Juan 7:32 - La'aqtaqa Ñim Lo'onatac 'Enauacna 2013

³² Na fariseopi co'ollaq hua'aqtapogoigui na shiỹaxauapi da 'eetega So Jesús, nache namayepi qataq nam lataxala'pi na ntaxaỹaxanaxanecpi nama'q soua huataxanaq lashe' maye ilotegueto aso no'onaxanaxaqui late'erai, da yaqto' ỹaconeua'alo Somaye da icoñe't.

Nuevo Testamento Toba Sur

³² Na fariseopi co'ollaq hua'aqtapoigui na shiÿaxauapi da 'eetega so Jesús, nachi namayipi qataq nam lataxala'pi na ntaxaÿaxanaxanecpi namaq so huataxanaq mayi ilotague' aso n'onaxanaxaqui, da yaqto' ÿaconeu'a somayi da icoñi'.

Nuevo Testamento Toba Sombrero Negro

³² Jogaa'me fariseopi domachita da'me 'naĝatetedapiye jogaa'me jiyaĝadipi ñe'me Jesús, qama'le jogaa'me fariseopi nataq'aen jogaa'me lejaliaĝanaqa gaa'me tamenaĝaiqui lo'olpi yamaĝalo'te gaa'me neteloqo't ga'me tamenaĝaiqui qaedi male yecoñe't joñe'me.

Juan 7:32 Referans Kwoze

Hechos 5:26

Nache som lta'a na huataxanaqpi qataq soua ltau' je'c da ỹaconeua'alo soua Jesús lamaxa'she, qalaxaye saishet da ỹapac da sa iyacna'ape, cha'aye huo'o da lcolanaqa' na shiỹaxauapi da dalemataỹalo soomaye, nache qaỹasa'q na coma'.

Juan 12:19

Qalaxaye nam fariseopi maiche detaqtega't, 'eeta': –Ña qauloỹa Namaye, 'enauac na shiỹaxauapi ca'attague'. Qaq qomi' nagui sa sañoxotaq da huo'o ca so'otaq.

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

1 Samuel 19:20

nache ỹamaq so nalleppi da yaqto' ỹaconeua'a somaye, qalaxaye so lamaxashecpi so Saúl co'ollaq ivita so hueta'a so David, nache natenalec so na'aqtaxanaxanecpi, qaq so Samuel nache ỹalectaigui somayepi. Qaq huaña nache so Saqcha'a La'añaxac Ñim Lo'onatac 'Enauacna, taigui so lamaxashecpi so Saúl, nache nataqa'en somayepi ỹalegueuo da da'aqtaxaatac.

Mateo 12:14

Nache so fariseopi huenoxonec da detaxaỹapigui ca lataxac da ỹalauat So Jesús.

Juan 7:30

Huaña, nache qanshetaique da qaỹaconeua'a Somaye da qaicoñe'. Qalaxaye saishet da huo'o ca nañoxot da ỹaconeua'a, cha'aye Somaye saxanaxa da ivita ca laloqo' da qaỹaỹaten da chaq negue't Somaye.

Juan 11:46

Qalaxaye huo'oi soua je'c somayepi, da nqo'ooreua'a na fariseopi, nache da'aqtaxanem da ỹo'ot So Jesús.