Juan 6:64 - La'aqtaqa Ñim Lo'onatac 'Enauacna 2013

⁶⁴ Qalaxaye ñaqaiyeta huo'o na saishet da da'amqaanataxan da qoñiita. Qaq 'enapec de'era So Jesús, cha'aye nale'ena da ỹaỹaten co'ollaq cheta'ague da do'onataxan nam saishet da da'amqaanataxan qataq som huotaique co'ollaxa da ỹaneuo Somaye.

Nuevo Testamento Toba Sur

⁶⁴ Qalaxayi ñaqaiyita huo'o da qoñiita na sa ishit da da'amqajnataxan. Qaq 'enapec de'eda so Jesús, cha'ayi nal'ena da ÿaÿaten co'ollaq chita'ague da do'onataxan nam sa ishit da da'amqajnataxan qataq som huotaique co'ollaxa da ÿaneuo somayi.

Nuevo Testamento Toba Sombrero Negro

⁶⁴ Qalaĝaja da'me ami maliaĝa uo'oe gaa'me jo'ne doqoleguetaĝa'n. Jesús naq'aetec da'me dojo' 'laqatac joca'li qa'a jalchi'ena yayate'n gaa'me jo'ne ja p'iida'a joñe'me, nataq'aen joga'me onolec jo'ne jetaque p'alegue joñe'me.

Juan 6:64 Referans Kwoze

Juan 10:26

Qalaxaye saishet da Aỹem qaua'amaqchiñi, cha'aye saishet da nacheqami' anam selotague' qaguetapi.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

Romanos 8:29

Cha'aye nam nale'ena co'ollaxa da ỹauattonpi Ñim Lo'onatac 'Enauacna, qaq nachena nam lca'aua'a co'olloxocheye Ñimaye, da yaqto' 'eeta'am naqa'en So Llalec, qataq yaqto' So Llalec nacheso so ñaxanec.

Juan 6:61

Nache So Jesús 'enapeco': –¿Peta'a sa qauaỹamaxayiñi de'era?

Juan 5:42

Qataq da lỹa, ye ỹataqta qami' sauattoote' qataq saỹateeta da saishet da qauauochec Ñim Lo'onatac 'Enauacna.

Hechos 15:18

'Era da la'aqtac Ñim Nataxala' maye ỹa'axatta'a co'ollaxa de'era soua hua'au' vi'iye.

Juan 6:66

Huaña, nache ỹataqta qalota nam quetague' So Jesús da ỹaxaañi da quegue Somaye.

Juan 6:36

Qalaxaye Aỹem mashe ime da qami' sheetegalo, da qami' saishet da Aỹem qaua'amaqchiñi, na'aictaxa da qauloitagui na so'otpi.

Juan 8:55

Qalaxaye qami' saishet da qauauattoñi Ñimaye; Aỹem, qalaxaye sauatton qataq salaxaguet. Cha'aye da Aỹem shenapec da sa sauatton, nache Aỹem choche satenataxaatac, sheeta'ama qami'.

Juan 8:23

Nache So Jesús ỹataqta ỹa'axatta da 'eetega, 'eeta': –Qami' 'etaxaloxoicpi, qoñiita'am 'enauac na huetalec ana 'alhua. Qalaxaye Aỹem saishet da ima' ana 'alhua, cha'aye Aỹem sachegoqta'ague da piguem.

Mateo 10:4

Simón som chegaqaigui nam dataỹa'aguet naxa na nta'alpi qataq so Judas Iscariote som ỹaneuo co'ollaxa So Jesús.

Juan 6:60

Qaq co'ollaq qaỹa'aqchigui de'era lapaxaguenataxanaxac Somaye, nache ỹataqta qalota nam quetague' So Jesús na, 'eeta': –De'era qonetega, damaye ỹataqta huo'o da lqalaic da qaỹaconeguet; ¿negue'tom ca ishet da 'am naỹamaxareete'?