Juan 7:31 - La'aqtaqa Ñim Lo'onatac 'Enauacna 2013

³¹ Qalaxaye ỹataqta qalota na ỹa'amaqten Somaye. Nache namayepi 'eeta': –Ca Lca'aguishec Ñim Lo'onatac 'Enauacna qom nvi', qalaq ivira'a sa ỹañoxot da ỹo'ot na na'anecpi maye ỹo'ot de'era ỹale.

Nuevo Testamento Toba Sur

³¹ Qalaxayi ÿataqta qalota na i'amaqten somayi. Nachi namayipi 'eeta': –Qom ivita da nvi' ca nta'a nca'alaxaqui, qaq ¿peta'a ÿacteec na i'ot n'anecpi mayi sa qaÿauanapega da napacalec dam da' shiÿaxaua?

Nuevo Testamento Toba Sombrero Negro

³¹ Chane'eja jalcote gaa'me jiyaĝadipi jo'ne 'uo da'me 'lamaqatenataĝanaĝac joñe'me qama'le enapega't: —Ga'me Dios Liquiyac, qom novi', ¿qo'li yauo'oe qayoĝode' gaa'me 'nanaqa 'me yaloĝo'n ta'le napacalegue da'me dojo' jiyaĝaua?

Juan 7:31 Referans Kwoze

Juan 12:42

Qalaxaye ñaqaiyeta ỹataqta qalota na judiopi na ỹa'amaqten So Jesús, ivira'a nam ỹataqta 'amaqtaqaicpi. Qalaxaye namayepi saishet da ỹataqta nachaxaata, souaxat da ñe'etega na fariseopi da huo'otaq ỹamaqauec namayepi da huaigui ana napaxaguenaxaquipi,

Mateo 12:23

Nache 'enauac na shiỹaxauapi ỹataqta ỹa'aalac nam ỹo'otpi So Jesús, nache huo'o na 'eeta' da la'aqtac: «¿De'era Jesús, nachera peta'a dam Lca'aguishec Ñim Lo'onatac 'Enauacna maye ỹachaxanapec da yaqto' qomi' nca'alaxatre'c?»

Hechos 8:13

Nache nataqa'en ỹalecteuo so Simón da da'amqaanataxan, nache qanachelaxan. Huaña, nache ca'attague' so Felipe, cha'aye ỹataqta huo'o da la'aalaxa da imeteetac nam lta'araicpi maye sa qaỹauanapega qataq nam na'anecpi maye ỹo'ottac so Felipe.

Juan 11:45

Huaña, nache ỹataqta qalota nam ỹa'amaqten So Jesús nam judiopi maye anaỹa aso María da ỹa'añaqchet, co'ollaq ỹauaachigui dam ỹo'ot So Jesús.

Juan 9:16

Nache se'eso fariseopi 'eeta': –Se'eso ỹale maye ỹo'ot de'era, Somaye saishet da chegoqtot Ñim Lo'onatac 'Enauacna, cha'aye saishet da huo'o ca ỹanaigui ye na'a'q mataxaqui. Qalaxaye huo'o na 'eeta': –¿Hua'ago' ca 'eetec da ishet da ỹo'ot de'era na'anec maye sa qaỹauanapega, da huo'otaq Somaye 'etaxaloxoic? Huaña, nache colaxagui da lhuennataxac se'eso shiỹaxauapi.

Santiago 2:26

'Eeta'am ca no'ocỹaxac da mashe ca'ai so saqcha'a lca'alaxa, nache camaye ileu, qaq nache 'eetec nataqa'en da npi'iỹaxac Ñim Lo'onatac 'Enauacna, damaye leuaxaic da saishet da nnaictague' cam no'on qaỹo'ot.

Juan 12:11

cha'aye lasouaxashet qanqa'en da chegoqchigui somaye da ỹataqta qalota na judiopi na ca'ai somayepi, nache ỹa'amaqten So Jesús.

Juan 6:2

Qaq ỹataqta qalota na shiỹaxauapi ca'attague' Somaye, souaxat da ỹauaachigui na ỹo'ottac na'anecpi maye sa qaỹauanapega, qataq natareetac na sa no'onpi.

Juan 4:39

Qaq ỹataqta qalota nam lma' yi'iye nỹecpiolec maye huaigui ye 'alhua Samaria nam ỹa'amaqten So Jesús, souaxat de'era la'aqtaxanaxac asa'aso 'alo co'ollaq 'eeta': «Ỹa'axataua'a 'enauac nam so'otpi co'ollaxa.»

Juan 3:2

Se'eso Nicodemo huo'o so pe, nache somaye nqo'ona So Jesús. Nache 'enapega, 'eeta': –'Am Napaxaguenataxanaq, qomi' saỹaanaq da 'am namaq Ñim Lo'onatac 'Enauacna da qomi' 'auapaxague'n. Cha'aye qaica ca ishet da ỹo'ot na 'auo'otpi na'anec maye sa qaỹauanapega. Nachaqcata cam hueta'aguet Ñim Lo'onatac 'Enauacna.

Juan 2:11

Qaq de'era ỹo'ot So Jesús co'ollaq huaña ye nỹecpi ye Caná maye huaigui ye 'alhua Galilea. Damaye, nachera da hua'auchiguiñi nam ỹo'otpi na'anec maye sa qaỹauanapega co'ollaq ỹachaxan da llo'oxoyec. Nache soua lapaxaguenataqa ỹataqta ỹa'amaqte'n Somaye.

Lucas 8:13

Qaq asom nañiguishe maye tatelec so 'alhua maye ỹalliigui na coma', qalaq naigui ca shiỹaxaua maye na'axaỹaxaatega da na'aqtac qalaq huo'o da ntonaxac. Qalaxaye ye saishet da ỹoqta ỹaỹateeta, nache da huo'o ye ivireguet lqalaic, nache saqaỹaloq da ỹaxanec da lpi'iỹaxac Ñim Lo'onatac 'Enauacna.

Juan 4:29

–Ña qauanaqui, ña qameenaxañeuga da ỹale maye ỹa'axataua'a 'enauac nam so'otpi co'ollaxa. ¡Peta'a nachera da Lca'aguishec Ñim Lo'onatac 'Enauacna maye qaiuattaique!

Juan 7:26

Cha'aye damaye ỹataqta nachaxaata da detaqtac, qalaq qaica ca ishet da 'enapega da de'enaxaatai'. ¿Yo'oqta da nataqa'en peta'a na qarta'alpi maye qomi' ilotegueto da ỹa'amaqten damaye, da nachera dam Lca'aguishec Ñim Lo'onatac 'Enauacna?