Juan 7:10 - La'aqtaqa Ñim Lo'onatac 'Enauacna 2013

¹⁰ Qalaxaye co'ollaq mashe ỹoxoguelo soua maiche lqaỹa't, nache So Jesús nataqa'en nqo'oneua'a se'eso naponaxac. Qalaxaye Somaye saishet da huo'o ca da'aqtaxanem.

Nuevo Testamento Toba Sur

¹⁰ Qalaxayi co'ollaq mashi ÿoxoguelo soua lqaÿa't, nachi so Jesús nataq'en nqo'oneu'a se'eso naponaxac. Qalaxayi somayi sa ishit da ÿoqta nachaxaata.

Nuevo Testamento Toba Sombrero Negro

¹⁰ Qalaĝaja ca'li male cop'a'elo da'me eque' jogaa'me mach'e lanoqolqa qama'le nach'e ena'am dajoyi ga'me neualaĝayaĝaiqui joñe'me Jesús, qalaĝaja qaya'te ta'le t'aqataĝanem.

Juan 7:10 Referans Kwoze

Mateo 10:16

De'era no'onataxanaxac maye qami' samaxaleguete da qauo'oche, damaye huo'o da lchec. Damaye 'eeta'am aca qagueta da qaỹamaxa ca hueta'a na qalota shiguiỹacpi maye dequi'iỹapec. Qaq ỹoqo'oye qami' lhuotte' qataq qanloitec qoñiỹa'am ca na'araxanaq qalaxaye nataqa'en qami' huesote' qoñiita'am na qoto'pi.

Amós 5:13

Qaq ỹoqo'oye cam ỹaanaxanaxaic qalaq choche ñe'emaxat, cha'aye ỹaỹaten da qauema naua na'axa'te.

Gálatas 4:4

Qaq co'ollaq ivita so na'a'q maye laloqnec Ñim Lo'onatac 'Enauacna, nache namaq So Llalec da nañaxatoigui naqa'en aso 'alo, qataq quetelec na namaxasoxonaxacpi maye ỹo'ottac na judiopi.

Juan 11:54

Qaq ỹoqo'oye So Jesús mashe saishet da ỹoqta nachaxaata da ỹalectaigui na judiopi, cha'aye sa ỹaỹamaxaren da qaỹauana ca hueta'a. Chaqrata da Somaye ca'ai ye 'alhua Judea da nqo'ona yem nỹecpiolec maye le'enaxat Efraín yem saqaỹapeque ye toolec 'alhua. Huaña, nache hua'a yemaye nnaictagueto soua lapaxaguenataqa.

Juan 7:5

Qaq la'aqta'c de'era soomaye, cha'aye nataqa'en saishet da huotaique da ỹa'amaqte'n So Jesús.

Juan 7:3

Qaq ỹoqo'oye soua maiche lqaỹa't 'eetegalo Somaye, 'eetra': –Saishet da qoueta'a ne'ena. No'on da 'anqo'ona ye 'alhua Judea, yaqto' na 'am quetague'pi maye hueta'a yemaye, ishet nataqa'en da ỹauaachigui na lta'araic 'auo'otpi.

Mateo 3:15

Qalaxaye So Jesús 'enapeco': –'Onaxaic da 'auo'ot nagui de'era. Cha'aye qomi' iuen da sepagaqtelec dam la'aqtac Ñim Lo'onatac 'Enauacna. Nache so Juan ỹaỹamaxareeta,

Salmos 40:8

Qaq aỹem ỹataqta saỹamaxareeta da so'ot ca qonetapeguec 'Am Ñatamnaxala', qataq naua 'arapaxaguenataxanaxaco ỹataqta huetaiguilo ñaqa'en añi iquiyaqte.»

Salmos 26:8

'Am Nataxala', aỹem ỹataqta sauotec añi atamnaxaqui maye 'aranataxaqui, yem hueta'a naxa da 'ayo'oxoyec

Mateo 12:46

Qaq So Jesús ñaq na'aqtaxaatague' se'eso shiỹaxauapi co'ollaq nvireua'a ca hueta'a Somaye aso late'e qataq soua lqaỹa't, qaq soomaye pa'atraue'c, qaq huotraique da detaxairapegue' Somaye.

Marcos 3:21

Qaq so lauo' le'ecpi So Jesús co'ollaq ỹaỹaten da ỹo'ottac Somaye, nache qanqo'ona da yaqto' qaỹauec, cha'aye Somaye qoỹeetega da huo'o da aloic.

Juan 7:9

Qaq co'ollaq ime de'era 'enapec So Jesús, nache Somaye no'onaña ye 'alhua Galilea.