Juan 6:45 - La'aqtaqa Ñim Lo'onatac 'Enauacna 2013

⁴⁵ Naua nanettrañi la'aqtaqa som la'aqtaxanaxanecpi Ñim Lo'onatac 'Enauacna naamaye, 'eeta': «Ñim Lo'onatac 'Enauacna ỹapaxaguen 'enauac na shiỹaxauapi.» Qaq ỹoqo'oye 'enauac nam na'axaỹaxana Ñim Ita'a qataq napaxaguena Ñimaye, namayepi Aỹem naua'a da yaqto' Aỹem ca'ategue.

Nuevo Testamento Toba Sur

⁴⁵ Naua nanettrañi l'aqtaqa som l'aqtaxanaxanecpi ñi Dios, naamayi 'eeta': “Ñi Dios ÿapaxaguen qome 'enauac na shiÿaxauapi.” Qaq ÿoqo'oyi 'enauac nam n'axaÿaxana ñi ita'a qataq lapaxaguenatac ñimayi, nachi namayipi aÿim nau'a.

Nuevo Testamento Toba Sombrero Negro

⁴⁵ Uo'oe naa'me ledii's jogaa'me Dios 'laqataĝanaĝanaqa jo'ne eetac: «Yema da'me Dios yapaĝague'n qomle jogaa'me jiyaĝadipi.» Chane'eja ena'uaque jogaa'me jo'ne naquiaĝata ñe'me Qadet'a nataq'aen da'me napaĝaguenalo naa'me 'laqataqa joñe'me, qama'le jayem nec'ata.

Juan 6:45 Referans Kwoze

Isaías 54:13

Qaq Aỹem sapaxaguen qome 'enauac ca 'aỹa'alaqpi, nache 'enauac qome camayepi da huo'o da lamaicỹaxac.

Hebreos 10:16

«Ỹoqo'oye ca dalaxaic ñaỹamaxataxac da ñaỹamaxate' nam Israel le'ecpi, camaye 'eeta': So'otec namayepi da ỹataqta saishet da icoua'ai na ỹapaxaguenataxanaxacpi, qataq nachena na ỹaueca'aguet da nachaalataxac.

1 Ts 4:9

Qaq da lataxac da qanauote' ca na'amqaanataxanaxaua, sa iuen da shiyiñi, cha'aye Ñim Lo'onatac 'Enauacna mashe qami' ỹapaxagueneque da 'eetec da qaỹauotec ca nỹa.

Miqueas 4:2

Nache qalota qome na shiỹaxauapi nvira añimaye, nache 'eeta': «Qolaq saxasheguema añi nqasoxonaxa Ñim Nataxala', añim nalec añi atamnaxaqui maye lalamaqte Ñim Natamnaxala' so Jacob, yaqto' Ñimaye qomi' ỹapaxagueneque da nqa'aicỹaxac, nache qolaqtegue na llecpi Ñimaye». Cha'aye chegoqchiguiña qome ye Sión da lapaxaguenataxanaxac Ñim Nataxala', qataq da la'aqtac Ñimaye nache chegoqchiguiña qome ye Jerusalén.

Isaías 2:3

Qaq anac qome na qalota shiỹaxauapi, nache 'eeta': «Qauanaqui, ñeqo'onaxasheguema añi nqasoxonaxa Ñim Nataxala', añi atamnaxaqui maye lalamaqte Ñim Natamnaxala' so Jacob, yaqto' Ñimaye qomi' ỹapaxagueneque da nqa'aicỹaxac, huaña nache ishet da qolaqtegueto qome naua lleco Ñimaye.» Cha'aye Ñim Nataxala', chegoqchiguiña qome ye Sión da lapaxaguenataxanaxac, qataq chegoqchiguiñalo qome ye Jerusalén naua la'aqtaqa.

Juan 6:65

Nataqa'en 'enapeco': –Qaica ca ishet da Aỹem ca'attague' da huo'otaq Ñim Lo'onatac 'Enauacna maye Ita'a saishet da la'aqtac.

Juan 6:37

'Enauac nam lca'aguishecpi Ñim Ita'a da yaqto' sauo'o ỹapaxaguenatacpi, namayepi Aỹem naua'a; qaq Aỹem saishet da semaqa'aguet.

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Efesios 1:17

Nache seỹaxaatacot Ñim Lo'onatac 'Enauacna maye Lta'a So Qarataxala' Jesucristo, Ñim Nta'a maye ỹo'oxoraic, da yaqto' qami' ỹanema So Saqcha'a La'añaxac da qami' ỹaanaxanaxaiqa naqa'en, qataq da yaqto' ỹataqta qauauattoñiita Ñimaye.

Juan 10:27

Qaq anam qagueta maye selotague', anamayepi ỹauatton da ivilỹaxac, qataq Aỹem sauatton anamayepi, qaq anamayepi Aỹem ca'attague'.

Lucas 18:31

Nache So Jesús iỹaxanalo soua doce lapaxaguenataqa da iỹotaugalo, nache 'enapegalo, 'eeta': –Nagui qomi' saxague da Jerusalén, nache huaña qome yemaye da ipacchigui 'enauac dam na'aqtaguec na Shiỹaxaua Llalec, maye ỹiyiñi co'ollaxa som la'aqtaxanaxanecpi Ñim Lo'onatac 'Enauacna.

Lucas 1:70

Qaq damaye nale'ena da ỹachaxanapec co'ollaxa soua qaỹoqteguelo vi'iye, ỹachegoxotchigui som la'aqtaxanaxanecpi maye ỹataqta qui'itta:

Marcos 1:2

'Enauac ipacchigui dam maiche ỹa'axattac Ñim Lo'onatac 'Enauacna co'ollaxa, ỹachegoxotchigui so la'aqtaxanaxanec le'enaxat Isaías, 'eeta': «Aỹem samaq qome ca ỹa'aqtaxanaxanec da sa'auaxaata'ague da 'ata'ague da yaqto' ỹaỹamaxaañi 'enauac, da yaqto' lhuotta qom 'avi'.

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

Hechos 7:42

Huaña, nache Ñim Lo'onatac 'Enauacna ca'ai somayepi, nache hua'aqta'a da yaqto' natamnot ana huaqaañipi maye neto'ot na piguem. Cha'aye nachera dam 'eetec da nanettañi la'aqtac Ñim Lo'onatac 'Enauacna maye huetalec ana lere so la'aqtaxanaxanecpi, maye 'eeta': Qami' Israel le'ecpi, co'ollaq qoquiitalec so toolec 'alhua se'esoua cuarenta vi'iye, qaq ¿peta'a co'ollaq qaualauacheetac na shiguiỹacpi da qauauo'oi qarachetaqtaxanaqche, qaq peta'a Nachaỹem da Aỹem qaỹa'añiitacot?

Hechos 13:40

Qaq ỹoqo'oye maxatchaxa qome da qoñiita, ten qom qami' taleguete de'era nhuaxanaxanaxac maye ỹa'axatta'aguet som na'aqtaxanaxanecpi, maye 'eeta':

Filipenses 3:15

Qaq ỹoqo'oye 'enauac da shenaqta maye mashe nalochiguiñi da qarpi'iỹaxac, no'on da nache 'eeta'a't da qarhuennataxa. Qalaxaye da huo'otaq huo'o ca lỹa qarhuennataxaqui, qalaq Ñim Lo'onatac 'Enauacna ishet nataqa'en da qami' itauneque da qauaỹaañi camaye.

1 Juan 2:27

Qalaxaye qami' mashe qami' netanguita So Saqcha'a Na'añaxac Qui'itta, som chegoqchigui naqa'en So Cristo da qami' nqateeguesopa ana 'alhua. Qaq ỹoqo'oye saishet da iuen da huo'o ca qami' ỹapaxague'n, cha'aye So Saqcha'a La'añaxac Ñim Lo'onatac 'Enauacna maiche qami' ỹapaxagueneque 'enauac na lataxaguesat. Qaq nam qami' ỹapaxagueneque Somaye, saishet da choche natenataxanaxac, nachaqrata da ỹataqta 'eesa. Qaq ỹoqo'oye qauo'oche nam qami' ỹapaxagueneque So Saqcha'a Na'añaxac Qui'itta, qataq nache 'eetai' da qana'ayeetaua'a So Cristo.