Juan 6:20 - La'aqtaqa Ñim Lo'onatac 'Enauacna 2013

²⁰ Qalaxaye So Jesús 'enapegalo soomaye, 'eeta': –¡Nachaỹem, saishet da qayi'i!

Nuevo Testamento Toba Sur

²⁰ Qalaxayi somayi 'enapegalo soomayi, 'eeta': –¡Nachaÿim, sa ishit qome da qayi'ii!

Nuevo Testamento Toba Sombrero Negro

²⁰ Qalaĝaja joñe'me enaac: —¡Naqayem, ena'te at'oyiyi!

Juan 6:20 Referans Kwoze

Isaías 44:8

¡Qalaxaye qana'añaxache, saishet da qayi'iitac! 'Era da ỹa'aqtac co'ollaxa soua qaỹoqteguelo vi'iye, qaq qami' nache qami' ỹa'aqtaxanaxanaqa de'era. Qaq ¿peta'a huo'o ca lỹa atamnaxala' ỹaqauga? 'A'i, qaica ca lỹa ñe'eguenaxala', qaica ca sauatton.»

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Isaías 41:14

Ñim Nataxala' da la'aqtac, 'eeta': 'Am Israel, maye 'auachegoxoguet so Jacob, na'aictaxa da qaica ca 'ara'amaqchec qataq ca 'ara'añaxac, qalaxaye saishet qome da 'añe'etac, Aỹem 'am setauan qome. Aỹem, maye Aỹem Qui'itta Natamnaxala' na Israel le'ecpi, Aỹem, 'am ñeca'alaxatec.

Marcos 6:50

cha'aye ỹataqta huo'o da lcolanaqa', qalaxaye So Jesús saqaỹaloq da 'enapegalo, 'eeta': «Qaue'enaxañiitai' saishet da qayi'i. Nachaỹem.»

Marcos 16:6

qalaxaye so nsoq 'enapegalo' soomaye, 'eeta': «Saishet da qayi'i. Qami' qanmichiitaique So Jesús som ỹale maye Nazaret le'ec, som ileu qaiuaxaata'aguet so npe'enaxala' soua na'axa'te lỹa't. Somaye saishet da hueta'a ne'ena. Somaye qaltaq nca'alec. Ñaq qaumichiñi yem qaỹachaña co'ollaxa so lo'ocỹaxac.

Salmos 35:3

ñaq 'auacona aca 'arataquiaxai nache 'auataỹa'aguet na aỹem icaatacpi, aỹem ñeshetaique da 'am sa'axaỹa da qoneta': «Nachaỹem 'arca'alaxaqui.»

Juan 6:19

Qaq co'ollaq mashe qaỹoqteueeguelo soomaye, nache ỹauaategueta So Jesús da naỹa'a aso nllocta petalec na 'etaxat, nache soomaye ỹataqta huo'o da lcolanaqa'.

Juan 6:21

Nache soomaye ỹataqta huo'o da lyaqa' da huenotsheguemec Somaye aso nllocta. Huaña, nache saqaỹaloq da ivittra so loigue yem taỹa'ata 'alhua.