Juan 7:14 - La'aqtaqa Ñim Lo'onatac 'Enauacna 2013

¹⁴ Qalaxaye co'ollaq mashe laiñi soua naponaxaqui', nache So Jesús taigui aso no'onaxanaxaqui late'erai, nache dapaxaguenataxan.

Nuevo Testamento Toba Sur

¹⁴ Qalaxayi co'ollaq mashi laiñi so naponaxac, nachi so Jesús taigui aso n'onaxanaxaqui, nachi quetot da dapaxaguenataxaatac.

Nuevo Testamento Toba Sombrero Negro

¹⁴ Qalaĝaja ca'li male yovita ga'me laeñi ga'me neualaĝayaĝaiqui, qama'le Jesús taue ga'me tamenaĝaiqui da'me dapaĝaguenataĝan.

Juan 7:14 Referans Kwoze

Juan 7:28

Qaq co'ollaq hua'aqchigui de'era So Jesús maye dapaxaguenataxaatapoigui aso no'onaxanaxaqui late'erai, nache ỹataqta na'axannec da la'aqtac, 'eeta': –Ỹataqta 'eesa da Aỹem sa qauauattoñi, qataq sa qauaỹaañi cam sachegoqta'ague. Aỹem saishet da maiche ñallegoxottela't da ñanac, cha'aye Aỹem lamaxashec Ñim ỹataqta 'eesa, Ñim qami' saishet da qauauattoñi.

Lucas 19:47

Nache 'enauaque se'esoua na'axa'te So Jesús dapaxaguenataxaatac, huetaigui aso no'onaxanaxaqui late'erai. Qalaxaye nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi, qataq nam lataxala' na judiopi, namayepi ilotaique ca lataxac da ishet da ỹalauat So Jesús.

Juan 18:20

Nache So Jesús 'enapeco': –Aỹem ỹataqta ñachaxaata naxa 'enauac nam shiỹaxauapi da setaqtac, qataq saq ỹet da huaigui ana napaxaguenaxaquipi na judiopi da sapaxaguenataxaatac qataq añim no'onaxanaxaqui late'erai maye huaña naxa da lapona't 'enauac na judiopi. Qaq Aỹem saishet da huo'o ca ỹa'aqtac soxottañi.

Juan 8:2

Qaq so ña nte'etom so lỹa na'a'q, nache Somaye qaltaq ỹe'eguelaxaua'a aso no'onaxanaxaqui late'erai. Nache 'enauac na shiỹaxauapi nquigueua'a, nache Somaye nso'ooñi, nache ỹapaxaguen somayepi.

Juan 7:37

Qaq som pa'atec na'a'q soua na'axa'te maye laloxoqui' da qanayenaiguilo naua npe'lolqa, qo'oipaq lcouepi som ỹataqta ỹactec da la'amaqchec. Nache se'eso na'a'q nachaañi So Jesús, nache ỹataqta nlamaxaren da detaqa, 'eeta': –Ca huo'o na laquip, qaq no'on da Aỹem naua'a, yaqto' nỹom.

Juan 7:2

Qalaxaye mashe saqaỹapeque so naponaxac maye ivittre'c soua siete na'axa'te maye laloxoqui' da qanayenaiguilo naua qaỹa'ara'a't npe'lolqa qo'oipaq lcouepi.

Juan 5:14

Qaỹata'ague co'ollaxa de'era, nache So Jesús ilalec somaye huaigui aso no'onaxanaxaqui late'erai, nache 'enapego', 'eeta': –Nagui da mashe 'am no'oita, qaq no'on da saishet da qaltaq huo'o 'anqa'en ca 'arasouaxashet, yaqto' saishet da 'avira'aguet ca ỹapac qauem.

Mateo 26:55

Nache So Jesús dataiguet so shiỹaxauapi nache, 'eeta': «¿Ta'ainco' qami' ye qauauoita'alo naua qa'ainaqalli' qataq naua qanpo'oñilli', da Aỹem qañe'egueñiỹauga, 'eeta'amo' da Aỹem laataxanaxaic? Qamaq 'enauaque naua na'axa'te qami', sapaxagueeta'ape da sootaigui añi no'onaxanaxaqui late'erai, qalaq saishet da Aỹem qauacoñiiua'a da Aỹem qaucoñiye.

Mateo 21:12

Qaq So Jesús co'ollaq inoxoneua'a ye nỹecpi ye Jerusalén, nache nqo'ona aso no'onaxanaxaqui late'erai. Huaña, nache Somaye ỹo'orauec 'enauac som nmenaxaicpi qataq som desheenaxatega na nmenec. Qataq ỹamaxañi so nmenaxala'pi som nmenaxanaxaatega't ana alom na shiỹaxauapi, da nmenaxaatapeeguet ana alom añi no'onaxanaxaqui late'erai qataq ỹasaqtega't aso laỹe' so qaimeetac qoto'pi.

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Números 29:17

Qaq ca lỹa na'a'q dos, nache qaỹa'añiireuo caua doce huaca llalqa, qataq dos ca qagueta lhuaraiqa, qataq caua catorce qagueta llalqa maye ivi' ye 'oonolec vi'i, qataq qaica ca lque'emaxa.

Números 29:20

Qaq ca lỹa na'a'q tres, nache qaỹa'añiireuo caua once huaca llalqa, dos caua qagueta lhuaraiqa, qataq catorce caua qagueta llalqa maye ivi' ye 'oonolec vi'i qataq qaica ca lque'emaxa.

Juan 8:20

Qaq So Jesús 'enapec de'era, co'ollaq ñaq huetaigui aso no'onaxanaxaqui late'erai da dapaxaguenataxaatac, hueta'a yem naña aso laỹe' ana nachetaqtaxanaqte anom. Qalaxaye saishet da huo'o ca ỹañoxot da ỹaconeua'a Somaye da icoñi', cha'aye saxanaxa da ivita ye laloqo' da yaqto' qaỹauattoota Somaye.