Juan 6:4 - La'aqtaqa Ñim Lo'onatac 'Enauacna 2013

⁴ Qaq mashe saqaỹapeque soua na'axa'te maye laponaxaqui' na judiopi da iuennate so na'a'q le'enaxat da Lapascua.

Nuevo Testamento Toba Sur

⁴ Qaq mashi sa qaÿapeque som na'a'q mayi laponaxaqui na judiopi da iuennate co'ollaq qanayica'ai yi Egipto.

Nuevo Testamento Toba Sombrero Negro

⁴ Male qoyoqo'ta ga'me leualaĝayaĝaiqui joga'me judiopi da'me uenateteda'a da'me leuotaye ñe'me piyem le'ec queda'me ja yala't joca'li gaa'me ñoqolqa.

Juan 6:4 Referans Kwoze

Juan 2:13

Qaq co'ollaq mashe saqaỹapeque so laponaxac na judiopi maye le'enaxat da Lapascua, nache So Jesús nqo'oneua'a ye Jerusalén.

Juan 11:55

Qaq mashe saqaỹauga so na'a'q maye laponaxaqui na judiopi da qaiuennate so na'a'q le'enaxat Lapascua. Nache ỹataqta qalota so shiỹaxauapi maye nañalo naua lỹa't 'aleu' taỹa ye Jerusalén, da yaqto' ỹo'ot da lataxac da nqui'itaxat ca shiỹaxaua, da yaqta'a nvireuo se'eso na'a'q naponaxaqui.

Juan 5:1

Qaq co'ollaq qaỹata'ague de'era, nache So Jesús ỹe'eguelaxa ye Jerusalén, da yaqto' ỹalegueua'a so laponaxac na judiopi.

Deuteronómio 16:1

Qaq da ivita so ca'agoxoic Abib, nache qaupaquiichigui qome da qauo'oche ca Lapascua. Nache qavio'oxoyiñi Ñim Nataxala' maye Qanatamnaxala'ai, cha'aye huetoigui co'ollaxa so pe se'eso ca'agoxoic Abib, da Ñim Nataxala' qami' nqateeguesopa ye Egipto.

Juan 13:1

Qaq nacheso se'eso lỹa na'a'q maye huetoiguilo soua na'axa'te da qaiuennate so na'a'q le'enaxat Lapascua. Qaq So Jesús mashe ỹaỹaten da ivita ye laloqo' da ca'ai ana 'alhua, da ỹe'eguelaxa Ñim Lta'a maye Lo'onatac 'Enauacna. Qaq Somaye nache 'eetai' da lauotaxanaqtaic na lalamaxatpi maye huetalec ana 'alhua, qaq da lauotaxanaqtaic ỹachaxana somayepi choche ivitta'a da loga't da nachaalataxac.

Juan 12:1

Qaq saxanaqcaua caua seis na'axa'te da iviteuga so naponaxac maye le'enaxat Lapascua. Nache So Jesús taỹa ye Betania yem netaña so Lázaro som qaltaq nca'alaxatec co'ollaxa Somaye.

Levítico 23:7

Nache ca la'auaxanec na'a'q, nache qauo'oche ca naponaxac da qaỹo'oxoren Ñimaye. Qataq saishet da qauo'oche ca camachaqca no'onatac.

Levítico 23:5

Da ivireuga ca na'a'q catorce ca la'auaxanec ca'agoxoic, qataq da mashe inoxoochiguiñi añi nala', nache qauo'oche ca Lapascua da yaqto' qavio'oxoyiñi Ñim Nataxala'.