Juan 7:37 - La'aqtaqa Ñim Lo'onatac 'Enauacna 2013

³⁷ Qaq som pa'atec na'a'q soua na'axa'te maye laloxoqui' da qanayenaiguilo naua npe'lolqa, qo'oipaq lcouepi som ỹataqta ỹactec da la'amaqchec. Nache se'eso na'a'q nachaañi So Jesús, nache ỹataqta nlamaxaren da detaqa, 'eeta': –Ca huo'o na laquip, qaq no'on da Aỹem naua'a, yaqto' nỹom.

Nuevo Testamento Toba Sur

³⁷ Qaq som pa'ateec na'a'q soua naponaxaqui' mayi ÿataqta ÿacteec da ñi'oxonnataxanaxac. Nachi se'eso na'a'q nachajñi so Jesús, nachi ÿataqta nlamaxaden da detaqa, 'eeta': –Ca huo'o na laquip, qaq no'on da aÿim nau'a, yaqto' nÿom.

Nuevo Testamento Toba Sombrero Negro

³⁷ Jo'me nolo' jo'ne p'ategue 'me neualaĝayaĝaiqui, nach'ejo jo'ne yaguegue da'me ni'yoĝodenataguec, qama'le nach'ejo jo'me nolo' da'me Jesús nechachiñe da'me netenec joda'me lapaĝaguenataĝanaĝac, enaac: —Ena'uaque jogaa'me jo'ne yelinqui'p, 'noota qom jayem nec'adeta, qaedi ñiyomaĝa'n.

Juan 7:37 Referans Kwoze

Isaías 55:1

'Enauac nam ilem laquip, anac qome da yaqto' nỹomgui na 'etaxat, qataq nam qaca aca alom anac qome da ỹache na trigo maye qoỹaatem da yaqto' aloq, qataq yaqto' ỹanata na lataxa qataq na huaca lche' maye qoỹaatem.

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Juan 6:35

Nache So Jesús 'enapeco': –Aỹem Nachaỹem nauole maye san da nca'alaxa. Ca Aỹem naua'a, nache sa nauane' na lqouaxa; qataq ca Aỹem ỹa'amaqten, nache sa nauane' na laquip.

Isaías 12:3

Nataqa'en qami' ishet da qauamaichiguiñi qome da qanỹomiigui acam laỹe' da nca'alaxa,

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

Isaías 44:3

cha'aye Aỹem so'ot qome da ipaxaalec na 'etaxat ye toolec 'alhua, qataq na la'auaxacpi nam 'alhuapi maye deqaqta. Aỹem sanem qome da dalaxaic lca'alaxa ca 'am chegoxoguetpi, qataq ñamaxa qome ca iqouagaxanaqtaic.

Juan 4:10

Nache So Jesús 'enapeco': –'Am saishet da 'auaỹaten dam huotaique 'am ỹanem Ñim Lo'onatac 'Enauacna, qataq nataqa'en saishet da Aỹem 'auauatton. Cha'ayectaxa da 'auaỹaten, nache 'am Aỹem 'auỹaxanot taxa ca 'etaxat, nache Aỹem 'am sanem ca 'etaxat maye chegaqaigui da nca'alaxa.

Apocalipsis 21:6

Ime qaq aỹem 'enapega, 'eeta': «¡Mashe sogote da ime! Aỹem maye Nachaỹem la'atchiguiñi qataq sepa'atec. Qaq cam ilem na laquip, nache Aỹem sanem ca 'etaxat maye npaxaatasheguem qataq chegaqaigui da nca'alaxa chochaq tatec. Qaq camaye qaca aca lasheue.

Salmos 42:2

Ỹataqta huo'o na ỹaquip da ñimittaique Ñim Lo'onatac 'Enauacna, Ñim Lo'onatac 'Enauacna maye chegoqo'ot da nca'alaxa. Qaq ¿chaq laguio' da ñachaateua'a Ñimaye?

Salmos 63:1

'Am maye 'Aro'onatac 'Enauacna, maye 'am Ñatamnaxala', ỹataqta huo'o da iyaxa da 'am ñimitaique, cha'aye ỹataqta huo'o da iuennataxa da qoneta, qataq 'enauac da ñachaalataxac 'am iuen, 'eeta'am ca 'alhua daqaqta maye iuen ca 'etaxat.

Salmos 143:6

'Am sachaxaato'oto naua ihua'q, cha'aye da ñachaalataxac ỹataqta 'am iuen, sheeta'am ca 'alhua deqaqta maye iuen ca 'etaxat.

Apocalipsis 22:1

Ime, nache so namaxashec piguem le'ec aỹem ỹachaxana so tala maye chegoqtapoigui da nca'alaxa chochaq tatec. Se'eso tala chegoqteua'a aso nso'onaxaqui Ñim Lo'onatac 'Enauacna qataq Ñim Qagueta Llalec, somaye ỹataqta chauec, 'eeta'am na 'etaxat da ỹataqta qui'itta.

1 Corintios 12:13

Cha'aye qomi' huo'o na judío le'ec, qataq huo'o na saishet. Qataq huo'o na nlatacpi, qataq huo'o na huesochiguiñi. Qalaxaye 'enauac qomi' qanachelaxanguilo So Saqcha'a Na'añaxac Qui'itta, da yaqto' 'oonolec ca qara'amqaanataxanaxac qataq 'oonolec da qaro'ocỹaxac. Qaq ñi 'oonolec da shenaqta, Ñim Lo'onatac 'Enauacna ỹami' So Saqcha'a Na'añaxac Qui'itta.

Juan 6:55

Cha'aye da ỹo'ocỹaxac, nachera da ỹoqta 'eesa nallec, qataq naua itago'q, nachenaua na ỹoqta 'eesa naquip.

Mateo 11:28

Qami' maye nache 'eetai' da qoviitaigui da qarhuogoqoi, qataq da qarachetataiqui. Qauanaiua'a Aỹem yaqto' qami' ñimataxaare'c.

Números 29:35

Qaq ca na'a'q ocho, nache qauo'oche qome ca ỹo'oxoraq qaraponaxaqui, qaq que'eca na'a'q qaica qome ca qauo'oche na no'onatacpi.

1 Corintios 10:21

Qataq saishet da qanỹomiigui aca ỹomaxaqui maye naigui da qaỹo'oxoren So Qarataxala', nache nataqa'en qanỹomiigui aca ỹomaxaqui maye naigui da qaỹa'amaqten na lamaxashecpi maye saqcha'a so pa'aguenataxanaxaic. Qataq saishet da qolliqui ca nallec maye naigui da qaiuennate So Qarataxala', nache nataqa'en qolliqui ca nallec maye qoỹanot na lamaxashecpi so pa'aguenataxanaxaic.

1 Corintios 10:4

So Cristo nnaictague' somayepi, qalaxaye saqcha'a. Qataq nacheso so 'etaxat co'ollaxa maye chegaqaigui so coma', da yaqto' ỹa'axaneguet na laquip somayepi. Qaq 'enauac somayepi nỹomgui se'eso 'etaxat.

Isaías 58:1

Ñim Nataxala' aỹem 'enapega, 'eeta': «'Anlamaxaren qome da 'aua'alaq saishet da 'añe'etac, 'ana'axannec da 'arvilỹaxac 'eeta'am 'anqa'en aca nasheere, ỹataqta sa 'auala'ac da qonapega na ỹalamaxat nhuo' le'ecpi souaxat da saỹalaq, nam chegoxoguetpi so Jacob souaxat nam lasouaxashetpi.

Levítico 23:36

Qaq que'ecaua na'axa'te, nache qauavigaxache aca qarachetaqtaxanaqche da qavio'oxoyiñi Ñim Nataxala'. Qaq da ivita ca na'a'q ocho, nache nataqa'en qauo'oche ca naponaxac, qataq qaỹa'añeeuo aca qarachetaqtaxanaqche da qaỹa'añiỹot Ñim Nataxala'. Qaq que'eca na'a'q, nache naponaxac lta'araic, qataq qaica ca qauo'oche na no'onatacpi.

Efesios 5:18

Qataq saishet qome da qami' taxaiqa, cha'aye damaye ỹaueca'a da nlaxaañi ca shiỹaxaua. Chaqrato' da ỹataqta qami' nlaqchiguilo So Saqcha'a Na'añaxac Qui'itta.

1 Corintios 11:25

Qaq co'ollaq mashe ime da lquia'axac, nache ỹacona aso ỹomaxaqui. Nache 'enapeco': «Ana'ana ỹomaxaqui, anamaye naigui da dalaxaic naỹamaxataxac Ñim Lo'onatac 'Enauacna da qami' naỹamaxatto, chegoqchiguilo naua itago'q. Qaq da ivita da qanỹomiigui, nache qaltaq qauennache Aỹem.»

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Juan 6:37

'Enauac nam lca'aguishecpi Ñim Ita'a da yaqto' sauo'o ỹapaxaguenatacpi, namayepi Aỹem naua'a; qaq Aỹem saishet da semaqa'aguet.

Juan 5:40

qalaxaye qami' saishet da huotaique da Aỹem qaua'amaqchiñi, da yaqto' qami' taỹoto de'era nca'alaxa maye chochaq tatec.

Juan 1:23

Nache so Juan 'enapeco': –Qomye nachaỹem, maye aỹem ỹa'axatta'aguet so la'aqtaxanaxanec Ñim Lo'onatac 'Enauacna. Qaq nachaỹem maye aỹem chemaqtapeguelec ca toolec 'alhua, qaq da iỹaxanaxac, sheeta': «Qauqataxañiỹai' ca ỹataqta ỹashectec nqa'aic Ñim Lca'aguishec Ñim Nataxala'.»

Zacarías 9:15

Ñim Nataxala' maye Qaica ca Ỹaqalanapec npaxattalec qome na lalamaxatpi, qaq namayepi petapigui qome na coma'piolec maye npocnaxanaxat, qataq chec na npa'aguenaxauapi; nache nỹomigui na ltago'q, 'eeta'am naqa'en na lataxa, nache ỹataqta nlaqchigui namayepi, 'eeta'am aca nemaxanaqte late'erai, maye laỹe' na tago'q, da yaqto' qaicorelec añi nca'atoxonaxalate.

Miqueas 6:9

Ñim Nataxala' iỹaxaatega nam huaqta'a't nỹecpi, qaq ca huo'o naq 'enec naqa'en da le'enaxat Ñimaye, qaq nacheca ca ỹaanaxanaxaic. Ña qana'axaỹaxañi qami' nhuo' le'ecpi, qataq qami' shiỹaxauapi maye qaỹa'añiitac nam nqataxacpi.

Jeremías 16:19

'Am Nataxala', maye 'Am ỹa'añaxac qataq aỹem 'ampaxattalec, qataq ỹe'eguenaxaqui da huo'o ye sevireguet lchec, 'am naỹa qome na ỹotta'a't shiỹaxauapi maye chegaqa'alo naua loga'te ana 'alhua, nache 'am 'enapega, 'eeta': «Nachenata nam saq 'en atamnaxala'pi maye qaca ca naigui qataq qaica ca la'añaxac da ỹaconeguet co'ollaxa som hua'au qarta'alpi da lalamaxat.»

Jeremías 2:2

«Qojec qome, nache 'aua'aqtaxanem na hueta'a ye Jerusalén, qoneta': Da la'aqtac Ñim Nataxala' 'eeta': ‹Aỹem seuennate 'am, qataq da 'aralaxayec co'ollaq saxanaxa da 'am ỹe, qataq da 'arauotaxanaqtaic maye 'eeta'am aca auonaxaua co'ollaq aỹem 'auca'attague' da qoquetalec ye toolec 'alhua qataq yem 'alhua maye qaica ca ñaxaalec›»,

Isaías 55:3

Ñaq Aỹem qauanaiua'a nache qana'axaỹaxañiichiguiñi, Aỹem qana'axañiỹa nache qanca'alleeuec. Aỹem so'ot qome cam chochaq tatec ñaỹamaxataxac da qami' ñaỹamaxateto, yaqto' sepaqueelec dam sachanapeguem co'ollaxa so David, souaxat da ỹauotaxanaqtaic somaye.

Isaías 40:6

Huo'o so nvilỹaxac, 'eeta': «'Anlamaxaren», nache aỹem senataxan sheeta': «¿Negue't cam sa'axat da ñelamaxaren?» «'Aua'axat da 'enauac na shiỹaxauapi 'eeta'am aca huoue, qataq 'enauac da llo'oxoyec 'eeta'am aca lauoxo maye huetalec na no'onaxa.

Nehemías 8:18

Qaq se'eso nquia'axac lta'araic nache imattrec soua siete na'axa'te, qaq ye 'oonolec na'a'q, nache huaigui da so Esdras itaxaỹaxa'n naxa soua lqataxaco Ñim Lo'onatac 'Enauacna. Qaq co'ollaq ivireuga so na'a'q ocho, nache qaỹo'ot so lta'araic naponaxac da yaqto' qaỹo'oxoren Ñim Lo'onatac 'Enauacna, nache qaipacchigui se'eso namaxasoxonaxac.

Levítico 23:39

Qaq ca na'a'q quince ca ca'agoxoic siete, qom mashe qanqache ca ala ca qa'añiguishequi, nache qauo'oche ca nquia'axac lta'araic huaiguilo que'ecaua siete na'axa'te da qavio'oxoyiñi Ñim Nataxala'. Qaq que'eca la'auaxanec na'a'q, qataq ca na'a'q ocho, nachecaua caua ỹoqta mataxaqui'.

Juan 7:28

Qaq co'ollaq hua'aqchigui de'era So Jesús maye dapaxaguenataxaatapoigui aso no'onaxanaxaqui late'erai, nache ỹataqta na'axannec da la'aqtac, 'eeta': –Ỹataqta 'eesa da Aỹem sa qauauattoñi, qataq sa qauaỹaañi cam sachegoqta'ague. Aỹem saishet da maiche ñallegoxottela't da ñanac, cha'aye Aỹem lamaxashec Ñim ỹataqta 'eesa, Ñim qami' saishet da qauauattoñi.

Isaías 40:2

da qaua'aqtaxañim na hueta'a ye Jerusalén qalaq huesotte' naua qara'aqtaqalle', qataq qaua'aqtaxañim da mashe ime da nlataguec, qataq mashe ime da isheeten nam lasouaxashetpi, qataq 'eeso'oya' da mashe ỹapacauec da nhuaxanaguec maye chegoqchigui da lhuaqỹaxac Ñim Nataxala' souaxat nam lasouaxashetpi.»

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Proverbios 8:3

nache ỹo'ot da qaỹa'axaỹa da lavilỹaxac da naloteuga ca lasom, ca ñegueuo maye taỹaua'a ca huaqta'a't nỹecpi, 'eeta':

Mateo 3:3

Qaq se'eso Juan nacheso som ỹiyiñi co'ollaxa so la'aqtaxanaxanec Ñim Lo'onatac 'Enauacna le'enaxat Isaías, co'ollaq 'eeta': «Huo'o da nvilỹaxac qaỹa'aqtega chemaqtapeguelec ye toolec 'alhua: ‹Qauqataxañiỹai' qome ca nqa'aic Ñim Nataxala'. ¡Ỹataqta qano'onaxacheetegue qome ca llec! ¡Saishet qome da huo'o ca npaxateguet!›»

Proverbios 9:3

nache ỹamaq aso lamaxashepi, da tasheguema so qaỹoqotcheguemec so huaqta'a't nỹecpi da deỹaxan, 'eeta':

Proverbios 8:1

Da naỹaanec ỹataqta nlamaxaren da deỹaxaatac, da naỹaanataxanaxac qaỹa'axaỹa naqa'en da lavilỹaxac.

Proverbios 1:20

Naua nqa'aico qataq naua naponaqa'ate, nache huañalo da qaỹa'axaỹa de'era naỹaanec.

Proverbios 8:17

Aỹem sauotec ca aỹem ỹauotec, qataq ca aỹem nmittaique aỹem ỹanata.

Ezequiel 47:9

Qaq camachaqca ca ivira'a qome ne'ena la'auaxac, nache nca'alec naqa'en na ỹotta'a't shiguiỹacpi, qataq ca qalota nỹaqpi. Cha'aye ne'ena 'etaxat ỹe'eguelaxata qome da ama ca 'etaxat maye ñe'eua, qaq 'enauac qome na huetangui ne'ena 'etaxat huo'o da lca'alaxa.

Mateo 5:6

Ñim Lo'onatac 'Enauacna ỹaalec da nqouagaxa nam huo'o da lyaxa da ỹo'ot ca nalochiguiñi lataxac, cha'aye Ñimaye itauan namayepi, da yaqto' ishet da ỹo'ot damaye.

Juan 4:11

Nache aso 'alo 'enapeco': –'Am Nataxala', qaica ca 'arasaxasoxonaxat da 'anqatsheguem ca 'etaxat, qataq anam ñi'illoxoqui ye ỹataqta qaỹoqtegue. Qaq ¿chaq hua'ago' ca 'auachegoxota'ague que'eca 'etaxat maye nca'altauec da Aỹem 'aỹa'anem?