Juan 5:36 - La'aqtaqa Ñim Lo'onatac 'Enauacna 2013

³⁶ Qalaxaye Aỹem huo'o da ña'aqtaguec maye ỹataqta napacalec da la'aqtaxanaxac so Juan. Cha'aye nam so'ot, nachena na Aỹem ỹamaxalec Ñim Ita'a. Qaq nachena na ỹoqta ichoxot da 'eesa da Aỹem namaq Ñimaye.

Nuevo Testamento Toba Sur

³⁶ Qalaxayi aÿim huo'o da ñi'aqtaguec mayi ÿataqta napacalec da l'aqtaxanaxac so Juan. Cha'ayi nam so'otpi, nachina na aÿim ÿamaxalecpi ñi ita'a. Qaq nachina na ÿoqta ichoxot da 'eesa da aÿim namaq ñimayi.

Nuevo Testamento Toba Sombrero Negro

³⁶ Qalaĝaja 'uo da'me 'naqataĝanaĝac jo'ne yataqachiñe napacalegue da'me 'laqataĝanaĝac ñe'me Juan, nach'eda da'me jo'ne ja'uo; joda'me jo'ne ñe'me Qadet'a jayem nachoĝonaĝanec qaedi je'et, qama'le da'me dojo' jo'ne auañiya yechoĝot da'me yataqatelegue da'me jayem namaĝaquena ñe'me Qadet'a.

Juan 5:36 Referans Kwoze

Juan 10:25

Nache So Jesús 'enapeco': –Mashe ime mque' da qami' sa'aqtaxaateguema, qalaxaye saishet da Aỹem qaua'amaqchiñi. Nam so'ottacpi, namayepi nachena na Aỹem ỹamaxalecpi Ñim Ita'a, qaq nachena nam 'eeta'am da qami' da'aqtaxanema.

Juan 15:24

Qataq namayepi saishettaxa da huo'o ca lasouaxashet, da saishet da huangui ñaqa'en namayepi da so'ot nam saishet da huo'o ca ỹañoxot da ỹo'ot; qaq namayepi sogote da ỹauaachigui ne'ena so'otpi, qalaxaye ñaqaiyeta Aỹem nquiỹa, qataq Ñim Ita'a.

Juan 2:23

So Jesús co'ollaq ñaq hueta'a ye Jerusalén da ỹalectaua'alo soua na'axa'te maye laloxoqui' da qaiuennate so na'a'q maye le'enaxat da Lapascua, nache ỹataqta qalota na ỹa'amaqten Somaye, souaxat da ỹauaachigui na ỹo'otpi na'anecpi maye sa qaỹauanapega.

1 Juan 5:9

Qomi' ỹataqta huo'o naq 'enec ñaqa'enaq da la'aqtaxanaxac na shiỹaxauapi, qalaxaye ỹactec ñaqa'enaq da lyac da la'aqtac Ñim Lo'onatac 'Enauacna, cha'aye damaye ỹa'axattac da 'eetec So Llalec.

Juan 3:2

Se'eso Nicodemo huo'o so pe, nache somaye nqo'ona So Jesús. Nache 'enapega, 'eeta': –'Am Napaxaguenataxanaq, qomi' saỹaanaq da 'am namaq Ñim Lo'onatac 'Enauacna da qomi' 'auapaxague'n. Cha'aye qaica ca ishet da ỹo'ot na 'auo'otpi na'anec maye sa qaỹauanapega. Nachaqcata cam hueta'aguet Ñim Lo'onatac 'Enauacna.

Juan 3:17

Ñim Lo'onatac 'Enauacna saishet da namaxa na Llalec ana 'alhua, da yaqto' ỹauo'o ca nhuaxanaguec na shiỹaxauapi. Nachaqrata da nca'alaxatec, chegoqchigui Namaye.

Mateo 11:4

Nache So Jesús 'enapeco': –Qavi'iguelaqai, qaua'aqtaxañim ca Juan 'enauac nam qaua'aqaichigui qataq nam qauauañiichigui:

Hechos 2:22

Qaq ỹoqo'oye qami' Israel le'ecpi, qana'axaỹaxañiỹa da ỹa'aqtac, 'eeta': So Jesús maye Nazaret le'ec, Somaye ỹataqta qaỹaỹateeta da 'eesa lamaxashec Ñim Lo'onatac 'Enauacna. Qaq qami' qauauañiichigui co'ollaq Somaye ỹo'ot nam ỹo'ot da na'aalaxa qataq nam sa qaỹauanapega qataq nam na'anecpi maye qami' huanguilo da ỹo'ot naqa'en Somaye Ñim Lo'onatac 'Enauacna. Qaq qami' mashe sogote da qauaỹaañita damaye.

Juan 5:32

Qalaxaye sauattoota Ñim Aỹem ỹa'axattac, qaq Aỹem saỹaten da ca 'enapec ñimaye ỹataqta 'eesa.

Juan 4:34

Qalaxaye So Jesús 'enapeco': –Dam anoq, nachera da 'eetapeguec Ñim Aỹem namaq qataq da yaqto' semat da lo'onataxanaxac.

Juan 17:4

Qaq Aỹem ỹataqta 'am sho'oxoreetac nagui da soota'a ana 'alhua, cha'aye ỹataqta sematta da Aỹem 'auamaxalec da so'ot.

Juan 11:37

Qalaxaye huo'o na laỹepi 'eeta': –De'era ỹale, ishet da co'ollaxa da nauaañi naqa'en so qanamaic, qalaq ¿taloxocheyectoxo' da saq huo'o ca 'eetec damaye, da yaqto' sa ipaca'aguet naqa'en da l-leuaxa ye Lázaro?

Lucas 2:49

Qalaxaye So Jesús ỹasategueto', 'eeta': –¿Ta'ainco' ye Aỹem qanmichiitaique? ¿Sa qauaỹaañiỹo' peta'a da Aỹem iuen da soota'a na lma' Ñim Ita'a?