Juan 6:39 - La'aqtaqa Ñim Lo'onatac 'Enauacna 2013

³⁹ Qaq dam 'eetapeguec Ñi Ita'a maye Aỹem namaq nshetaique da Aỹem qaica ca seqataqchet nam Aỹem ỹanem Ñimaye, chaqrata da qaltaq ñeca'alaxatec qom iviteuga ca pa'atec na'a'q.

Nuevo Testamento Toba Sur

³⁹ Qaq dam 'eetapeguec ñi ita'a mayi aÿim namaq nshitaique da aÿim qaica ca saqataqchit nam aÿim ÿanem ñimayi, chaqdata da qaltaq ñica'alaxateec qom iviteuga ca pa'ateec na'a'q.

Nuevo Testamento Toba Sombrero Negro

³⁹ Qama'le da'me jo'ne lelnataĝac joñe'me, ja jetaque 'uo ga'me onolec jo'ne yejomac gaa'me jo'ne jayem qoyanema, qa'a naqayem jo'ne en 'ñiyelaĝachidijeguem qom yovita ga'me nolo' jo'ne p'ategue.

Juan 6:39 Referans Kwoze

Juan 17:12

Nagui da ñaq soota'agueta naamaye ana 'alhua, qalaq Aỹem so'ogoxona da 'ara'añaxac da ñetela'alo qataq da ñepaxattaleguete. Qaq saishet da huo'o ca deqat naamaye, nachaqsota so Judas maye lca'ateua'a so nqa'aic maye ỹauega da deqat, nache ipacchigui dam 'enapec naua nanettaleguete ana 'ara'aqtac lmalate.

Juan 6:40

Qataq Ñimaye, nshetaique da 'enauac nam ỹamato'ot na Llalec qataq ỹa'amaqten, nache huo'o da lca'alaxa chochaq tatec, qataq Aỹem ñeca'alaxatec qom iviteuga ca pa'atec na'a'q.

Juan 18:9

Qaq de'era 'enapec, damaye ipacchigui dam maiche la'aqtac So Jesús co'ollaq 'eeta': «Nam Aỹem ỹanempi Ñim Ita'a, namayepi qaica ca deqat.»

Juan 6:54

Qaq ca chec da ỹo'ocỹaxac qataq nỹomguilo naua itago'q, nache huo'o da lca'alaxa maye chochaq tatec. Nache camaye qaltaq ñeca'alaxatec ca pa'atec na'a'q.

Juan 6:44

Qaica ca ishet da choche Aỹem naua'a da huo'otaq sa nauegueuo Ñim Ita'a maye Aỹem namaq; nache camaye ishet da qaltaq ñeca'alaxatec ca pa'atec na'a'q.

Juan 6:37

'Enauac nam lca'aguishecpi Ñim Ita'a da yaqto' sauo'o ỹapaxaguenatacpi, namayepi Aỹem naua'a; qaq Aỹem saishet da semaqa'aguet.

Judas 1:1

Aỹem maye ỹe'enaxat Judas, so'onataxaatacot So Qarataxala' Jesucristo, qataq ỹaqaỹa so Santiago. Aỹem samaxa ana ỹere 'enauac nam lauotaxatpi qataq lca'aguishecpi Ñim Lo'onatac 'Enauacna, nam nataqa'en lhuateguishecpi So Jesucristo.

Romanos 8:11

Ñim Lo'onatac 'Enauacna nca'alaxateeguesop da l-leuaxa So Jesús, qaq Ñimaye nataqa'en nca'alaxatec da qaro'ocỹaxaqui maye mashe ileu, da yaqto' ỹe'eguelaxalec da nca'alec, da So Saqcha'a La'añaxac Ñim Lo'onatac 'Enauacna qami' hueta'agueta. 'Era dam ỹo'ot Ñim Lo'onatac 'Enauacna ỹachegoxotchigui So Saqcha'a La'añaxac maye qami' hueta'agueta.

Lucas 12:32

Saishet qome da qayi'i, qami' maye qoñiita'am acam ỹalamaqte qagueta maye selotague'. Ỹataqta qami' saq 'amaqtache, qalaxaye Ñi Qarta'ai ỹataqta maiche lhuennataxac da qanhuañiỹaua'a naqa'en da lo'onataxanaxac da ilo'ogue 'enauacna.

Mateo 18:14

Qaq 'era da 'eetec nataqa'en ñi Qarta'ai maye neta'ague da piguem, da sa ỹaỹamaxaren da deqat ca 'oonolec ne'ena maye qaica ca la'amaqchecpi qataq da nache 'eetai' da qaỹoqta Ñimaye.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

Juan 12:48

Qaq ca Aỹem ỹo'otan, qataq saishet da ỹo'o't naua ỹa'aqtaqa, camaye sogote da huo'o qome ñim ỹo'ot ca nhuaxanaguec. Cha'aye naua ỹa'aqtaqa maye ñasaxarec, nachenaua qome naua ỹo'o't ca nhuaxanaguec na shiỹaxauapi ca pa'atec na'a'q.

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

Juan 5:28

Qaq saishet qome da qami' ỹe'elaqche't de'era qami' sa'aqtaxanema, cha'aye ivita ca na'a'q qome da nataqa'en na leuaxaicpi, hua'axaỹa da ivilỹaxac,

1 Samuel 25:29

Qaq da huo'o ca 'am icaatac da huotaique 'am ỹalauat, qaq Ñim Nataxala' npaxattalec qome da 'anachaalataxac. Qaq cam 'am ipa'agueetac, qalaq Ñim Nataxala' ỹasaxauec qome, 'eeta'am naqa'en ca coma' laỹe da qaipocnec.

Jeremías 23:4

Qataq sauo'o qome cam ilotague'pi anamayepi da yaqto' ntela'a, qataq yaqto' saishet da huo'o ca ñe'etaique, qataq saishet da huo'o aca deqat anamayepi. Qaq 'era da ỹa'aqtac Aỹem Nataxala'.»

Mateo 10:15

Qaq ỹataqta 'eesa de'era qami' sa'aqtaxanema da qom ivita que'eca na'a'q da qanmit 'enauacna, nache ca nhuaxanaguec que'eca shiỹaxauapi ỹataqta napacalec qome da nhuaxanaguec som shiỹaxauapi maye netaña co'ollaxa so nỹecpi le'enaxat Sodoma qataq Gomorra.

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

Juan 17:6

Qaq naua 'arca'agui'she maye 'auachegoxottoigui co'ollaxa nam huetalec ana 'alhua da yaqto' Aỹem 'aỹa'anem, naamaye sogote da sa'axattema da qoneta. Naamaye 'aralamqa'ate, qalaxaye Aỹem 'aỹa'anema, qaq naamaye ỹataqta ỹalaxareguet da 'ara'aqtac.

Juan 17:9

Qaq Aỹem 'am ñachoxonnot, souaxat naamaye. Qaq saishet da ñachoxoreetapeguelec nam huetalec ana 'alhua, nachaqnauate' naua Aỹem 'aỹa'anema, cha'aye 'aralamqa'ate.

Juan 17:24

'Am Ita'a, naua Aỹem ca'attegueto naamaye Aỹem 'aỹa'anema, qaq ỹoqo'oye ñeshetaique da naamaye Aỹem hueta'agueta cam soota'a, yaqto' ỹauaachigui cam na'añaxac maye Aỹem 'aỹa'anem. Cha'aye nale'ena co'ollaxa da ỹataqta Aỹem 'auauotec co'ollaq saxanaqaca ana 'alhua.

1 Corintios 6:14

Qaq Ñim Lo'onatac 'Enauacna maye nca'alec naqa'en So Jesucristo co'ollaq qaỹalauat, Ñimaye nataqa'en taỹa'a da qomi' nca'alaxatre'c, do'onataxana da maiche la'añaxac.

Santiago 5:15

Qaq camayepi da ỹataqta huo'o da lpi'iỹaxac da nqouagaxauen, nache Ñim Lo'onatac 'Enauacna ỹasateguet camayepi, nache nataren cam sa no'on. Qaq da huo'otaq huo'o ca lasouaxashet cam sa no'on, nache nataqa'en ỹapalaxat Ñimaye.