Juan 6:41 - La'aqtaqa Ñim Lo'onatac 'Enauacna 2013

⁴¹ Huaña, nache huo'o na judiopi le'ecpi da quetapeguelec So Jesús, souaxat co'ollaxa da 'eeta': «Aỹem Nachaỹem nauole, maye sachegoqo'ot na piguem.»

Nuevo Testamento Toba Sur

⁴¹ Huaña, nachi na judiopi jec da quetapeguelec so Jesús souaxat co'ollaxa da 'eeta': “Aÿim nachaÿim pan mayi sachigoqo'ot na piguem.”

Nuevo Testamento Toba Sombrero Negro

⁴¹ Qama'le ua'a ca'li da'me qoyedaĝatetapega joñe'me Jesús, qa'a yajouaĝat da'me 'uo da'me nenaĝategue jo'ne eetac: “Naqayem jo'ne pan 'me jachiyoĝogue di'me piyem.”

Juan 6:41 Referans Kwoze

Juan 6:48

Aỹem, Nachaỹem nauole maye san da nca'alaxa.

Juan 6:33

Cha'aye aca nauole maye ỹan Ñim Lo'onatac 'Enauacna, nachaca acam chegoqo'ot na piguem qataq anac da ỹami' da lca'alaxa 'enauac na shiỹaxauapi.

Juan 7:12

Nache qalota na shiỹaxauapi na na'aqtaxaatapigui Somaye. Huo'o na 'eeta': «Se'eso Jesús, Somaye ỹataqta no'on da lataxac.» Qalaxaye huo'o na laỹepi na 'eeta': «Somaye choche ỹatenachettac na shiỹaxauapi.»

Juan 6:66

Huaña, nache ỹataqta qalota nam quetague' So Jesús da ỹaxaañi da quegue Somaye.

Juan 6:60

Qaq co'ollaq qaỹa'aqchigui de'era lapaxaguenataxanaxac Somaye, nache ỹataqta qalota nam quetague' So Jesús na, 'eeta': –De'era qonetega, damaye ỹataqta huo'o da lqalaic da qaỹaconeguet; ¿negue'tom ca ishet da 'am naỹamaxareete'?

Judas 1:16

Ne'ena shiỹaxauapi ỹataqta taxaỹaxaicpi qataq camachaqca ca quetapeguelec. Qataq nachaqrata da nmitta'a da ipacchigui ca maiche lqopitaxanaqtaic. Qataq naua la'aqtaqa ỹataqta ño'oxonnaxaiqa, qataq da detaxaỹa ca lỹa shiỹaxaua qalaq ỹataqta iyaata, qalaxaye choche ỹatenachettac.

Juan 6:58

Qaq Aỹem sa'axattac aso nauole maye chegoqo'ot na piguem. Qaq asa'aso nauole, asomaye saishet da 'eeta'am aso maná, maye chectac co'ollaxa som hua'au qarta'ailpi, qalaxaye nache 'ena'am 'enauac somayepi ileu. Qaq cam chec asa'aso nauole maye sa'axattac, nache camaye nache 'eetai' da nca'altauec.

Juan 6:43

Nache So Jesús 'enapegalo soomaye, 'eeta': –Saishet da Aỹem qoquiitapeguelec.

Lucas 19:7

Qaq co'ollaq qaỹauaachigui de'era, nache qanayectega, qoỹeeta': «So Jesús qache ishet da taua'a ye lma' so ỹale maye 'etaxaloxoic.»

Lucas 15:2

Nache nam ỹalectaigui na fariseopi qataq nam dapaxaguenataxaatapeguec na namaxasoxonaxacpi quetapeguelec Somaye, 'eeta': –De'era ỹale, qache ỹaconeguet na 'etaxaloxoicpi qataq lquia'axaua namayepi.

Lucas 5:30

Qalaxaye huo'o na fariseopi qataq huo'o na dapaxaguenataxaatapeguec na namaxasoxonaxacpi da quetrapegueleguete soua lapaxaguenataqa So Jesús. Nache 'eetregalo, 'eetra': –¿Ta'ainco' qami' ye qarquia'axauai nam ỹacootapeeguet ana nsheetenaqte ca nta'a qataq nam shiỹaxauapi maye qauem da lataxac?

1 Corintios 10:10

Nataqa'en saishet da huo'o ca quetapeguelec Ñim Lo'onatac 'Enauacna, 'eeta'am da 'eetec co'ollaxa somayepi da huo'o na quetapeguelec so Moisés qataq so Aarón. Nache qaỹalauat, ỹalauat so chegaqasheguem lamaxashec laataxanaxaic Ñim Lo'onatac 'Enauacna.

Juan 1:19

Qaq 'era da la'aqtaxanaxac so Juan, co'ollaq so lataxala'pi na judiopi ỹauo'o so lamaxashecpi chegoqchiguiña ye Jerusalén, nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq na leviitapi da yaqto' nqo'ona qataq inat so Juan da chaq negue't somaye.