Juan 6:36 - La'aqtaqa Ñim Lo'onatac 'Enauacna 2013

³⁶ Qalaxaye Aỹem mashe ime da qami' sheetegalo, da qami' saishet da Aỹem qaua'amaqchiñi, na'aictaxa da qauloitagui na so'otpi.

Nuevo Testamento Toba Sur

³⁶ Qalaxayi aÿim mashi ime da qami' shinapegalo da qami' sa ishit da aÿim qau'amaqchiñi, nai'ctaxa da aÿim qauloito'ot.

Nuevo Testamento Toba Sombrero Negro

³⁶ Qalaĝaja da'me joote te'me ami 'ñaĝatetapegueta, qama'te ja jayem 'te auep'iiya'a da'me te'me joote jayem auañiya.

Juan 6:36 Referans Kwoze

Juan 12:37

Qaq na'aictaxa da So Jesús ỹataqta qalota na ỹo'ot na'anec maye sa qaỹauanapega da ỹauaachigui naqa'en somayepi, qalaxaye ñaqaiyeta saishet da qaỹa'amaqten Somaye.

Juan 6:26

Qalaxaye So Jesús 'enapega somayepi, 'eeta': –Ỹataqta 'eesa de'era qami' sa'axatema, da qami' Aỹem qanmichiitaique, cha'aye qami' qauqui'i, ivira'a da qami' comaraxaiqa, qaq saishet da souaxat da qami' qauaỹaañi ca naigui na na'anecpi maye sa qaỹauanapega.

Lucas 16:31

Qalaxaye so Abraham 'enapeco': «Da saishet da ỹalaxaguet so Moisés qataq som la'aqtaxanaxanecpi Ñim Lo'onatac 'Enauacna, qaq ¡hua'aguectoxo' da ishet da ỹalaxaguet da huo'o ca qaltaq nca'aleeguesop na leuaxaicpi!

Juan 15:24

Qataq namayepi saishettaxa da huo'o ca lasouaxashet, da saishet da huangui ñaqa'en namayepi da so'ot nam saishet da huo'o ca ỹañoxot da ỹo'ot; qaq namayepi sogote da ỹauaachigui ne'ena so'otpi, qalaxaye ñaqaiyeta Aỹem nquiỹa, qataq Ñim Ita'a.

Juan 6:64

Qalaxaye ñaqaiyeta huo'o na saishet da da'amqaanataxan da qoñiita. Qaq 'enapec de'era So Jesús, cha'aye nale'ena da ỹaỹaten co'ollaq cheta'ague da do'onataxan nam saishet da da'amqaanataxan qataq som huotaique co'ollaxa da ỹaneuo Somaye.

Juan 6:40

Qataq Ñimaye, nshetaique da 'enauac nam ỹamato'ot na Llalec qataq ỹa'amaqten, nache huo'o da lca'alaxa chochaq tatec, qataq Aỹem ñeca'alaxatec qom iviteuga ca pa'atec na'a'q.

Juan 6:30

Nache qainat Somaye, qoỹeeta': –Qaq ¿negue'to' ca na'anec da ishet da qomi' 'auachaxanalo da yaqto' seloxogui, nache ishet da 'am sa'amaqtenaq? ¡Ñaq 'auo'ot cam qomi' 'auachaxanalo!

Juan 6:37

'Enauac nam lca'aguishecpi Ñim Ita'a da yaqto' sauo'o ỹapaxaguenatacpi, namayepi Aỹem naua'a; qaq Aỹem saishet da semaqa'aguet.