'onatac 'Enauacna, 'eeta': «¡'Am Ita'a, maye 'aulotague' na piguem qataq ana 'alhua! 'Am sanot da ña'achec, cha'aye saishet da 'auachaxana de'era na huattonaxanaxaicpi qataq na ỹaanaxanaxaicpi. Nachaqrata da 'auachaxana na shiỹaxauapi maye qaica ca la'amaqchec qataq huesota.

Lucas 23:13

Nache so Pilato lapona't so lataxala'pi na ntaxaỹaxanaxanecpi qataq nam lataxala'pi na shiỹaxauapi.

Juan 3:1

Huo'o so ỹale le'enaxat Nicodemo. Somaye ỹalectaigui na fariseopi qataq na lataxala'pi na judiopi.

Juan 7:49

Qalaxaye na ỹa'amaqten Somaye, namayepi sa ỹaỹaten na namaxasoxonaxacpi maye chegoqo'ot so Moisés, qaq ỹoqo'oye Ñim Lo'onatac 'Enauacna ỹauo'o ca nhuaxanaguec namayepi.