Juan 6:31 - La'aqtaqa Ñim Lo'onatac 'Enauacna 2013

³¹ Som hua'au qarta'alpi co'ollaxa chectac aso maná co'ollaq hualec so toolec 'alhua, cha'aye nache 'ena'ape naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Ñim Lo'onatac 'Enauacna iquia'axanec somayepi aso nauole maye chegoqo'ot na piguem.»

Nuevo Testamento Toba Sur

³¹ Som hua'au qadta'alpi co'ollaxa chictac aso maná co'ollaq hualec so tojlec 'alhua, cha'ayi nachi 'enapec naua nanettrañi l'aqtaqa ñi Dios, 'eeta': “Ñi Dios iqui'axanec somayipi aso pan mayi chigoqo'ot na piguem.”

Nuevo Testamento Toba Sombrero Negro

³¹ Dia'me jo'ne mach'e qadet'al yali'j jaga'me maná da'me ueteda'a di'me aleua jo'ne totapega't, joda'me jo'ne joote qoyediñe: «Dios yanema ga'me pan qaedi yali'j, joga'me pan jo'ne chiyoĝogue di'me piyem.»

Juan 6:31 Referans Kwoze

Nehemías 9:15

Qataq 'anamaxa so nallec maye chegoqo'ot na piguem da yaqto' vi'iguet na lqouaxa, qataq 'aỹa'anem so 'etaxat 'auachegoxotaigui aso coma', da yaqto' vi'iguet so laquip lamaic. Qataq 'aỹa'anem ye 'alhua, maye 'auachaxanapeguem co'ollaxa da 'aỹa'anem.

Salmos 105:40

Qaq co'ollaq iỹaxanaique aloq somayepi, nache Ñimaye namaq so qalota dachemipi, qataq ỹo'ot da icomatec naqa'en so nallec piguem le'ec.

Juan 6:49

So hua'au qarta'ailpi co'olloxoche quetalec so toolec 'alhua, nache somayepi chectac aso nauole chegaqasheguem le'enaxat maná, qalaxaye nache 'ena'am ileu somayepi.

Éxodo 16:35

Huaña, nache so Israel le'ecpi chectac aso maná choche ivittraue'c soua cuarenta vi'iye, choche ivitta'a co'ollaq somayepi ivita ye 'alhua maye mashe qanayeetalec. Qaq 'era da 'eetec somayepi co'ollaq chectac aso maná, choche ivittaua'a so loigue ye 'alhua Canaán.

Apocalipsis 2:17

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»

Nehemías 9:20

Nataqa'en 'aỹa'anem so Saqcha'a 'Ara'añaxac maye ỹo'ot da laỹaanataxanaxac. Qataq saishet da 'avia'axaneguet da 'auquiỹa'axaateguec so nallec maye chegaqasheguem le'enaxat maná, qataq so 'etaxat da yaqto' ỹa'axaneguet da laquipegaxanaxac.

Deuteronómio 8:3

Na'aictoxo' da ỹauo'o co'ollaxa da qanque'eenaxaqui, qataq huo'o naqa'en so qarqouaqai, qaq co'ollaq ime, nache qami' iquia'axaneque so nallec maye chegaqasheguem le'enaxat maná, som nallec maye qami', qataq so hua'au qarta'ailpi sa ỹauatton, cha'aye huotaique da qauaỹaañi da saishet da nachecata ca nallec da nca'altauec naqa'en ca shiỹaxaua, cha'aye nataqa'en naua la'aqtaqa Ñim Nataxala' deca'alaqtaxa'n.

1 Corintios 10:3

Nataqa'en 'enauac somayepi chectac so nallec maye chegoqo'ot Ñim Lo'onatac 'Enauacna.

Juan 6:58

Qaq Aỹem sa'axattac aso nauole maye chegoqo'ot na piguem. Qaq asa'aso nauole, asomaye saishet da 'eeta'am aso maná, maye chectac co'ollaxa som hua'au qarta'ailpi, qalaxaye nache 'ena'am 'enauac somayepi ileu. Qaq cam chec asa'aso nauole maye sa'axattac, nache camaye nache 'eetai' da nca'altauec.

Josué 5:12

Qataq nache vichigui co'ollaxa da vi'iiguet aso maná maye chegoqo'ot na piguem. Huaña nache se'eso vi'i, so Israel le'ecpi chegoqchiguiña da chectac na ala na nañiguishec maye nañaxattalec yi'iye 'alhua Canaán.

Juan 6:32

Nache So Jesús 'enapeco': –Aja', ỹataqta 'eesa de'era qami' sa'axatema, da saishet da nacheso so Moisés som qami' ỹanema aso nauole maye chegoqo'ot na piguem, nachaqñita Ñim Ita'a maye nacheñi ñi qami' ỹanema acam ỹataqta 'eesa nauole, maye chegoqo'ot na piguem.