Juan 6:30 - La'aqtaqa Ñim Lo'onatac 'Enauacna 2013

³⁰ Nache qainat Somaye, qoỹeeta': –Qaq ¿negue'to' ca na'anec da ishet da qomi' 'auachaxanalo da yaqto' seloxogui, nache ishet da 'am sa'amaqtenaq? ¡Ñaq 'auo'ot cam qomi' 'auachaxanalo!

Nuevo Testamento Toba Sur

³⁰ Nachi qainat somayi, qoÿiita': –Qaq ¿négue'to' ca n'anec ishit da qomi' 'auachaxanalo, da yaqto' seloxogui, nachi ishit da 'am sa'amaqtenaq? Qaq ¿négue't cam 'au'ot?

Nuevo Testamento Toba Sombrero Negro

³⁰ Qama'le nach'e ena'am yenadetec: —¿Jach'e jogamaĝa 'nanec 'me auaqanatet qo'mi aualoĝonalo, qaedi da'me jauanaĝa qama'le am jep'iyaqa? ¿Jach'e jogamaĝa yataqachiñe eeta da'me dojo' at'onatac?

Juan 6:30 Referans Kwoze

Juan 12:37

Qaq na'aictaxa da So Jesús ỹataqta qalota na ỹo'ot na'anec maye sa qaỹauanapega da ỹauaachigui naqa'en somayepi, qalaxaye ñaqaiyeta saishet da qaỹa'amaqten Somaye.

1 Corintios 1:22

Na judiopi nmitta'a na na'anecpi maye sa qaỹauanapega da yaqto' ỹa'amaqten de'era na'aqtaxanaxac maye sa'axataqtac. Qaq na griegopi qalaq huotaique da hua'aqchigui ca na'aqtaxanaxac maye da qaỹa'axaỹa qalaq nachera lataxac.

Juan 10:38

Qalaxaye da huo'otaq so'ottac damaye, nache na'aictaxa da Aỹem sa qaua'amaqchiñi, qalaxaye qaua'amaqchiñi nam so'otpi, yaqto' ishet da imauec da qauaỹaañi da Ñim Ita'a qataq Aỹem 'oonolec da qarataxac.

Juan 6:36

Qalaxaye Aỹem mashe ime da qami' sheetegalo, da qami' saishet da Aỹem qaua'amaqchiñi, na'aictaxa da qauloitagui na so'otpi.

Juan 2:18

Nache so lataxala'pi na judiopi inattac Somaye, 'eeta': –¿Negue't ca na'anec qomi' 'auachaxanalo, da yaqto' ishet da 'am sa'amaqtenaq da ỹoqta 'eesa da huo'o ca qonec da 'auo'ot de'era?

Hebreos 2:4

Ñim Lo'onatac 'Enauacna nataqa'en qomi' ỹachaxanalo de'era, ỹachegoxotchigui na qalota na'anecpi, qataq nam ỹo'otpi maye ỹo'ot da na'aalaxa qataq nam sa qaỹauanapega. Qaq co'ollaq ỹo'ot de'era, nache ỹami' So Saqcha'a Na'añaxac Qui'itta nam tatelec da ỹami'.

Hechos 4:30

Qataq qomi' 'aỹa'anema cam 'ara'añaxac, da yaqto' qomi' ñatarenaq na sa no'onpi, qataq da so'otaq na na'anecpi qataq na sa qaỹauanapigui qataq ỹo'oxoraq, da so'onataxanaxa da le'enaxat som qui'itta 'aỹa'alec Jesús.

Marcos 15:32

Ñimaye 'eetega da Lca'aguishec Ñim Lo'onatac 'Enauacna qataq lta'a na Israel le'ecpi. ¡Da sauanaqchigui da huenoteeguesop ñi npe'enaxaqui, nache ishet da sa'amaqtenaq Ñimaye!» Nataqa'en soua cachaxaiqa maye qaiuaxaatrauo, huaqta'ato So Jesús, isheueetrac Somaye.

Marcos 8:11

Nache co'ollaq nvi' so fariseopi, nache chegoqtot da ncotatague' So Jesús. Qalaxaye somayepi choche ỹauotaique da ỹe'eguen Somaye da iỹaxanot da ishet da ỹo'ot ca na'anec sa qaỹauanapega da ỹa'axat da So Jesús chegoqo'ot Ñim Lo'onatac 'Enauacna.

Isaías 5:19

Qaq namayepi 'enapec naxa: «Ñim Lo'onatac 'Enauacna, no'on da sa ỹaỹaloxon da ỹo'ot nam lo'onatacpi yaqto' sauanaqchigui, Ñim Qui'itta Natamnaxala' na Israel le'ecpi, ña iỹalapegue' qome da ipacchigui naqa'en da ỹo'ot nam lapaxañipi co'ollaxa yaqto' sauattonaq.»

1 Reyes 13:5

Huaña nache dolagui aso nca'atoxonaxalate, qataq so alo maye huetalec asomaye laga't, nache ipacchigui da la'aqtac Ñim Nataxala' maye ỹanem co'ollaxa so la'aqtaxanaxanec.

1 Reyes 13:3

Qaq nacheso se'eso na'a'q da so na'aqtaxanaxanec ỹo'ot so na'anec maye saqaỹauanapega, nache 'eeta': «'Era da na'anec maye ỹan Ñim Nataxala': Ana'ana nca'atoxonaxalate nlaguiñi qome, qataq na alo maye huetalec anamaye laga't qome.»

Éxodo 4:8

Ime, nache Ñim Nataxala' 'enapeco': «De'era hua'auchiguiñi na'anec da saishet da 'am qaỹa'amaqten, qataq da saishet da 'am qaiqocha'a, qalaxaye qaỹa'amaqten qome da nca'ataxanauo na'anec.

Éxodo 7:9

«Ñi faraón qom iỹaxanaique da qaỹo'ot ca na'anec maye ỹo'ot da na'aalaxa, nache 'am qonapega qome da Aarón da ỹacona aca lashelte. Ime, qaq ỹasaxauec, ỹauaachigui naqa'en ñi faraón, yaqto' nañigui na na'araxanaq.»

Juan 6:2

Qaq ỹataqta qalota na shiỹaxauapi ca'attague' Somaye, souaxat da ỹauaachigui na ỹo'ottac na'anecpi maye sa qaỹauanapega, qataq natareetac na sa no'onpi.

Juan 6:14

Nache som shiỹaxauapi maye ỹauaachigui de'era na'anec maye sa qaỹauanapega maye ỹo'ot So Jesús, somayepi 'enapeco': –Ỹoqta 'eesa damaye, da la'aqtaxanaxanec Ñim Lo'onatac 'Enauacna maye qaỹa'axatta'aguet co'ollaxa da naỹa ana 'alhua.