Juan 6:56 - La'aqtaqa Ñim Lo'onatac 'Enauacna 2013

⁵⁶ Ca chec da ỹo'ocỹaxac qataq ca nỹomguilo naua itago'q, nache camaye nache 'eetai' da Aỹem na'attaua'a, qaq nache 'ena'am Aỹem soota'aguet camaye.

Nuevo Testamento Toba Sur

⁵⁶ Ca chic da i'oquiaxac qataq da nÿomguilo naua itago'q, nachi camayi nachi 'eetai' da aÿim n'attau'a, qaq nachi 'en'am aÿim soota'aguet camayi.

Nuevo Testamento Toba Sombrero Negro

⁵⁶ Ga'me jo'ne yalic jena'me yapat nataq'aen da'me niyomigui janjo' yetauo' nach'e eta't da'me jayem ue'tajop, qama'le nach'e ena'am da'me jayem joue'tajop.

Juan 6:56 Referans Kwoze

Juan 14:20

Nache que'eca na'a'q qami' qauaỹachiñi da Ñim Ita'a qataq Aỹem 'oonolec da qarataxac. Qataq nataqa'en qami' qataq Aỹem 'oonolec da qarataxac.

1 Juan 3:24

Da salaxasoxoguet Ñim Lo'onatac 'Enauacna, nache ỹataqta ña'araqtaua'a Ñimaye, qaq Ñimaye qomi' hueta'agueta. Qaq de'era saỹatenaq chegoqchigui So Saqcha'a Na'añaxac Qui'itta maye qomi' ỹanema.

Apocalipsis 3:20

Aỹem sootaigui na 'anasom, seuaxaatega't naua ihuaxaye. Qaq da 'aua'axaỹa da iỹaxanaxac, nache da Aỹem 'auauateguet, qaq Aỹem senoxonoigui na 'arma'. Ime, qaq qomi' nquia'axau' qome.

Juan 14:23

Nache So Jesús 'enapeco': –Ca Aỹem ỹauotec, camaye nataqa'en ỹalaxaguet cam shenapec, nache Ñim Lo'onatac 'Enauacna maye Ita'a ỹauotec camaye. Nache Ñimaye qataq Aỹem ñanaguenaq da souaqta'aguet camaye.

Salmos 91:9

Cha'aye mashe 'auo'ot da 'aye'eguenaxala' Ñim Nataxala', qataq da 'am npaxattalec Ñim Nataỹaña 'enauacna.

1 Juan 4:12

Qaica ca nma'ai' da ỹauatton Ñim Lo'onatac 'Enauacna, qalaxaye da ñi 'oonolec da shenaqta da ỹataqta ỹauotec ca lỹa, nache 'eesa da Ñim Lo'onatac 'Enauacna qomi' netaiguilo, qataq nataqa'en da lauotaxanaqtaic Ñimaye qomi' do'onataxaatapoiguilo.

2 Corintios 6:16

Qomi' maye qomi' lma' Ñim Lo'onatac 'Enauacna maye nca'altauec, qaq Ñimaye da qomi' hueta'agueta, nache saishet da saqtegueua'a nam ỹo'oxoreetac na ne'enaqtacpi maye qanatameetacotpi. Cha'aye Ñim Lo'onatac 'Enauacna 'eeta': «Sootaigui qataq salectaigui namayepi; qataq ñenaictague' namayepi, Aỹem maye Nachaỹem Nta'a maye So'otna, qaq namayepi, nache ỹalamaxatpi.»

Efesios 3:17

Qataq seỹaxaatacot Ñim Lo'onatac 'Enauacna da yaqto' So Cristo ishet da netaiguilo naua qarquiyaqchilli' souaxat da huo'o da qarpi'iỹaxaqui Somaye, qataq yaqto' qami' ỹataqta qauauochec Ñim Lo'onatac 'Enauacna qataq na laỹepi shiỹaxauapi.

Lamentaciones 3:24

Qaq aỹem shenapec naxa, da Ñim Nataxala' nachaqñita 'oonolec ñaqa'en, qaq ỹoqo'oye aỹem sepi'iỹa'a Ñimaye.

Salmos 91:1

Ca shiỹaxaua maye huetaigui da ltelaqtaxanaxac Ñim Nataỹaña 'enauacna, nache Ñim Qaica ca Ỹaqalanapec ipelteetalec camaye.

Salmos 90:1

'Am Nataxala', nache 'am da qomi' 'ampaxattaleguete, 'enauaque naua vi'iye.

Juan 6:55

Cha'aye da ỹo'ocỹaxac, nachera da ỹoqta 'eesa nallec, qataq naua itago'q, nachenaua na ỹoqta 'eesa naquip.

1 Juan 2:24

Qaq ỹoqo'oye saishet da qaỹa'axañiiñi da qauo'ocheetac nam qami' qaỹapaxagueneque co'ollaq cheta'ague da qaua'amaqchiñi So Cristo. Da qoquiito'ot da qauo'ocheetac damaye, nache qami' nache 'eetai' da qana'ayeetaua'a Som Ñalec qataq Ñim Nta'a,