Juan 6:52 - La'aqtaqa Ñim Lo'onatac 'Enauacna 2013

⁵² Nache nam judiopi maye sa iyacnapec da detaqtega So Jesús, maiche taỹa't da ncotatega't, 'eeta': –¿Hua'ago' ca 'eetec dam da', da qomi' ỹanema da maiche lo'ocỹaxac da sacheguenaq?

Nuevo Testamento Toba Sur

⁵² Nachi na judiopi maichi taÿa't da ncotatega't, 'eeta': –¿Huá'ago' ca 'eetec dam da', da qomi' ÿanema da maichi l'oquiaxac da sachiguenaq?

Nuevo Testamento Toba Sombrero Negro

⁵² Joga'me jiyaĝadipi male ua'a ca'li paya'ajalo da'me dapetetedapega't, qama'le enapega'ajalo: —¿Toqoch'e eetapega yaqanatet da'me qo'mi yiqui'yaĝaneque ga'me mach'e lapat?

Juan 6:52 Referans Kwoze

Juan 10:19

Nache so judiopi co'ollaq hua'axaỹa de'era la'aqtac Somaye, nache qaltaq ỹe'eguelaxalec da colaxagui da lhuennataxac.

Juan 9:16

Nache se'eso fariseopi 'eeta': –Se'eso ỹale maye ỹo'ot de'era, Somaye saishet da chegoqtot Ñim Lo'onatac 'Enauacna, cha'aye saishet da huo'o ca ỹanaigui ye na'a'q mataxaqui. Qalaxaye huo'o na 'eeta': –¿Hua'ago' ca 'eetec da ishet da ỹo'ot de'era na'anec maye sa qaỹauanapega, da huo'otaq Somaye 'etaxaloxoic? Huaña, nache colaxagui da lhuennataxac se'eso shiỹaxauapi.

Juan 6:41

Huaña, nache huo'o na judiopi le'ecpi da quetapeguelec So Jesús, souaxat co'ollaxa da 'eeta': «Aỹem Nachaỹem nauole, maye sachegoqo'ot na piguem.»

1 Corintios 2:14

Qaq ca shiỹaxaua, maye saishet da netanguit So Saqcha'a La'añaxac Ñim Lo'onatac 'Enauacna, saishet da ỹaconeguet da napaxaguenataxanaxac maye chegoqo'ot Somaye, cha'aye 'eeta'am naqa'en da choche 'oopashec. Qataq saishet da ỹaỹaten damaye, cha'aye saishet da netanguit So Saqcha'a La'añaxac Ñim Lo'onatac 'Enauacna.

Hechos 17:32

Qaq co'ollaq qaỹa'axaỹa de'era 'eetec da So Jesús qaltaq nca'alec, nache huo'o na lashetac so Pablo. Qataq huo'o na laỹepi 'eeta': –No'on da ña'aqtaxanaxagui de'era que'eca lỹa na'a'q.

Juan 4:11

Nache aso 'alo 'enapeco': –'Am Nataxala', qaica ca 'arasaxasoxonaxat da 'anqatsheguem ca 'etaxat, qataq anam ñi'illoxoqui ye ỹataqta qaỹoqtegue. Qaq ¿chaq hua'ago' ca 'auachegoxota'ague que'eca 'etaxat maye nca'altauec da Aỹem 'aỹa'anem?

Juan 3:9

Nache so Nicodemo qaltaq ỹe'eguelaxalec da denataxan, 'eeta': –¿Chaq hua'ago' ca 'eetec ca lataxac de'era?

Juan 3:4

Nache so Nicodemo denataxan, 'eeta': –Qaq ¿hua'ago' ca 'eetec ca shiỹaxaua, da huo'otaq mashe ỹe, nache qaltaq ỹe'eguelaxalec da ñiguiñi? ¿Peta'a isheto' da ỹe'eguelaxaigui na lauel aca late'e, ime, qaltaq ñiguiñi?

Juan 1:19

Qaq 'era da la'aqtaxanaxac so Juan, co'ollaq so lataxala'pi na judiopi ỹauo'o so lamaxashecpi chegoqchiguiña ye Jerusalén, nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq na leviitapi da yaqto' nqo'ona qataq inat so Juan da chaq negue't somaye.

Juan 6:60

Qaq co'ollaq qaỹa'aqchigui de'era lapaxaguenataxanaxac Somaye, nache ỹataqta qalota nam quetague' So Jesús na, 'eeta': –De'era qonetega, damaye ỹataqta huo'o da lqalaic da qaỹaconeguet; ¿negue'tom ca ishet da 'am naỹamaxareete'?