Juan 5:40 - La'aqtaqa Ñim Lo'onatac 'Enauacna 2013

⁴⁰ qalaxaye qami' saishet da huotaique da Aỹem qaua'amaqchiñi, da yaqto' qami' taỹoto de'era nca'alaxa maye chochaq tatec.

Nuevo Testamento Toba Sur

⁴⁰ Qalaxayi qami' sa ishit da aÿim qauanaiua'a, da yaqto' qami' taÿoto de'eda nca'alaxa.

Nuevo Testamento Toba Sombrero Negro

⁴⁰ qalaĝaja ami ja jetaque jayem anec'achiya qaedi ami ua'ajopa da'me adec'alaĝaqui.

Juan 5:40 Referans Kwoze

Juan 3:19

Qaq dam 'eetec da Ñim Lo'onatac 'Enauacna nmit 'enauacna: qaq nache 'eetec da Aỹem ñanaỹa ana 'alhua, qaq Aỹem maye Aỹem lcoỹaraqte na napalaxa. Qalaxaye na shiỹaxauapi ye ỹo'otta'ape naua qauema, nache ỹaỹamaxareeta da netaigui na napalaxa saq 'ena'am da yo'oqchiguiñi.

Juan 1:11

Qaq So Na'aqtac anaỹa ana 'alhua, qalaxaye na lauo' le'ecpi saishet da ỹaconeguet.

Juan 6:37

'Enauac nam lca'aguishecpi Ñim Ita'a da yaqto' sauo'o ỹapaxaguenatacpi, namayepi Aỹem naua'a; qaq Aỹem saishet da semaqa'aguet.

Mateo 23:37

¡Qami' shiỹaxauapi maye qoñiitaña na Jerusalén! ¡Qami' shiỹaxauapi maye qoñiitaña na Jerusalén! Qami' qaualauache co'ollaxa so la'aqtaxanaxanecpi Ñim Lo'onatac 'Enauacna qataq so lamaxashecpi maye qami' namaxalo Ñimaye. Aỹem ỹataqta qalota naxa da sauotaique da qami' ñepaxattaleguete da sheeta'am aca 'olgaxa da ltelaxa ca llalaqpi da nqapaxaatalec, qalaxaye qami' saishet da Aỹem qauaqaita'a.

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

Romanos 6:23

Cha'aye cam nachaqrata da ỹo'ottac da ñe'etaxaloxo, nache camaye ỹaconeguet ca nhuaxanaguec, qaq damaye nachera da nleuaxa. Qalaxaye Ñim Lo'onatac 'Enauacna qomi' ỹanema da qanme da nca'alaxa maye chochaq tatec chegoqchigui So Cristo Jesús maye Qarataxala'.

Juan 6:40

Qataq Ñimaye, nshetaique da 'enauac nam ỹamato'ot na Llalec qataq ỹa'amaqten, nache huo'o da lca'alaxa chochaq tatec, qataq Aỹem ñeca'alaxatec qom iviteuga ca pa'atec na'a'q.

Juan 6:27

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Isaías 50:2

¿Ta'ainco' co'ollaq ñevi', nache qaica ca selalec? ¿Ta'ainco' co'ollaq seỹaxan, nache qaica ca ỹasat? ¿Qaupicheetega peta'a da aỹem sañaloua'a da qami' ñeca'alaxatrec? ¿Qaupicheetega peta'a da sa sañoxot da qami' sesore'c? Qamaq aỹem ishet da choche 'oonolec ỹa'aqtac ca san nache deqaqa aso auaxai, qataq ana talapi qalaq ỹe'eguelaxa da toolec 'alhua, yaqto' na nỹaqpi ilem na laquip nache nchega souaxat da qaica ca 'etaxat.

Isaías 49:7

Ñim Nataxala' maye Ca'alaqtaxanaxaic, Ñim Qui'itta natamnaxala' na Israel le'ecpi, 'enapega na shiỹaxauapi maye ỹataqta saq qaiyacnapec, nam lqaigaxat na laỹepi shiỹaxauapi, nam l-latac co'ollaxa nam qaica ca ireetacpi Ñimaye, 'eeta': «Qom 'am ila'a na nta'alpi qataq nam 'amaqtaqaicpi, nache nachaañi qome qataq 'am ỹa'aroto naua l-llecte, cha'aye Aỹem Nataxala', maye Qui'itta natamnaxala' na Israel le'ecpi, 'am lleca'aguishec co'ollaxa, qaq sepacchigui qome nam sachaxanapecpi.»

Salmos 81:11

Qalaxaye ne'ena ỹalamaxat nhuo' le'ecpi saishet da aỹem hua'axaỹa, ¡na Israel le'ecpi saishet da aỹem ỹalaxaguet!

Juan 5:44

Qaq ¡Ca 'eeteco' da qami' Aỹem qaua'amaqchiñi, ye qami' qarqopitaxache da qami' ỹo'oxoreeta'ape na shiỹaxauapi, qaq saishet da ỹo'oxoren Ñim Lo'onatac 'Enauacna maye 'oonolec!

Mateo 22:3

Nache ỹamaq so lamaxashecpi da yaqto' icoyeguen 'enauac som huotaique da ỹalectauo naqa'en se'eso lquia'axac. Qalaxaye som qaicoyeguenpi saishet co'ollaxa da huo'o ca anac.

Juan 5:39

Qami' ỹataqta huo'o da qanaquitaxaqui da qanapaxaguiñeetegalo naua nanettrañi la'aqtaqa Ñim Lo'onatac 'Enauacna, cha'aye qaua'amaqchiñi da nache qoñiitec de'era, nache qami' taỹoto da nca'alaxa maye chochaq tatec. Qalaxaye ne'enaua na'aqtaqa maye nanettrañi, naamaye Aỹem ỹa'axatta'ape,

Juan 5:41

Aỹem saishet da choche ñaquitta'a da Aỹem ỹo'oxoren na shiỹaxauapi.

Juan 10:10

Ca cachaxaic da anac, qalaq camaye nalemaqte' da lcachaxac, lalaataxanaxac qataq delaqtaxan. Aỹem, qalaxaye ñanac, da yaqto' qami' huo'o da qarca'alaqai qataq qaica ca qaviñiỹa'a.