Juan 7:15 - La'aqtaqa Ñim Lo'onatac 'Enauacna 2013

¹⁵ Nache na lataxala'pi na judiopi ỹataqta huo'o da la'aalaxa Somaye, nache nnattega't, 'eeta': –¿Chaq hua'ago' ca 'eetec damaye ye ỹataqta qalota na ỹaỹaten, qamaq saishet co'ollaxa da huo'o cam ỹapaxaguen?

Nuevo Testamento Toba Sur

¹⁵ Nachi na judiopi ÿataqta huo'o da l'aalaxa somayi, nachi 'eeta': –¿Chaq huá'ago' ca 'eetec damayi, yi ÿataqta qalota na ÿaÿaten, qamaq sa ishit co'ollaxa da napaxaguen?

Nuevo Testamento Toba Sombrero Negro

¹⁵ Jogaa'me najoĝola'te yataqachiñe yoqochetem ñe'me qama'le enapega'ajalo: —¿Teua'atoqo' yayate'n yema da'me napaĝaguenataĝanaĝac, da'me ja cha'li napaĝaguela't?

Juan 7:15 Referans Kwoze

Lucas 4:22

Nache 'enauac qaỹo'oxoreetac So Jesús, qataq ỹataqta qaỹa'aalatapeguec souaxat naua la'aqtaqa ỹataqta ỹaguec da ỹaỹamaqchiyiñi. Nache nnattega't somayepi, 'eeta': –De'era, ¿peta'a sa nachero' da llalec so José?

Mateo 13:54

Nache co'ollaq ivita ye maiche lalamaxat lma'. Huaña, nache dapaxaguenataxan co'ollaq huaigui aso napaxaguenaxaqui na judiopi. Nache so shiỹaxauapi ỹataqta huo'o da la'aalaxa nache, 'eeta': «¿Hua'ague ca ỹachegoxota'ague da laỹaanec dam da' ỹale? ¿Ca 'eeteco' damaye da ishet da ỹo'ot nam sa qaỹauanapega?» Qataq huo'o na 'eeta':

Hechos 26:24

Qaq co'ollaq 'enapec de'era so Pablo, nache so Festo 'enapeco': –¡Ỹoqta huo'o da 'oic, 'am Pablo! Souaxat da ỹapacauec da 'anapaxaguenaxac, nache 'am ỹauega da huo'o da 'oic.

Juan 7:46

Nache soua huataxanaq lashe' 'ena'apo': –¡Ỹataqta sa ỹauano' da huo'o ca 'eeta'am da ltaxaỹaxac de'era ỹale!

Lucas 2:47

Nache 'enauac nam na'axaỹaxaatega So Jesús ỹataqta huo'o da la'aalaxa souaxat na laỹaanec, qataq da ỹasateguet da lnataxanaxac somayepi.

Mateo 22:22

Qaq co'ollaq hua'aqchigui de'era so chegaqaigui na fariseopi, nache somayepi ỹataqta huo'o da la'aalaxa, nache jec.

Juan 1:19

Qaq 'era da la'aqtaxanaxac so Juan, co'ollaq so lataxala'pi na judiopi ỹauo'o so lamaxashecpi chegoqchiguiña ye Jerusalén, nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq na leviitapi da yaqto' nqo'ona qataq inat so Juan da chaq negue't somaye.

Mateo 22:33

Qaq co'ollaq hua'aqchigui de'era so shiỹaxauapi, nache ỹataqta huo'o da la'aalaxa naua lapaxaguenataxanaxaco So Jesús.

1 Samuel 10:11

Qalaxaye 'enauac som nale'ena da ỹauatton somaye, co'ollaq ỹauaachigui da dasottac ỹalectaigui so na'aqtaxanaxanecpi, nache maiche detaqtega't, 'eeta': «¿Chaq 'eetec de'era huaigui da Saúl dam llalec so Cis? ¿Peta'a nataqa'en na'aqtaxanaxanec?»

Juan 7:11

Nache na lataxala'pi na judiopi nmittaique Somaye co'ollaq huaigui se'eso naponaxac. Nache denataxaatac, 'eeta': –¿Chaq hueta'ague que'eca ỹale?

Juan 7:13

Qalaxaye namayepi saishet da ỹoqta ỹa'axaỹaqchet 'enauac na shiỹaxauapi da 'eetega Somaye, souaxat da ñe'etega na lataxala'pi na judiopi.

Hechos 4:13

Nache so nta'alpi co'ollaq ila'a da so Pedro qataq so Juan ỹataqta sa ñe'erelec da ltaxaỹaxa'c, qataq ila'a da soomaye saishet da paxaguenaxaiqa, qataq nachena nam shiỹaxauapi maye choche huesoxoic, nache huo'o da la'aalaxa. Qataq qananomalo da soomaye ca'attrague' co'ollaxa So Jesús.

Isaías 29:12

Qaq da huo'otaq qoỹanem cam saỹaỹaten da ltaxaỹaxanataxanaxac, nache qoỹenapega qoỹeeta': «'Autaxaỹaxan ana'ana», nache camaye 'eeta': «sasaỹaten da itaxaỹaxanataxanaxac.»