Juan 7:38 - La'aqtaqa Ñim Lo'onatac 'Enauacna 2013

³⁸ Qaq añi lquiyaqte cam Aỹem ỹa'amaqten, chegoqtoigui ca 'etaxat maye 'eeta'am na la'auaxac da npaxaatasheguem. Cha'aye nache 'ena'ape naua nanettraleguete ana nere maye huetalec na la'aqtacpi Ñim Lo'onatac 'Enauacna.

Nuevo Testamento Toba Sur

³⁸ Cha'ayi nachi 'ena'pe naua ñiyigui'shi n'aqtaqa da ca aÿim i'amaqten, nachi camayi añi lquiyaqte chigoqtoigui ca 'etaxat mayi 'eeta'am na l'auaxac da npaxaatashiguem.

Nuevo Testamento Toba Sombrero Negro

³⁸ Qama'le ena'am da'me jo'ne 'yaĝate'tape jonaa'me nedii's, gaa'me jo'ne jayem p'iida'a, ga'me lai'li jogaa'me 'natetayi joga'me noĝop jo'ne chiyaqayi da'me nec'alaĝa.

Juan 7:38 Referans Kwoze

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Isaías 58:11

Qaq Aỹem, nache shecto'ot qome da 'am selotague', qataq qalota ñaqa'en na 'oq qom qoueta'a ye toolec 'alhua, qataq sanem da la'añaxac da 'aro'ocỹaxac, nache qoneta'am ca nanaxanaqa' maye qaicottalec, qataq qoneta'am aca mpa'axaatasheguem 'etaxat laỹe' maye saimeuo na 'etaxat.

Isaías 44:3

cha'aye Aỹem so'ot qome da ipaxaalec na 'etaxat ye toolec 'alhua, qataq na la'auaxacpi nam 'alhuapi maye deqaqta. Aỹem sanem qome da dalaxaic lca'alaxa ca 'am chegoxoguetpi, qataq ñamaxa qome ca iqouagaxanaqtaic.

Isaías 12:3

Nataqa'en qami' ishet da qauamaichiguiñi qome da qanỹomiigui acam laỹe' da nca'alaxa,

Juan 4:10

Nache So Jesús 'enapeco': –'Am saishet da 'auaỹaten dam huotaique 'am ỹanem Ñim Lo'onatac 'Enauacna, qataq nataqa'en saishet da Aỹem 'auauatton. Cha'ayectaxa da 'auaỹaten, nache 'am Aỹem 'auỹaxanot taxa ca 'etaxat, nache Aỹem 'am sanem ca 'etaxat maye chegaqaigui da nca'alaxa.

Proverbios 10:11

Naua la'aqtaqa ca no'on da lataxac qalaq chegaqaiguilo da nca'alaxa, qaq ca qauemaic qalaq ipataxañi na qauemsat.

Zacarías 14:8

Qaq huaña, nache ye Jerusalén chegoqtegueua'a qome ca 'etaxat maye ỹataqta attom, maye quetac da nvi' ye no'omaxa, qataq ye napaxaỹaxa, qaq tachiguingui na laiñi ca ipaxaneuga aye auaxai leuaxai, qaq ca laỹe qalaq ipaxaneuga aso auaxai maye le'enaxat Mediterráneo.

Proverbios 18:4

Naua la'aqtaqa ca ỹale 'eeta'am na 'etaxat maye qaỹoqchiguingui, qataq 'eeta'am na tala la'auataxa da chegaqangui na naỹaanec.

Isaías 59:21

Ñim Nataxala', 'eeta': «Aỹem so'ot da ñaỹamaxataxac da qami' ñaỹamaxatto, da ỹa'añaxac qataq nam ỹapaxaguenataxanaxacpi maye qami' sanema, qami' sachaxanapeguema da saishet qome da qami' ca'aisalo, qataq cam qami' chegoxogueta, nache damaye qome qaica ca loga't.»

Deuteronómio 18:15

Qaq Ñim Nataxala' maye Qanatamnaxala'ai qami' chegoqtoiguilo naqa'en qome ca la'aqtaxanaxanec da 'eeta'am aỹem, qaq camaye ỹataqta qaualaqaiguet qome.

Efesios 5:9

cha'aye se'eso Saqcha'a Na'añaxac nacheso so chegoqchigui da nauotaxanaqtaic qataq da 'eesa lataxac qataq dam achaalataxac maye qui'itta.

Isaías 35:6

qaq na sara'añeeguelo naua lchel qalaq parenaxaatai' qome 'eeta'am aca chegaxango, qaq na 'apaicpi qalaq ỹa'alaqtagui qome. Qaq yem toolec qataq yem deqaqta 'alhua qalaq npaxaasheguem qome na 'etaxat.

Isaías 55:1

'Enauac nam ilem laquip, anac qome da yaqto' nỹomgui na 'etaxat, qataq nam qaca aca alom anac qome da ỹache na trigo maye qoỹaatem da yaqto' aloq, qataq yaqto' ỹanata na lataxa qataq na huaca lche' maye qoỹaatem.