Juan 5:46 - La'aqtaqa Ñim Lo'onatac 'Enauacna 2013

⁴⁶ Cha'ayectaxa da qami' qaua'amaqchiñi cam 'enapec so Moisés, nache nataqa'en taxa Aỹem qaua'amaqchiñi, cha'aye so Moisés Nachaỹem maye Aỹem ỹiyiñi co'ollaxa.

Nuevo Testamento Toba Sur

⁴⁶ Cha'ayíctaxa da qami' 'au'amaqchiñi cam 'enapec so Moisés, nachi nataq'énctaxa ishit da aÿim qau'amaqchiñi, cha'ayi so Moisés nachaÿim mayi aÿim ÿiyiñi co'ollaxa.

Nuevo Testamento Toba Sombrero Negro

⁴⁶ Qa'a ta'le ami auep'iiya'a da'me enaac ñe'me Moisés, nach'e ena'am jayem auep'iiya'a, qa'a Moisés yediñe da'me dojo' da'me jayem 'yaĝatetac.

Juan 5:46 Referans Kwoze

Deuteronómio 18:15

Qaq Ñim Nataxala' maye Qanatamnaxala'ai qami' chegoqtoiguilo naqa'en qome ca la'aqtaxanaxanec da 'eeta'am aỹem, qaq camaye ỹataqta qaualaqaiguet qome.

Juan 1:45

Nache so Felipe jec da nmitaique so Natanael. Nache da'aqtaxanem, 'eeta': –Qomi' mashe ñauanaxai' ñim ỹale maye ỹa'axattac co'ollaxa so Moisés maye huetalec ana lere, ñim nataqa'en ỹa'axatta'aguet co'ollaxa so la'aqtaxanaxanecpi Ñim Lo'onatac 'Enauacna. Ñimaye nacheñi Ñi Jesús, ñim llalec so José maye lma' ye Nazaret.

Lucas 24:27

Ime, nache So Jesús da'aqtaxanema soomaye 'enauac nam na'aqtaguec Somaye, nam nanettalec ana nere maye huetalec na la'aqtacpi Ñim Lo'onatac 'Enauacna, ỹachegoxottot aso hua'auchiguiñi lereguishe so Moisés, iviraxatta'a asom pa'atec lereguishe som la'aqtaxanaxanecpi Ñim Lo'onatac 'Enauacna.

Hechos 26:22

Qalaxaye souaxat da ltaunaxanaxac Ñim Lo'onatac 'Enauacna da sheeta, ỹoqo'oye nagui ñaq shecta da sa'axattapeguem Ñimaye 'enauac na shiỹaxauapi, sa'aqtaxanem na choxoraq qataq na sallaxanecpi. Qaq saishet da huo'otaq ỹaqa'a ca ỹa'aqtaxanaxac da sa'aqtaxan. Nachaqrata da sa'axattac da la'aqtaxanaxac som hua'au la'aqtaxanaxanecpi Ñim Lo'onatac 'Enauacna qataq so Moisés da qaỹa'axatta'aguet cam naỹa'acna.

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Génesis 22:18

qaq 'enauac na ỹotta'a't shiỹaxauapi maye huetalec ana 'alhua, huo'o qome da nchoxonnataguec chegoqchigui camayepi, souaxat da aỹem 'aualaxaguet.»

Génesis 12:3

Aỹem sechoxoren qome ca 'am ichoxorenpi, qaq ca 'am saichoxorenpi, qaq nataqa'en saishet da sechoxoren, qaq chegoqchigui qome 'am da 'enauac na nhuo' le'ecpi ana 'alhua da sasaxalec ca ichoxonnataxanaxa.»

Génesis 3:15

Qaq Aỹem, so'ot da 'am, qataq ara 'alo qami' npa'aguenaxau', nache 'ena'am qome ca 'aỹa'alaqpi, qataq ca llalaqpi aramaye. Ca llalaqpi aramaye pigui qome na 'arqaic, qaq 'am 'anaigui qome ana lla'axa.»

Génesis 28:14

Camayepi ỹataqta qalota qome, ivitta'a da 'eeta'am na lsoche na 'alhua, qataq nquictauec qome nache ivira'ague da pa'aigue da sheu', qataq da taguiñi, qataq da nala' lliguisheguem, qataq da nala' lliguiñi, qaq 'enauac qome ca nhuo' le'ecpi ana 'alhua, huo'o qome da nchoxonnataguec chegoqchigui 'am, qataq ca 'am chegoxoguetpi.

Génesis 18:18

cha'aye namaye, nachena na lta'a qome ca qalota ỹotta'a't shiỹaxauapi qataq 'añaxaicpi. Aỹem sachaxanapecot co'ollaxa da namaye chegoqchigui ñaqa'en da saalec da ichoxonnataxanaxa 'enauac na ỹotta'a't shiỹaxauapi, maye huetalec ana 'alhua.

Gálatas 3:24

Na namaxasoxonaxacpi 'eeta'am ca napaxaguenataxanaq da qomi' ỹaueca'agueta da qomi' ỹauegalo So Cristo, yaqto' Ñim Lo'onatac 'Enauacna qomi' ỹaconegueta souaxat da huo'o da qarpi'iỹaxac Ñimaye.

Gálatas 3:13

Qalaxaye So Cristo qomi' nca'alaxateeguesopa dam lta'araic qanhuaxanaguec souaxat da saishet da salaxasoxoguet na namaxasoxonaxacpi. 'Era da 'eetec da qomi' nca'alaxatre'c Somaye. Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹauo'o qome ca nhuaxanaguec cam qaiuaxaata'aguet ca npe'enaxaqui qo'oipaq souaxat da saishet da ỹalaxaguet na namaxasoxonaxacpi.»

Gálatas 3:10

Qaq ỹoqo'oye huetalec da lta'araic lchec nam huotaique da ỹachegoxotchigui da ỹalaxalec na namaxasoxonaxacpi da huotaique da ỹaỹamaxareeta Ñim Lo'onatac 'Enauacna, cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Ỹataqta qauem qome ca talec nam saishet da ỹalaxalec na namaxasoxonaxacpi.»

Gálatas 2:19

Qaq souaxat na namaxasoxonaxacpi, nache aỹem 'eeta'am da seleu. Qalaxaye nagui, ¡aỹem ñeca'alec da yaqto' so'onataxanot Ñim Lo'onatac 'Enauacna!

Romanos 10:4

Qaq Ñimaye saishet da qomi' ỹaỹamaxareete' souaxat da salaxasoxoguet na namaxasoxonaxacpi; cha'aye nagui Ñimaye nda'a't da ỹaconeguet cam huo'o da lpi'iỹaxac So Cristo. Cha'aye So Cristo nacheso so loga't nam namaxasoxonaxacpi.

Juan 5:47

Qalaxaye da qami' saishet da qaua'amaqchiñi dam ỹiyiñi co'ollaxa somaye, qaq ¿ca 'eeteco' da ishet da qaua'amaqchiñi cam shenapec?