Juan 7:28 - La'aqtaqa Ñim Lo'onatac 'Enauacna 2013

²⁸ Qaq co'ollaq hua'aqchigui de'era So Jesús maye dapaxaguenataxaatapoigui aso no'onaxanaxaqui late'erai, nache ỹataqta na'axannec da la'aqtac, 'eeta': –Ỹataqta 'eesa da Aỹem sa qauauattoñi, qataq sa qauaỹaañi cam sachegoqta'ague. Aỹem saishet da maiche ñallegoxottela't da ñanac, cha'aye Aỹem lamaxashec Ñim ỹataqta 'eesa, Ñim qami' saishet da qauauattoñi.

Nuevo Testamento Toba Sur

²⁸ Qaq co'ollaq hua'aqchigui de'eda so Jesús mayi dapaxaguenataxaatapoigui aso n'onaxanaxaqui, nachi ÿataqta n'axannec da l'aqtac, 'eeta': –¡Qachi aÿim qauauattoñiÿo', qataq qauaÿajñi cam sachigoqta'ague! Qalaxayi aÿim sa ishit da maichi ñalligoxottela't da ñanac, cha'ayi aÿim lamaxashic ñim ÿataqta 'eesa, ñim qami' sa ishit da qauauattoñi.

Nuevo Testamento Toba Sombrero Negro

²⁸ Joca'li Jesús domachiyalo, da'me uetaue ga'me tamenaĝaiqui da'me dapaĝaguenataĝatac, qama'le netenec da'me 'laqatac, enaac: —¡Chane'eja auepíchitapega da'me joote jayem auatetoñi, nataq'aen da'me joote auayachiñe ga'me jo'ne jachiyoĝogue! Qalaĝaja ja mach'e jayem ta'le yelnataĝac da'me ñanaequena, dite da'me jayem namaĝaquena ñe'me jo'ne yataqatelegue, joñe'me jo'ne ja auatetoñi.

Juan 7:28 Referans Kwoze

Juan 8:42

Nache So Jesús 'enapega somayepi, 'eeta': –Da ỹoqta 'eesactaxa da Qarta'ai Ñim Lo'onatac 'Enauacna, nache qami'ctaxa ỹataqta Aỹem qauauochec. Cha'aye Aỹem nache sachegoqtot Ñimaye. Aỹem saishet da maiche ñallegoxottela't da ñanac, cha'aye Ñim Lo'onatac 'Enauacna maye Aỹem namaq.

Juan 8:19

Nache qainattac Somaye, qoỹeeta': –¿Hua'ague ca neta'ague ca 'arta'a? Nache So Jesús 'enapeco': –Qami' saishet da Aỹem qauauattoñi, qaq nache 'ena'am Ñim Ita'a saishet da qauauattoñi. Cha'ayectaxa da Aỹem qauauattoñi, nache nataqa'en ishet da qauauattoñi Ñimaye.

Juan 8:26

Aỹem ỹataqta qalota na ỹa'aqtacpi da sa'axat 'enauac nam qauemsat maye qauo'ocheetac. Qaq Ñim Aỹem namaq, Ñimaye ỹataqta 'eesa dam la'aqtac, qaq 'enauac nam sa'axatem nam huetalec ana 'alhua, nachena na sa'aqchigui la'aqtacpi Ñimaye.

Juan 8:14

Nache So Jesús 'enapeco': –De'era ỹa'aqtaxanaxac, damaye ỹataqta 'eesa, na'aictaxa da huo'otaq Aỹem maiche ña'axattapeguela't. Cha'aye saỹateeta ye sachegoqchiguiña, qataq dam sata'ague. Qami', qalaxaye saishet da qauaỹaañi.

Jeremías 9:6

naralaxat da lataxac. Ñim Nataxala', 'enapec: «¡Namayepi nlaxagui da natenataxanaxac, qataq qaica ca qairen! Na ỹalamaxat nhuo' le'ecpi aỹem saỹauatton.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Juan 12:49

Cha'aye Aỹem nam ỹa'aqtaqa saishet da maiche ñallegoxottela't; cha'aye Ñim Ita'a maye Aỹem namaq, Ñimaye chegoqtot cam ỹa'aqtac qataq cam sapaxaguenataxanec.

Juan 5:43

Ñimaye maiche Ita'a, qaltaq Aỹem namaq, qalaxaye qami' saishet da Aỹem qauacoñiiguet. Qalaxaye da huo'o ca anac da maiche ỹacoolec ca maiche 'eetapeguec, nache camaye qami' qauacoñiiguet.

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

1 Juan 5:10

Da sepi'iỹaqa'a So Llalec Ñim Lo'onatac 'Enauacna, huaña, nache sa'amaqtenaq dam ỹa'axattac Ñim Lo'onatac 'Enauacna. Qalaxaye nam saishet da ỹa'amaqten Ñim Lo'onatac 'Enauacna, nache 'eeta'am naqa'en da tenataxanaxaic Ñimaye, cha'aye saishet da ỹa'amaqten dam la'aqtaxanaxac Ñim Lo'onatac 'Enauacna co'ollaq ỹa'axattac So Llalec Jesucristo.

Hebreos 6:18

Qaq Ñimaye ye saishet da datenataxan, nache dam ỹachaxanapec qataq so ỹan la'aqtac chegoqchigui da maiche la'añaxac, saishet da naralaxat. Qaq damaye qomi' ỹa'añaqche't, cha'aye qomi' sauoqtaique da Ñim Lo'onatac 'Enauacna qomi' npaxattaleguete, qataq huo'o da qarpi'iỹaxac da Ñimaye qomi' ỹanema dam qomi' ỹachaxanapecoto.

Tito 1:2

qataq ỹaỹateeta da aquitaxac da achaalataxac maye chochaq tatec. Qaq Ñim Lo'onatac 'Enauacna maye sa datenataxan, Ñimaye ỹachaxanapec co'ollaxa de'era achaalataxac co'ollaq saxanaqaca ana 'alhua.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

2 Corintios 1:18

Qalaxaye Ñim Lo'onatac 'Enauacna qomi' ỹaỹate'n da ỹataqta sepagaqtelec ca qara'aqtac.

Romanos 3:4

¡'A'i, saishet! Chaqrata da Ñim Lo'onatac 'Enauacna ỹataqta 'eesa da ipacchiguilo naua la'aqtaqa, qaq na'aictaxa da 'enauac na shiỹaxauapi tenataxanaxaicpi. Cha'aye nache 'enapec naua ñiyigui'she maye nanettalec ana nere maye huetalec na la'aqtacpi Ñimaye, 'eeta': «Da 'autaqa, nache qaila'a da ỹataqta 'eesa da qonapec, qataq da 'anachattec da 'am qanmit, nache 'auauegaxan.»

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

Hechos 17:23

Cha'aye aỹem naxa da secoleetac na qoviita'a, nache semeteetac 'enauac nam nqui'ipi maye qanatamñeetacot. Nache huo'o ye selalec atamnaqa' qoỹettañi so na'aqtac, 'eeta': «Atamnaqa' da qanatamnot cam saishet da qaỹauatton.» Qaq Ñi'iñi Lo'onatac 'Enauacna maye qanatamñeetacot qalaxaye sa qauauattoñi, nacheñi nagui Ñim qami' sa'axatema.

Juan 17:25

'Am Ita'a, 'am ỹataqta no'on da 'arataxac, qalaxaye nam huetalec ana 'alhua saishet da ỹauatto'n naua ỹaỹamaqchiyiñi 'auo'o't. Aỹem qalaxaye 'am sauatton, qaq naua Aỹem 'anema mashe sogote da ỹaỹate'n da Aỹem 'aramaxashec.

Juan 16:3

Qaq ỹo'ot qome de'era namayepi, cha'aye saishet da ỹauatton Ñim Ita'a, nataqa'en Aỹem.

Juan 14:31

Qalaxaye, iuen da salaxaguet Ñim Ita'a yaqto' 'enauac da qaỹaỹaten da ỹataqta sauotec Ñimaye. Nache huaña, nache So Jesús, 'enapeco': –Qoñiisheguem. Qolqa'ai ne'ena.

Juan 14:10

Qataq ¿saisheto' peta'a da 'aua'amaqten da Ñim Ita'a qataq Aỹem da 'oonolec da qarataxac? Naua ỹa'aqtaqa maye ñasaxarec, naamaye saishet da maiche ñallegoxottela't. Aỹem nachaqrata da so'ot ca Aỹem ỹamaxalec Ñim Ita'a, qaq Ñimaye ỹo'ot ca maiche 'eetapeguec ỹachegoxotchigui Aỹem.

Juan 10:36

Qaq da huo'otaq Ñim Lo'onatac 'Enauacna Aỹem namaxa co'ollaxa ana 'alhua, qaq ¿ta'ainco' qami' ye qoñiitega da naua ỹa'aqtaqa sa iyacna'ape Ñimaye, souaxat da sheetega da Aỹem Llalec Ñimaye?

Juan 8:16

Qalaxaye da huo'otaq ñimit ca nasouaxashet, qalaq ca imitaxanaxac ỹataqta 'eesa, cha'aye saishet da ñerotec da huo'o ca ñimit. Cha'aye Ñim Ita'a maye Aỹem namaq, Ñimaye Aỹem itauan da huo'o ca ñimit nasouaxashet.

Juan 5:32

Qalaxaye sauattoota Ñim Aỹem ỹa'axattac, qaq Aỹem saỹaten da ca 'enapec ñimaye ỹataqta 'eesa.

Juan 3:33

Qaq da huo'o ca ỹa'amaqten camaye, nache que'eca da'amqaanataxan, ỹataqta 'eesa naqa'en cam 'enapec Ñim Lo'onatac 'Enauacna.

Juan 3:2

Se'eso Nicodemo huo'o so pe, nache somaye nqo'ona So Jesús. Nache 'enapega, 'eeta': –'Am Napaxaguenataxanaq, qomi' saỹaanaq da 'am namaq Ñim Lo'onatac 'Enauacna da qomi' 'auapaxague'n. Cha'aye qaica ca ishet da ỹo'ot na 'auo'otpi na'anec maye sa qaỹauanapega. Nachaqcata cam hueta'aguet Ñim Lo'onatac 'Enauacna.

Juan 1:46

Nache so Natanael 'enapeco': –¿Peta'a isheto' da huo'o ca no'on da lataxac da chegoqchiguiña ye Nazaret? Nache so Felipe 'enapeco': –'Aỹala, ña 'ameenaxana Ñimaye.

Lucas 10:22

Ime, nache So Jesús 'enapego' so shiỹaxauapi maye hueta'aguet Somaye, 'eeta': «Ñi Ita'a Aỹem imato'ot 'enauac na lataxacpi, qataq qaica ca Aỹem ỹauattoota da 'ena'am Ñimaye. Qataq Aỹem maye Aỹem Llalec, ỹataqta sauattoota Ñim Ita'a maye Lo'onatac 'Enauacna, qaica ca shena'am qataq maiche lleca'aua'a cam shiỹaxaua maye sauotaique da ỹauatton Ñimaye da 'ena'am Aỹem.»

Lucas 2:51

Nache So Jesús ỹe'eguelaq nnaicapegueto soua lta'al da ỹe'eguelaxaregue da Nazaret, qataq ỹataqta ỹalaxagueta soomaye. Qaq aso late'e ỹataqta deuennataxaateguelec 'enauac de'era huaiguilo soomaye.

Lucas 2:39

Qaq so José qataq aso María co'ollaq mashe ima't da ỹo'o't 'enauac nam damaxasoxoolec nam lqataxacpi Ñim Lo'onatac 'Enauacna, nache soomaye ỹe'eguelaxaregue da maiche lma't Nazaret, maye huaigui ye 'alhua Galilea.

Lucas 2:11

¡Ye Qarca'alaxaqui mashe ñiguiñi hueta'a ye Belén! ¡Nacheye ye Lca'aguishec Ñim Lo'onatac 'Enauacna qataq Nataxala'!

Lucas 2:4

Qaq so José maye chegoxoguet na llalaqpi so David, somaye hueta'a ye nỹecpi le'enaxat Nazaret, nache somaye iuen da taỹa ye nỹecpi le'enaxat Belén da yaqto' nanereuo, cha'aye nacheye yem lañoqo' co'ollaxa so nta'a David.

Mateo 2:23

Qaq co'ollaq mashe ivita yemaye, nache huera'a ye nỹecpiolec le'enaxat Nazaret. Qaq 'eetec de'era, da yaqto' ỹataqta ipacchiguilo naua la'aqtaxanaxaco so la'aqtaxanaxanecpi Ñim Lo'onatac 'Enauacna da 'eeta': «Ca Lca'aguishec Ñim Lo'onatac 'Enauacna da qaiỹaxana qalaq qaỹamata'ac Nazaret le'ec.»

Oseas 5:4

Nache namayepi saishet da ỹe'eguelaxa Ñim Lo'onatac 'Enauacna, souaxat nam qauem maye ỹo'ottac, cha'aye namayepi huetaigui da lquisheguetaxac, nache sa ỹauatton Ñim Nataxala'.

Oseas 4:1

Qami' Israel le'ecpi, ña qana'axaỹañiỹa da la'aqtac Ñim Nataxala', cha'aye Ñimaye npa'aguene' nam netalecpi ne'ena 'alhua, cha'aye namayepi mashe qaica ca 'eesa, qataq qaica ca lchoxonnataxanaxa, qataq mashe saỹauatton Ñim Lo'onatac 'Enauacna.

Jeremías 31:34

Qaq huaña nache saiuen da huo'oi caua nỹa't qataq caua auochaxau' qataq caua nhuo' lashe' da napaxagueetega't da yaqto' Aỹem ỹauatton, cha'aye 'enauac qome namayepi chegoqchiguiña natai' ñaqpiolec nache ivira'a na ỹepi da Aỹem ỹauatton qome. Qaq Aỹem sapalaxat qome na qauem maye ỹo'otpi qataq saishet da qaltaq seuennatega na lasouaxashetpi. Qaq 'era da ỹa'aqtac, Aỹem Nataxala'.»

Salmos 9:10

'Am Nataxala' ỹataqta 'am pi'iỹa'a na 'am ỹauatton, cha'aye 'am saỹauano' da 'aualat ca 'am nmittaique.

1 Samuel 2:12

Qaq soua llalqa so Elí ỹataqta qauem da lataxa'c, qataq qaica ca 'enec naqa'en Ñim Nataxala',

Juan 7:14

Qalaxaye co'ollaq mashe laiñi soua naponaxaqui', nache So Jesús taigui aso no'onaxanaxaqui late'erai, nache dapaxaguenataxan.

Mateo 26:55

Nache So Jesús dataiguet so shiỹaxauapi nache, 'eeta': «¿Ta'ainco' qami' ye qauauoita'alo naua qa'ainaqalli' qataq naua qanpo'oñilli', da Aỹem qañe'egueñiỹauga, 'eeta'amo' da Aỹem laataxanaxaic? Qamaq 'enauaque naua na'axa'te qami', sapaxagueeta'ape da sootaigui añi no'onaxanaxaqui late'erai, qalaq saishet da Aỹem qauacoñiiua'a da Aỹem qaucoñiye.

Juan 6:42

Nache somayepi 'eeta': –¿Damaye saisheto' peta'a da nachera da Jesús, dam llalec so José? Qomi' sauattonaq so lta'a qataq aso late'e. Qalaq ¿ta'ainco' da 'eetega chegoqo'ot na piguem?

Juan 9:29

Cha'aye qomi' saỹaanaqta da Ñim Lo'onatac 'Enauacna, detaqtague' co'ollaxa so Moisés. Qaq se'eso ỹale, qomi' saishet da saỹaanaq cam chegaqa'ague.