Juan 6:68 - La'aqtaqa Ñim Lo'onatac 'Enauacna 2013

⁶⁸ Qalaxaye so Simón Pedro 'enapeco': –¿Negue'tom ca lỹa seca'ataxague, 'am Qarataxala'? Ye nache'amta maye naua 'ara'aqtaqa naamaye ỹa'n da achaalataxac maye chochaq tatec.

Nuevo Testamento Toba Sur

⁶⁸ Qalaxayi so Simón Pedro 'enapeco': –'Am ÿataxala', ¿negue'tom ca lÿa soqolaxague? Yi nachi'amta mayi naua 'ad'aqtaqa naamayi chigaqaiguilo da achaalataxac mayi chochaq tateec.

Nuevo Testamento Toba Sombrero Negro

⁶⁸ Ñe'me Simón Pedro 'yateguet joñe'me: —Jaliaĝanec, ¿jach'e ga'me jiyaĝaua laqaya jo'ne 'noota ta'le qolaĝague? Qa'a naa'me at'aqataqa 'naqataqa jo'ne chiyaqayilo da'me 'noyaĝac 'me qaya'te loiquiaqa'.

Juan 6:68 Referans Kwoze

Salmos 73:25

¿Negue'tom ca neto'ot ñaqa'en na piguem? ¡Ye nache 'amta! Qaq da 'am sooto'ot nache qaica ca lỹa ñeqopittega ana 'alhua.

Juan 5:24

Qaq ỹataqta 'eesa de'era qami' sa'axatema, da ca na'axaỹaxana de'era sa'axattac, qataq ỹa'amaqten Ñim Aỹem namaq, nache camaye mashe inoxoneua'a da lataxac da nca'alaxa maye qaica ca loga't. Qaq camaye nataqa'en saishet da qaỹauo'o qome ca nhuaxanaguec, cha'aye mashe sogote da ca'ai da nleuaxa da inoxoneua'a da nca'alaxa.

Hechos 4:12

Qaica ca lỹa ishet da chegoqchigui da nca'alaxa. Cha'aye Ñim Lo'onatac 'Enauacna qaica ca lỹa ne'enaxat da qomi' ỹanema ana 'alhua, da yaqto' ishet da qomi' nca'alaxatre'c, nachaqsota So Jesús.

Hechos 5:20

–Qanqo'oñiỹa añi no'onaxanaxaqui late'erai. Huaña, nache qaua'aqtaxañim 'enauac na shiỹaxauapi dam na'aqtaxanaxac maye chegaqaigui da nca'alaxa.

Hechos 7:38

Qataq nacheso so Moisés som huetaigui som hua'au qarta'alpi co'ollaq huaña so toolec 'alhua. Qataq nacheso so detaqtague' so lamaxashec piguem le'ec Ñim Lo'onatac 'Enauacna co'ollaq huaña aso qaỹoqotcheguemec 'alhua le'enaxat Sinaí, qataq hueta'aguet som hua'au qarta'alpi. Qataq nacheso so ỹaconeguet co'ollaxa da na'aqtac maye chegaqaigui da nca'alaxa, da yaqto' qomi' ỹanema.

Juan 6:63

Som Saqcha'a La'añaxac Ñim Lo'onatac 'Enauacna, nacheso so chegoqo'ot da nca'alaxa maye chochaq tatec; qaica ca chochaq shiỹaxaua da ỹan de'era achaalataxac. Qaq dam shenapec, damaye chegoqo'ot som Saqcha'a Na'añaxac maye ỹan de'era achaalataxac.

Mateo 16:16

Nache so Simón Pedro 'enapeco': –Qomye nache 'am maye 'am Lca'aguishec qataq 'am Llalec Ñim Lo'onatac 'Enauacna maye nca'altauec, qaltaq chegoqo'ot da nca'alaxa.

Juan 6:40

Qataq Ñimaye, nshetaique da 'enauac nam ỹamato'ot na Llalec qataq ỹa'amaqten, nache huo'o da lca'alaxa chochaq tatec, qataq Aỹem ñeca'alaxatec qom iviteuga ca pa'atec na'a'q.

Juan 17:8

cha'aye mashe sanema dam 'ara'aqtac maye Aỹem 'aỹa'anem. Qaq naamaye ỹaconegueta, qataq ỹaỹateeta da ỹoqta 'eesa da 'am sachegoqtot, qataq ỹa'amaqte'n da Aỹem 'aramaxashec.

Marcos 8:29

Nache So Jesús inatta'apo' soomaye, 'eeta': –Qaq qami', ¿negue't ca qaupicheetega Aỹem? Nache so Pedro 'enapeco': –Qomye nache 'am maye 'am Lca'aguishec Ñim Lo'onatac 'Enauacna.

Lucas 9:20

Ime, nache So Jesús ina't soomaye, 'eeta': –Qaq qami' ¿Chaq negue't ca qaupicheetega Aỹem? Nache so Pedro 'enapeco': –Qomye nache 'am Lca'aguishec Ñim Lo'onatac 'Enauacna maye 'am namaq.

Juan 12:49

Cha'aye Aỹem nam ỹa'aqtaqa saishet da maiche ñallegoxottela't; cha'aye Ñim Ita'a maye Aỹem namaq, Ñimaye chegoqtot cam ỹa'aqtac qataq cam sapaxaguenataxanec.

Juan 12:50

Qaq Aỹem saỹaten da lamaxasoxonaxac Ñim Ita'a, damaye chegaqaigui da nca'alaxa maye chochaq tatec. Qaq 'era da 'eetec da cam ñasaxauec qalaq nacheca ca Aỹem ỹamaxalec Ñim Ita'a.

Hechos 13:26

Qaq aỹem qana'axaỹañiỹa qami' ỹaqaỹa't maye qami' qauachegoqoiguet so Abraham qataq 'enauac da qoñiita maye ỹataqta qaualaqaiguet Ñim Lo'onatac 'Enauacna, de'era na'aqtaxanaxac maye chegaqaigui da nca'alaxa, damaye ỹataqta qaralamaxat.

Hechos 8:37

[Nache so Felipe 'enapego' somaye, 'eeta': Da ỹataqta imauec da 'arquiyaqteỹaxac da 'aua'amqaanataxan nache ishet da 'am ñachelaxan. Nache se'eso ỹale 'enapeco' aỹem sa'amaqten da so Jesucristo nacheso so Llalec Ñim Lo'onatac 'Enauacna.]