Juan 5:39 - La'aqtaqa Ñim Lo'onatac 'Enauacna 2013

³⁹ Qami' ỹataqta huo'o da qanaquitaxaqui da qanapaxaguiñeetegalo naua nanettrañi la'aqtaqa Ñim Lo'onatac 'Enauacna, cha'aye qaua'amaqchiñi da nache qoñiitec de'era, nache qami' taỹoto da nca'alaxa maye chochaq tatec. Qalaxaye ne'enaua na'aqtaqa maye nanettrañi, naamaye Aỹem ỹa'axatta'ape,

Nuevo Testamento Toba Sur

³⁹ Qami' mayi ÿataqta huo'o da qadhuogoqoi da qanapaxaguiñiitegalo naua nanettrañi l'aqtaqa ñi Dios, cha'ayi huo'o da qanaquitaxaqui da qami' taÿoto da nca'alaxa mayi chochaq tateec. Qamaq ne'enaua n'aqtaqa mayi nanettrañi, naamayi aÿim i'axatta'pe.

Nuevo Testamento Toba Sombrero Negro

³⁹ Da'me ami 'uo da'me adetelaĝaqui nale anapaĝagueñiyalo naa'me nedii's queda'me 'uo da'me adeuataqataĝanaĝaqui qaedi auejomiyalegue ga'me nec'alaĝa jo'ne qaya'te loiquiaqa'. Mate mane'e daa'me daajo' nedii's jo'ne jayem 'yaĝatetedac,

Juan 5:39 Referans Kwoze

Lucas 24:27

Ime, nache So Jesús da'aqtaxanema soomaye 'enauac nam na'aqtaguec Somaye, nam nanettalec ana nere maye huetalec na la'aqtacpi Ñim Lo'onatac 'Enauacna, ỹachegoxottot aso hua'auchiguiñi lereguishe so Moisés, iviraxatta'a asom pa'atec lereguishe som la'aqtaxanaxanecpi Ñim Lo'onatac 'Enauacna.

Lucas 24:44

Qaq co'ollaq ime, nache 'enapegalo soomaye, 'eeta': –De'era souaigui, nachera dam sa'axattac co'ollaq ña qami' soota'agueta: da iuen da ipacchigui qome 'enauac na ña'aqtaguec maye ỹa'axat nam namaxasoxonaxacpi maye ỹiyiñi co'olloxocheye so Moisés qataq naua leregui'she som la'aqtaxanaxanecpi Ñim Lo'onatac 'Enauacna qataq nam no'onecpi le'enaxat Salmos.

Hechos 17:11

Qaq se'eso judiopi maye hueta'a yemaye ỹataqta soxoraicpi, saishet da 'ena'am nam netaña ye Tesalónica. Co'ollaq na'axaỹaxana da no'on na'axaỹaxac maye na'aqtaguec So Jesús, nache ỹataqta lta'araic da ntonaxac. Ỹoqo'oye 'enauaque naua na'axa'te itaxaỹaxaatac ana nere maye huetalec na la'aqtacpi Ñim Lo'onatac 'Enauacna da huotaique da ỹaỹaten da ỹoqta 'eesa de'era qaỹa'axattac.

Mateo 22:29

Nache So Jesús 'enapeco': –Qami' qausomiỹapec, cha'aye saishet da qauaỹachiñi' naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, qataq da la'añaxac Ñimaye.

Isaías 34:16

Ñaq qannachi' qataq qautaxaỹaxañi ana lere Ñim Nataxala': Qaica da huo'otaq 'oonolec qome ca deqaptauec ne'ena shiguiỹacpi, qataq qaica da huo'otaq 'oonolec qome ca qaca aca lhua, cha'aye Ñim Nataxala' maiche lataxac naqa'en damaye, qataq irolec na maiche la'at qom laỹona't namayepi.

Hechos 13:27

Saỹatenaq da nam netaña ye nỹecpi ye Jerusalén qataq nam nataxala'pi saishet da ỹauatton se'eso Jesús. Na'aictaxa da 'enauaque naua mataxaqui' da itaxaỹaxaatrac ana lereguishe so na'aqtaxanaxanecpi, qalaxaye ñaqaiyeta saishet da tagui ye lauel da ana'ana nere ỹa'axattac So Jesús. Qaq ỹoqo'oye damaxasoxoolec da qaỹalauat Somaye, qaq sa ỹaỹaten de'era ỹo'ot, damaye ipacchigui da ỹa'axattac co'ollaxa so na'aqtaxanaxanecpi.

Juan 5:46

Cha'ayectaxa da qami' qaua'amaqchiñi cam 'enapec so Moisés, nache nataqa'en taxa Aỹem qaua'amaqchiñi, cha'aye so Moisés Nachaỹem maye Aỹem ỹiyiñi co'ollaxa.

Jeremías 8:9

Qalaxaye ne'ena ỹaanaxanaxaicpi qaica qome ca la'amaqchec, qataq qaicolanaqchet, 'eeta'am ca shiguiỹac maye nqoishec. Qaq ¿hueta'ague cam laỹaanec, ye saishet da ỹaconegueta naua ỹa'aqtaqa?

Romanos 3:2

¡Aja' nache 'eetec! Cha'aye de'era la'aqtaxanaxac Ñim Lo'onatac 'Enauacna hua'auchiguiñi da qoỹami' co'ollaxa na judiopi.

Marcos 12:10

¿Saishet peta'a da qantooñic dam nanettalec ana nere maye huetalec na la'aqtacpi Ñim Lo'onatac 'Enauacna maye, 'eeta'?: ‹So coma' maye ỹo'otan co'ollaxa, som ỹo'oxootac añi no'onaxanaxaqui late'erai, nacheso nagui som ỹe'eguelaxa da ỹataqta nhuenec da qaỹo'ot ca nỹec.

Apocalipsis 19:10

Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

Romanos 1:2

Ñim Lo'onatac 'Enauacna ỹachaxanapec co'ollaxa da namaq So Llalec. Qaq de'era nache ỹa'axattac so la'aqtaxanaxanecpi maye nanettalec ana nere maye huetalec na la'aqtacpi Ñimaye. De'era no'on na'axaỹaxac ỹa'axat da So Jesucristo anaỹa ana 'alhua, nache chegoxoguet so nta'a David. Qaq So Jesucristo ileu co'ollaxa qalaxaye Ñim Lo'onatac 'Enauacna qaltaq nca'aleeguesop naqa'en da l-leuaxa. Qaq de'era ỹachaxan da So Jesucristo ỹataqta 'añaxaic Llalec Ñim Lo'onatac 'Enauacna.

Hechos 26:27

Qaq 'am ita'a Agripa, ¿'aua'amaqten peta'a da la'aqtaxanaxac som la'aqtaxanaxanecpi Ñim Lo'onatac 'Enauacna? Aỹem saỹaten da 'am 'aua'amaqten.

Juan 7:52

Nache qoỹenapego' somaye, qoỹeeta': –¿'Am peta'a nataqa'en 'am Galilea le'ec? Ña 'anapaxaguenalo naua nanettraleguete ana la'aqtac lmalate Ñim Lo'onatac 'Enauacna, yaqto' ishet da 'auaỹaten da qaica ca la'aqtaxanaxanec Ñimaye da huo'otaq chegoqchiguiña co'ollaxa ye 'alhua Galilea.

Juan 5:32

Qalaxaye sauattoota Ñim Aỹem ỹa'axattac, qaq Aỹem saỹaten da ca 'enapec ñimaye ỹataqta 'eesa.

Salmos 36:9

cha'aye nache 'am hueto'ot da nca'alaxa, qataq na 'are'eraxa ỹo'ot da seloqtaigui na yo'oqchiguiñi.

Deuteronómio 18:18

Qaq Aỹem, sachegoxottoigui qome namayepi ca ỹa'aqtaxanaxanec maye 'am 'eeta'am, qaq camaye nache ỹa'axat qome ca samaxalec ỹa'aqtac da da'aqtaxanem namayepi.

Deuteronómio 18:15

Qaq Ñim Nataxala' maye Qanatamnaxala'ai qami' chegoqtoiguilo naqa'en qome ca la'aqtaxanaxanec da 'eeta'am aỹem, qaq camaye ỹataqta qaualaqaiguet qome.

Juan 5:36

Qalaxaye Aỹem huo'o da ña'aqtaguec maye ỹataqta napacalec da la'aqtaxanaxac so Juan. Cha'aye nam so'ot, nachena na Aỹem ỹamaxalec Ñim Ita'a. Qaq nachena na ỹoqta ichoxot da 'eesa da Aỹem namaq Ñimaye.

Salmos 119:11

Añi iquiyaqte ỹataqta soxotoiguilo naua 'ara'aqtaqa, yaqto' saishet da 'am hueto'ot ca ỹasouaxashet.

Salmos 16:11

Qataq aỹem 'auachaxana da llec da achaalataxac, qataq aỹem nlaqchigui 'anqa'en da ñetonaxac da 'am soota'aguet qataq nache 'eetai' da ỹamaicỹaxac da soota'ague na 'oic.

Lucas 16:31

Qalaxaye so Abraham 'enapeco': «Da saishet da ỹalaxaguet so Moisés qataq som la'aqtaxanaxanecpi Ñim Lo'onatac 'Enauacna, qaq ¡hua'aguectoxo' da ishet da ỹalaxaguet da huo'o ca qaltaq nca'aleeguesop na leuaxaicpi!

Proverbios 6:23

Cha'aye naua namaxasoxonaxaco nachenaua naua ncoỹaraxanaxaqui', qataq naua napaxaguenataxanaxaco naamaye 'ettaiguilo, qataq naua ntelaqtaxanaxaco nachenaua naua ỹo'o't da llec da achaalataxac.

Josué 1:8

Qataq 'avi'eguelaxattalec qome da 'autaxaỹaxa'n naua nanettrañi nqataxaco. Qataq 'añi'iguelaxattrauec qome naua 'ena'ape naamaye ye na'a'q qataq ye pe, yaqto' 'auo'ot na ỹamaxasoxonaxacpi. Qaq yaqto' 'enauac ca 'auacoolecpi da 'auo'ot ỹataqta ỹaỹamaqchiguiñi.

Deuteronómio 32:47

Cha'aye saishet da chocheyetto ne'ena na'aqtacpi, ne'ena nqataxac namaye nca'alaxa, cha'aye chegoqchigui da logoraic da qanachaalataxaqui da qoñiitalec yi'iye 'alhua maye hua'ategue da le'ego ye tala Jordán, maye qaralamaxache qome.»

Hebreos 11:16

Cha'aye da lyaxayec somayepi, huotaique da huo'o ca lalamaxat na'alhua maye ỹataqta no'on hueta'ague da piguem. Qaq ỹoqo'oye Ñim Lo'onatac 'Enauacna saishet da na'aloxootac da ỹamata'ac da llalaqpi somayepi, cha'aye Ñimaye sogote da iqataxaatai' da pa'asheguem cam nỹecpi maye huotaique da lma' somayepi.

Colosenses 3:16

Qataq saishet da qaucoviỹa'ai da llo'oxoye'c naua lapaxaguenataxanaxaco So Cristo. Qataq da qauapaxagueñi ca qarỹai huo'otaq da qaua'añaqchichi qalaq ỹataqta qanaỹaanaxanaqchiñi. Qataq qauo'oñi na no'onecpi maye huetalec ana nere maye huetalec na la'aqtacpi Ñim Lo'onatac 'Enauacna, qataq qauo'oñi' naua no'onqa maye chegoqo'oto So Saqcha'a Na'añaxac Qui'itta, qataq qaỹa'añiitacot da qana'achecỹaxaqui Ñim Lo'onatac 'Enauacna ỹataqta imauec da qarquiyaqteỹaxaqui.

Lucas 16:29

Qalaxaye so Abraham ỹasateguet somaye, 'eeta': «Caua 'arqaỹa't mashe hueto'oto ana nere maye huetalec na la'aqtacpi Ñim Lo'onatac 'Enauacna. Qalaq ¿ta'ainco' da saishet da itaxaỹaxa'n? Qataq ¿ta'ainco' da saishet da ỹalaxagueta?»

Daniel 12:2

Qalota qome cam do'ochetapi maye huetangui aca nhuachiqui, qalaq nlouec qome: qaq huo'o qome ca chochaq tatec da nca'altauec qataq huo'o qome ca nca'alec qalaxaye nque'etaxangui ca chochaq tatec la'agaxa qataq ca qauem.

Juan 1:45

Nache so Felipe jec da nmitaique so Natanael. Nache da'aqtaxanem, 'eeta': –Qomi' mashe ñauanaxai' ñim ỹale maye ỹa'axattac co'ollaxa so Moisés maye huetalec ana lere, ñim nataqa'en ỹa'axatta'aguet co'ollaxa so la'aqtaxanaxanecpi Ñim Lo'onatac 'Enauacna. Ñimaye nacheñi Ñi Jesús, ñim llalec so José maye lma' ye Nazaret.

Isaías 8:20

da yaqto' ỹaconeguet ca napaxaguenataxanaxac huo'otaq ca na'aqtac? Qaq 'era qome da la'aqtac namayepi qalaxaye de'era la'aqtac namayepi choche 'oopashec.

Salmos 21:4

Da 'am iỹaxanot da lca'alaxa, nache 'aỹa'anem, qataq da logoraic achaalataxac maye chochaq tatec.

Salmos 1:2

nacherata da ỹauoteque naua lapaxaguenataxanaxaco Ñim Nataxala', qataq nache deuennataxaatapegueleguete naamaye ye na'a'q qataq ye pe.

Salmos 133:3

Qataq 'eeta'am na sheue da chegaqasheguema añi qasoxonaxa Hermón, da naguiñi nache nvittaña añi qasoxonaxa ye Sión. Cha'aye Ñim Nataxala', namaxa da lchoxonnataxanaxa, qataq da chochaq tatec nca'alaxa.

Hebreos 11:35

Huo'o na 'alpi nataqa'en huo'o da lpi'iỹaxac Ñim Lo'onatac 'Enauacna, ỹoqo'oye Ñimaye ỹo'otec da na llalaqpi maye mashe saqca, ỹe'eguelaxalec da qaltaq nca'alec. Qataq huo'o na ỹataqta lta'araic da lpi'iỹaxac Ñim Lo'onatac 'Enauacna, nache saishet da ỹaỹamaxaren da qaisouec. Nachaqrata da hua'aqta'a da qaỹalauat, cha'aye ỹaỹaten da taỹa'a da qaltaq nca'alec, nache ivira ca achaalataxac maye ỹoqta ỹactec da 'onaxaic.

Deuteronómio 29:29

Nam saqcha'a lataxacpi namayepi lalamaxatpi Ñim Nataxala' maye Qanatamnaxala', qalaxaye nam yo'oqta lataxacpi namayepi qomi' qaỹachaxanalo qome, qataq ca qoyalaqpi, yaqto' sepagaqtelec da so'otaq 'enauac ne'ena na'aqtacpi ne'ena qoỹan nqataxacpi.

Lucas 24:25

Nache So Jesús 'enapeco': –¡Ỹataqta qaico' ca qauaỹaañiỹapec qami', qataq qaỹaloqta da qaua'amaqchiñi 'enauac nam la'aqtaxanaxacpi co'ollaxa som la'aqtaxanaxanecpi Ñim Lo'onatac 'Enauacna!

Juan 5:40

qalaxaye qami' saishet da huotaique da Aỹem qaua'amaqchiñi, da yaqto' qami' taỹoto de'era nca'alaxa maye chochaq tatec.

Marcos 10:3

Nache So Jesús 'enapeco': –¿Negue't ca qami' ỹamaxaleguete co'ollaxa so Moisés?