Juan 6:57 - La'aqtaqa Ñim Lo'onatac 'Enauacna 2013

⁵⁷ Ñim Ita'a maye Aỹem namaq, Ñimaye huo'o da la'añaxac da ỹan da nca'alaxa chochaq tatec, qaq Ñimaye nacheñi ñi chegoqo'ot da ica'alaxa. Qaq ỹoqo'oye 'enauac nam Aỹem ỹa'amaqten qataq chec da ỹo'ocỹaxac, huo'o qome da lca'alaxa chochaq tatec.

Nuevo Testamento Toba Sur

⁵⁷ Ñim ita'a mayi aÿim namaq, ñimayi huo'o da lca'alaxa, nachi de'eda ica'alaxa chigoqo'ot ñimayi. Qaq nachi 'eetec nataq'en ca aÿim chic, nachi camayi aÿim ÿachigoxoto'ot da lca'alaxa.

Nuevo Testamento Toba Sombrero Negro

⁵⁷ Joñe'me Qadet'a 'me jayem namaĝaquena, 'uo da'me lec'alaĝa jo'ne qaya'te loiquiaqa', qama'le da'me jayem nach'e ena'am da'me nach'e eta't jec'aletaye, qa'a naqayem jo'ne joue'tajop joñe'me Qadet'a. Chane'eja nach'e ena'ama jogaa'me jo'ne yali'j jenjo' yapat: nataq'aen 'uo da'me lec'alaqa' qa'a jouaĝat jayem.

Juan 6:57 Referans Kwoze

Gálatas 2:20

Cha'aye aỹem sogote nataqa'en da seleu, iỹatcheguem So Cristo co'ollaq qaiuaxaneguet so npe'enaxaqui. Qaq ỹoqo'oye nagui saishet da maiche ỹalamaxat da ñachaalataxac, cha'aye nacheso So Jesucristo som aỹem nachattaigui. Qaq nagui ñeca'altauec souaxat da ipi'iỹaxac som Llalec Ñim Lo'onatac 'Enauacna, cha'aye Somaye aỹem ỹauotec qataq nañaneguet da l-leuaxa da yaqto' aỹem nca'alaxatec.

Juan 5:26

Cha'aye Ñim Lo'onatac 'Enauacna maye Ita'a, huo'o da la'añaxac da ỹan da nca'alaxa. Qaq de'era na'añaxac, damaye mashe Aỹem ỹanem.

Juan 17:21

Qataq 'am seỹaxanot, 'am Ita'a, da yaqto' naamaye ỹataqta na'atta'a't, 'eeta'am da 'eetec 'am qataq Aỹem da ña'araqta'a't, nataqa'en naamaye qomi' na'attaua'alo. Yaqto' nam shiỹaxauapi maye huetalec ana 'alhua ỹa'amaqten da Aỹem 'aramaxashec.

1 Juan 4:9

Ñim Lo'onatac 'Enauacna qomi' ỹachaxanalo da lauotaxanaqtaic co'ollaq namaxalec ana 'alhua So Jesucristo, som 'oonolec Llalec, yaqto' chegoqchigui Somaye da 'enauac da shenaqta huo'o da qarca'alaxa chochaq tatec.

Juan 3:17

Ñim Lo'onatac 'Enauacna saishet da namaxa na Llalec ana 'alhua, da yaqto' ỹauo'o ca nhuaxanaguec na shiỹaxauapi. Nachaqrata da nca'alaxatec, chegoqchigui Namaye.

1 Ts 1:9

Cha'aye 'enauac qana'aqtaxaatapigui dam ỹaỹamaqchiguiñi qarataxaqui co'ollaq qomi' qauacoñiigueta, qataq qana'aqtaxaatapiguilo qami' da 'eetec co'ollaq qaỹa'axañiiñi da qavio'oxoyiñiitac na ne'enaqtacpi maye qanatameetacotpi, nache qauo'onataxañiỹot Ñim Lo'onatac 'Enauacna maye nca'altauec qataq 'eesa.

2 Corintios 13:4

Qaq 'eesa da 'eco' qaica ca la'añaxac Somaye co'ollaq qaiuaxaneuo, qalaxaye nagui Somaye nca'altauec chegoqchigui da la'añaxac Ñim Lo'onatac 'Enauacna. Qaq ỹoqo'oye qomi' ñeuanaqaua'a So Cristo da qaica ca qara'añaxac. Qalaxaye huo'o da qana'achec, cha'aye ñeuanaqaua'a da la'añaxac Somaye qataq da lca'alaxa maye chegoqo'ot Ñim Lo'onatac 'Enauacna. Qaq qom qami' sevitaxalo, nache ishet da ỹataqta qami' sachaxanaxalo de'era na'añaxac.

1 Corintios 15:22

Qaq 'enauac na shiỹaxauapi ileu 'eeta'am da l-leuaxa so Adán, qaq nache 'eetec nataqa'en da chegoqchigui So Cristo da ishet da 'enauac da ỹe'eguelaxalec da nca'alec na shiỹaxauapi.

Juan 14:19

Qaq mashe yaqta'a da ivita ye laloqo' da na shiỹaxauapi saishet da Aỹem ila'a, qalaxaye qami' qalaq Aỹem qauloita'a. Cha'aye Aỹem na'aictaxa da seleu, qalaxaye qaltaq ñeca'alec, nache qami' so'oteque da nataqa'en qanca'alliiuec.

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Mateo 16:16

Nache so Simón Pedro 'enapeco': –Qomye nache 'am maye 'am Lca'aguishec qataq 'am Llalec Ñim Lo'onatac 'Enauacna maye nca'altauec, qaltaq chegoqo'ot da nca'alaxa.

Jeremías 10:10

Ñim Nataxala' nacheñi Ñim 'eesa Atamnaxala', Ñim Lo'onatac 'Enauacna maye nca'altauec. Ñim Nta'a maye chochaq tatec. Da dalemata nache cholaxan ana 'alhua, qaq nam ỹotta'a't shiỹaxauapi sa ỹañoxot da dataỹa'aguet Ñimaye.

Salmos 18:46

Ñim Nataxala' maye aỹem mpaxattalec nache 'eetai' qome da qaỹo'oxoreetac, qataq 'amaqtaqaic qanqa'en Ñim Lo'onatac 'Enauacna maye ica'alaxaqui.

Hebreos 9:14

Qaq da 'enauac damaye da 'eesa da huo'o da la'añaxac, nache ỹactec qone' da la'añaxa'c naua ltago'q So Cristo. Cha'aye chegoqchigui som Saqcha'a Na'añaxac maye chochaq tatec, da So Cristo maiche nañanot Ñim Lo'onatac 'Enauacna da 'eeta'am aca nachetaqtaxanaqte maye qaỹavigaxatta qataq ỹataqta qui'itta. Qaq naua ltago'q, nachenaua naua chegoqchiguilo da qomi' qui'itte' qataq chegoqchiguilo da qaỹapalaxa't naua qarasouaxashe'ete qataq da yaqto' ishet da so'onataxanaqot Ñim Lo'onatac 'Enauacna maye nache 'eetai' da nca'altauec.

Juan 6:29

Nache So Jesús 'enapeco': –'Oonolec da 'eetapeguec Ñim Lo'onatac 'Enauacna, nshetaique da qami' qaua'amaqchiñi nam namaq Ñimaye.

Juan 6:38

Cha'aye Aỹem saishet da sachegoqtot na piguem da ñanac da so'ot ca maiche sheetapeguec, chaqrata da ñanac da so'ot ca 'eetapeguec Ñim Lo'onatac 'Enauacna, cha'aye nacheñi Ñim Aỹem namaq.

1 Corintios 15:45

Qaq ỹoqo'oye ana nere maye huetalec na la'aqtacpi Ñim Lo'onatac 'Enauacna 'eeta': «So hua'auchiguiñi ỹale, le'enaxat Adán, nacheso so la'auaxanec da huo'o da lca'alaxa.» Qalaxaye So Cristo som pa'atec Adán, nacheso som saqcha'a maye ishet da ỹan da nca'alaxa.