Juan 6:60 - La'aqtaqa Ñim Lo'onatac 'Enauacna 2013

⁶⁰ Qaq co'ollaq qaỹa'aqchigui de'era lapaxaguenataxanaxac Somaye, nache ỹataqta qalota nam quetague' So Jesús na, 'eeta': –De'era qonetega, damaye ỹataqta huo'o da lqalaic da qaỹaconeguet; ¿negue'tom ca ishet da 'am naỹamaxareete'?

Nuevo Testamento Toba Sur

⁶⁰ Qaq co'ollaq qai'aqchigui de'eda lapaxaguenataxanaxac somayi, nachi ÿataqta qalota nam quetague' so Jesús na 'eeta': –De'eda 'enapec, damayi ÿataqta huo'o da lqalaic da qaÿaconguet; ¿negue'tom ca ishit da n'axaÿaxana?

Nuevo Testamento Toba Sombrero Negro

⁶⁰ Mane'e ca'li qodomachiya da'me dojo' lapaĝaguenataĝanaĝac joñe'me Jesús qama'le uo'oe gaa'me jiyaĝa'u jo'ne qayoĝode' 'me quetedapegue' joñe'me male enapega'ajalo: —¿Jach'e jogamaĝa yaqanatet ta'le yaconeguet da'me dojo' qaedi yoqo'cha, queda'me 'uo da'me laqalaic?

Juan 6:60 Referans Kwoze

Juan 6:66

Huaña, nache ỹataqta qalota nam quetague' So Jesús da ỹaxaañi da quegue Somaye.

Juan 8:43

Qami' saishet da qauaỹaañi dam qami' sa'axattapeguema, cha'aye saishet da ỹoqta qana'axaỹaxañiỹa dam ỹa'aqtaxanaxac.

Juan 8:31

Nache So Jesús 'enapego' nam judiopi maye ỹa'amaqten Somaye, 'eeta': –Qami' qom ỹataqta qauo'oche de'era qami' sa'axatema, nache ỹoqta 'eesa da qami' ỹapaxaguenataqa.

Mateo 11:6

Ñim Lo'onatac 'Enauacna ỹaalec da nqouagaxa qome cam saishet da ỹaxanec Aỹem souaxat da ỹauaachigui de'era so'ottac.

2 Pedro 3:16

Qaq 'enauac ana lerepi, somaye ỹa'axattac de'era, na'aictaxa da huo'o nam ỹa'axattacpi da saishet da saqalaq da qaỹaỹaten. Qaq ỹoqo'oye nam shiỹaxauapi maye qaica ca ỹaỹaanapec qataq nam saishet da ỹa'amaqten So Cristo, namayepi saishet da ỹaỹaten de'era. Qaq da nshetaique da ỹa'axategue ca naigui, nache sa ỹaỹamaxañi da la'aqtaxanaxac. Nache 'eetec nataqa'en da ỹa'axat nam nanettalec ana nere maye huetalec na la'aqtacpi Ñim Lo'onatac 'Enauacna. Qaq ỹoqo'oye Ñimaye ỹauo'o qome ca nhuaxanaguec namayepi.

Hebreos 5:11

Qalota na qara'aqtaxanaxac da sa'axataq de'era, qalaxaye huo'o da lqalaic da ỹataqta sa'axataqtegue ca llec da qami' sa'axataqtema, cha'aye huo'o qanqa'eñi da lqalaic damaye.

Juan 2:2

Nache So Jesús qataq soua lapaxaguenataqa, soomaye nataqa'e'n qaicoyegue'n da yaqto' ỹalectraua'a se'eso naronaxac.

Juan 5:25

Qaq huo'o nataqa'en da ỹataqta 'eesa 'eeta': nagui nam ỹataqta qaỹoqta naqa'en Ñim Lo'onatac 'Enauacna, Aỹem hua'aqtague', Aỹem maye Aỹem Llalec Ñimaye. Qaq da ỹalaxalec 'enauac nam shenapec, nache huo'o ca lca'alaxa chochaq tatec.

Juan 6:52

Nache nam judiopi maye sa iyacnapec da detaqtega So Jesús, maiche taỹa't da ncotatega't, 'eeta': –¿Hua'ago' ca 'eetec dam da', da qomi' ỹanema da maiche lo'ocỹaxac da sacheguenaq?

Juan 6:64

Qalaxaye ñaqaiyeta huo'o na saishet da da'amqaanataxan da qoñiita. Qaq 'enapec de'era So Jesús, cha'aye nale'ena da ỹaỹaten co'ollaq cheta'ague da do'onataxan nam saishet da da'amqaanataxan qataq som huotaique co'ollaxa da ỹaneuo Somaye.

Juan 7:3

Qaq ỹoqo'oye soua maiche lqaỹa't 'eetegalo Somaye, 'eetra': –Saishet da qoueta'a ne'ena. No'on da 'anqo'ona ye 'alhua Judea, yaqto' na 'am quetague'pi maye hueta'a yemaye, ishet nataqa'en da ỹauaachigui na lta'araic 'auo'otpi.