Juan 6:50 - La'aqtaqa Ñim Lo'onatac 'Enauacna 2013

⁵⁰ Qalaxaye Aỹem sa'axattac aso nauole maye chegoqo'ot na piguem, da ca chec asomaye, nache saishet da ileu.

Nuevo Testamento Toba Sur

⁵⁰ Qalaxayi aÿim sa'axattac aso pan mayi chigoqo'ot na piguem, da ca chic asomayi, nachi sa ishit da ileu.

Nuevo Testamento Toba Sombrero Negro

⁵⁰ Qalaĝaja jaga'me pan jo'ne chiyaqaje'ma di'me piyem, ga'me jo'ne yalic joñe'me ja yeleu.

Juan 6:50 Referans Kwoze

Juan 6:33

Cha'aye aca nauole maye ỹan Ñim Lo'onatac 'Enauacna, nachaca acam chegoqo'ot na piguem qataq anac da ỹami' da lca'alaxa 'enauac na shiỹaxauapi.

Romanos 8:10

Souaxat da ñe'etaxaloxo, nache da qaro'ocỹaxaqui ishet da ileu. Qalaxaye da So Cristo nca'alec qataq qami' hueta'agueta, nache nataqa'en so saqcha'a qarca'alaqai nca'alec qataq saishet da imeuo, cha'aye Ñim Lo'onatac 'Enauacna ỹapalaxat na qarasouaxashechi.

Juan 6:58

Qaq Aỹem sa'axattac aso nauole maye chegoqo'ot na piguem. Qaq asa'aso nauole, asomaye saishet da 'eeta'am aso maná, maye chectac co'ollaxa som hua'au qarta'ailpi, qalaxaye nache 'ena'am 'enauac somayepi ileu. Qaq cam chec asa'aso nauole maye sa'axattac, nache camaye nache 'eetai' da nca'altauec.

Juan 6:51

Aỹem maye Nachaỹem nauole maye ñeca'altauec, qataq sachegoqo'ot na piguem. Ca chec ana'ana nauole, nache qaica ca loga't da nachaalataxac. Ana nauole maye san, nachera da ỹo'ocỹaxac. Qaq damaye san yaqto' nca'alec 'enauac na shiỹaxauapi.

Juan 8:51

Qaq ỹataqta 'eesa de'era qami' sa'axatema, da ca ỹalaxaguet dam shenapec, nache camaye chochaq tatec da hueta'aguet Ñim Lo'onatac 'Enauacna.

Juan 6:42

Nache somayepi 'eeta': –¿Damaye saisheto' peta'a da nachera da Jesús, dam llalec so José? Qomi' sauattonaq so lta'a qataq aso late'e. Qalaq ¿ta'ainco' da 'eetega chegoqo'ot na piguem?

Juan 3:13

Cha'aye saishet da huo'o ca taigue da piguem, nachaqcata cam chegaqa'ague da piguem, maye nachena nam Shiỹaxaua Llalec.

Juan 3:36

Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Juan 5:24

Qaq ỹataqta 'eesa de'era qami' sa'axatema, da ca na'axaỹaxana de'era sa'axattac, qataq ỹa'amaqten Ñim Aỹem namaq, nache camaye mashe inoxoneua'a da lataxac da nca'alaxa maye qaica ca loga't. Qaq camaye nataqa'en saishet da qaỹauo'o qome ca nhuaxanaguec, cha'aye mashe sogote da ca'ai da nleuaxa da inoxoneua'a da nca'alaxa.

Juan 6:47

Qaq ỹataqta 'eesa de'era qami' sa'axatema, da cam Aỹem ỹa'amaqten, nache 'eesa da huo'o da lca'alaxa maye chochaq tatec.