Juan 6:40 - La'aqtaqa Ñim Lo'onatac 'Enauacna 2013

⁴⁰ Qataq Ñimaye, nshetaique da 'enauac nam ỹamato'ot na Llalec qataq ỹa'amaqten, nache huo'o da lca'alaxa chochaq tatec, qataq Aỹem ñeca'alaxatec qom iviteuga ca pa'atec na'a'q.

Nuevo Testamento Toba Sur

⁴⁰ Da 'eetapeguec ñim aÿim namaq, nshitaique da 'enauac nam ÿamato'ot na llalec ñi Dios qataq i'amaqten namayi, nachi huo'o da lca'alaxa chochaq tateec, qataq da ñica'alaxateec qom iviteuga ca pa'ateec na'a'q.

Nuevo Testamento Toba Sombrero Negro

⁴⁰ Qa'a da'me lelnataĝac joñe'me Taĝadena', yemeda jogaa'me jo'ne jayem yauata da'me jayem Lec'oĝot ñe'me Dios, nataq'aen da'me jayem p'iida'a, qama'le jetaque yauata da'me lec'alaĝa'j jo'ne qaya'te loiquiaqa'. Qa'a da'me jayem male 'ñiyelaĝachidijeguem jogaa'me qom yovita ga'me nolo' jo'ne p'ategue.

Juan 6:40 Referans Kwoze

Romanos 6:23

Cha'aye cam nachaqrata da ỹo'ottac da ñe'etaxaloxo, nache camaye ỹaconeguet ca nhuaxanaguec, qaq damaye nachera da nleuaxa. Qalaxaye Ñim Lo'onatac 'Enauacna qomi' ỹanema da qanme da nca'alaxa maye chochaq tatec chegoqchigui So Cristo Jesús maye Qarataxala'.

Juan 6:54

Qaq ca chec da ỹo'ocỹaxac qataq nỹomguilo naua itago'q, nache huo'o da lca'alaxa maye chochaq tatec. Nache camaye qaltaq ñeca'alaxatec ca pa'atec na'a'q.

Juan 5:24

Qaq ỹataqta 'eesa de'era qami' sa'axatema, da ca na'axaỹaxana de'era sa'axattac, qataq ỹa'amaqten Ñim Aỹem namaq, nache camaye mashe inoxoneua'a da lataxac da nca'alaxa maye qaica ca loga't. Qaq camaye nataqa'en saishet da qaỹauo'o qome ca nhuaxanaguec, cha'aye mashe sogote da ca'ai da nleuaxa da inoxoneua'a da nca'alaxa.

Juan 11:25

Nache So Jesús 'enapego' asomaye, 'eeta': –Aỹem Nachaỹem nca'alaxa, qataq ishet da ca leuaxaic ỹe'eguelaxalec da nca'alec ñaqa'en. Qaq cam huo'o da naquitaxac Aỹem, nache camaye na'aictaxa da ileu, qalaxaye qaltaq nca'alec.

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Juan 14:19

Qaq mashe yaqta'a da ivita ye laloqo' da na shiỹaxauapi saishet da Aỹem ila'a, qalaxaye qami' qalaq Aỹem qauloita'a. Cha'aye Aỹem na'aictaxa da seleu, qalaxaye qaltaq ñeca'alec, nache qami' so'oteque da nataqa'en qanca'alliiuec.

Juan 12:45

Qataq ca Aỹem ila'a, camaye nataqa'en ila'a ñim Aỹem namaq.

Juan 6:27

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Juan 3:36

Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Lucas 2:30

Cha'aye aỹem ñema'ai' nagui da ñelota'ai' nam Nca'alaxaqui,

1 Juan 2:25

cha'aye So Cristo qomi' ỹachaxanapecoto ca nca'alaxa maye chochaq tatec.

Isaías 52:10

Ñim Nataxala' ỹachaxan da la'añaxac ỹauaachigui naqa'en 'enauac na ỹotta'a't shiỹaxauapi. Qaq 'enauac nam netalec ana 'alhua, ỹaỹaten qome da Ñim Qanatamnaxala' qomi' nca'alaxatrec.

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

Juan 10:28

Qaq Aỹem sanem da lca'alaxa maye chochaq tatec anamayepi. Huaña, nache saishet da ivireguet ca nleuaxa maye chochaq tatec, qataq saishet da huo'o ca ishet da nqateeguesop da ihuaqỹaxac anamayepi,

Judas 1:21

Qataq ima'ape naua na'axa'te da qanaquichiỹa'a da lauotaxanaqtaic Ñim Lo'onatac 'Enauacna, qataq qauacheeta'a que'eca na'a'q da So Qarataxala' Jesucristo, qomi' ỹanema ca qanachaalataxac chochaq tatec, cha'aye Somaye nataqa'en qomi' lauotaqa'ate.

1 Pedro 1:8

Qami' na'aictaxa da saishet da qanmiỹa'ai' da qauloito'ot So Jesucristo, qalaxaye qauauochec qataq qaua'amaqchiñi Somaye, qataq huo'o da qantonaxaqui ỹataqta lta'araic qataq 'onaxaic, qaq damaye saishet da qaỹañoxot da ỹataqta qaỹa'axatta.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Romanos 5:21

Cha'aye dam 'eetec da ñe'etaxaloxo co'ollaq ỹataqta huo'o da la'añaxac da nachetac da nleuaxa, qaq nache 'eetec nataqa'en da la'añaxac da lqouagaxanaqtaic Ñim Lo'onatac 'Enauacna da ỹapalaxat na qarasouaxashetpi qataq qomi' ỹanema da achaalataxac maye qaica ca loga't, chegoqchigui naqa'en So Qarataxala' Jesucristo.

Juan 12:50

Qaq Aỹem saỹaten da lamaxasoxonaxac Ñim Ita'a, damaye chegaqaigui da nca'alaxa maye chochaq tatec. Qaq 'era da 'eetec da cam ñasaxauec qalaq nacheca ca Aỹem ỹamaxalec Ñim Ita'a.

Juan 8:56

So Abraham maye qarta'ai, somaye ỹataqta huo'o da ntonaxac co'ollaxa da choche iuennatega ca na'a'q da ñevira ana 'alhua. Qaq co'ollaq ilogui, nache somaye ỹataqta nlaqchigui da ntonaxac.

Marcos 16:16

Qaq ca Aỹem ỹa'amaqten, nache qanachelaxan, yaqto' camaye nca'alec. Qalaxaye ca saishet da Aỹem ỹa'amaqten, nache camaye saishet da saconeguet.

Isaías 53:2

Ñim Nataxala' maiche lhuennataxa co'ollaxa da ñim lamaxashec 'eeta'am da lañaxataxac aca nañiguishe da saxanaxa da da'añi maye naua lpa'aye taiguilo cam deqaqta 'alhua. Nache qaica ca lyac qataq ca llo'oxoyec, da lataxac qalaq saishet da qaiqopittaua'a,

Hebreos 11:1

Da sepi'iỹaqa'a Ñim Lo'onatac 'Enauacna, nache ỹo'ot da ỹataqta 'eesa da ñi 'oonolec da shenaqta ỹaconeguet cam iuattaique. Qataq ỹo'ot da ỹataqta saỹaanaqta da 'eesa da huo'o cam saxanaxa da yo'oq.

Hebreos 11:27

So Moisés huo'o da lpi'iỹaxac Ñim Lo'onatac 'Enauacna, ỹoqo'oye ca'ai ye 'alhua Egipto, saishet da ñe'etega so lta'a nam netaña yemaye. Qataq saishet da nañan, qataq somaye 'eeta'am da iloto'ot Ñim Lo'onatac 'Enauacna maye saqcha'a co'ollaq ỹo'ot de'era.

Juan 14:17

Qataq camaye qami' ỹapaxagueneque cam ỹoqta 'eesa lataxac. Qaq nam shiỹaxauapi maye sa ỹa'amaqten Ñim Lo'onatac 'Enauacna, namayepi saishet da ỹaconeguet camaye, cha'aye saishet da ila'a, qataq saishet da ỹauatton. Qami' qalaxaye qauauattoñi, cha'aye qami' hueta'agueta, qataq camaye nache 'eetai' da qami' netaiguilo.

Mateo 10:15

Qaq ỹataqta 'eesa de'era qami' sa'aqtaxanema da qom ivita que'eca na'a'q da qanmit 'enauacna, nache ca nhuaxanaguec que'eca shiỹaxauapi ỹataqta napacalec qome da nhuaxanaguec som shiỹaxauapi maye netaña co'ollaxa so nỹecpi le'enaxat Sodoma qataq Gomorra.

Mateo 25:46

Ne'ena shiỹaxauapi maye qauemaicpi ỹaconeguet ca nhuaxanaguec maye saishet da huo'o ca loga't, qalaxaye nam ỹalaxaguet Ñim Lo'onatac 'Enauacna, ỹaconeguet ca nca'alaxa maye chochaq tatec.

Juan 6:39

Qaq dam 'eetapeguec Ñi Ita'a maye Aỹem namaq nshetaique da Aỹem qaica ca seqataqchet nam Aỹem ỹanem Ñimaye, chaqrata da qaltaq ñeca'alaxatec qom iviteuga ca pa'atec na'a'q.

Juan 6:44

Qaica ca ishet da choche Aỹem naua'a da huo'otaq sa nauegueuo Ñim Ita'a maye Aỹem namaq; nache camaye ishet da qaltaq ñeca'alaxatec ca pa'atec na'a'q.

Juan 11:24

Nache aso Marta 'enapeco': –Aỹem saỹaten da yemaye qaltaq nca'alec qom qanca'alaxatec na leuaxaicpi cam pa'atec na'a'q.

Números 21:9

Nache so Moisés ỹo'ot so le'enaqtac na'araxanaq ỹachegoxotaigui so lcat bronce, nache ỹanasheguem ỹanagui aso lashe. Nache naxa da huo'o na inac na na'araxanaq, nache da ỹamato'ot se'eso ne'enaqtac lcat bronce nache nca'alec.