Juan 5:34 - La'aqtaqa Ñim Lo'onatac 'Enauacna 2013

^34-35 Da lapaxaguenataxanaxac so Juan, damaye ỹataqta 'onaxaic, 'eeta'am na le'eraxa aca ncoỹaraxanaxaqui da 'ettaigui da huetaigui na napalaxa, qaq qami' ỹataqta sa qaỹauec da qantonaxaqui co'ollaq qaua'aqaichigui. Qalaxaye Aỹem saishet da seuen da huo'o ca no'on ltaxaỹaxac ca yo'oqchigui shiỹaxaua da Aỹem detaqlec. Sa'axattac so Juan da yaqto' qami' qaua'amqaanataxañi, yaqto' Ñim Lo'onatac 'Enauacna qami' nca'alaxatre'c.

Nuevo Testamento Toba Sur

³⁴ Qalaxayi aÿim sa ishit da chochi sootapeguelec ca l'aqtaxanaxac ca shiÿaxaua da huo'otaq aÿim i'axattac. Qaq shinapec de'eda, yaqto' qami' ishit da qadca'alliiuec.

Nuevo Testamento Toba Sombrero Negro

³⁴ Qalaĝaja jayem ja jouetaque ta'le jaconeguet gamachaqaega 'laqataĝanaĝac joga'me jo'ne ch'e jiyaĝaua; onolec da'me dojo' ja'aĝatetac qaedi da'me ami ua'ajopa da'me nec'alaĝa.

Juan 5:34 Referans Kwoze

1 Juan 5:9

Qomi' ỹataqta huo'o naq 'enec ñaqa'enaq da la'aqtaxanaxac na shiỹaxauapi, qalaxaye ỹactec ñaqa'enaq da lyac da la'aqtac Ñim Lo'onatac 'Enauacna, cha'aye damaye ỹa'axattac da 'eetec So Llalec.

Juan 20:31

Qalaxaye de'era qoỹiyiñi, damaye qoỹiyiñi, yaqto' qami' ishet da qaua'amaqchiñi da So Jesús, nacheso Som Lca'aguishec Ñim Lo'onatac 'Enauacna maye maiche Llalec, qataq yaqto' qami' ishet da huo'o da qarca'alaqai chochaq tatec da qaua'amaqchiñi Somaye.

1 Timoteo 4:16

Qataq 'am Timoteo, ỹataqta 'antela'a da 'arataxac, qataq 'alotegue da 'arapaxaguenataxanaxac. Ỹataqta qoqueto'ot de'era sheetega, cha'aye da 'auo'ot damaye, nache ỹataqta 'avira'aguet da 'am qanca'alaxatec qataq 'enauac na 'am na'axaỹaxaatega.

1 Corintios 9:22

Qataq naxa da sootaigui na saxanaxa da da'añi da lpi'iỹaxac, nache se'enaxat da lataxac. Yaqto' ishet nataqa'en da setauan namayepi. Qataq 'era da sheetec da ỹataqta ñacoola't da se'enaxatchigui da lataxac ñi 'oonolec na ỹotta'a't shiỹaxauapi, yaqto' ishet da qanca'alaxatec namayepi.

Romanos 10:1

Qami' ỹaqaỹa't maye qaua'amaqchiñiitac So Cristo, ỹataqta imauec da iquiyaqteỹaxac da huo'o da iyaxa qataq ñeqouagaxaueetacot Ñim Lo'onatac 'Enauacna da Ñimaye nca'alaxateeguesop da nhuaxanaguec na Israel le'ecpi.

Romanos 3:3

Qalaxaye ¿hua'ague ca 'eetec namayepi da huo'otaq sa ipaguelec de'era na'aqtac? Qaq ¿peta'a Ñim Lo'onatac 'Enauacna nache ỹaxaañi da saishet da ipaguelec da la'aqtac?

Juan 8:54

Nache So Jesús 'enapegalo' soomaye 'eeta': –Da Aỹem maiche ño'oxoreetapeguela't, nache de'era ño'oxonnaxac, damaye qaica ca naigui. Qalaxaye Ñim Aỹem ỹo'oxoreetac, nacheñi Ñim Ita'a Ñim qami' qaupicheetega nataqa'en da Qarta'ai.

Juan 5:41

Aỹem saishet da choche ñaquitta'a da Aỹem ỹo'oxoren na shiỹaxauapi.

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Romanos 12:21

Saishet da 'aua'aqta'a da 'am loxonec ca qauem. Nachaqrata da 'oxonec ca qauem, qalaxaye 'arolec ca ỹaỹamaqchiguiñi.

Romanos 10:21

Qataq co'ollaq detaxaỹa na Israel le'ecpi Ñim Lo'onatac 'Enauacna ỹachegoxotchigui so la'aqtaxanaxanec Isaías, qalaq 'eeta': «Ỹataqta ima ye na'a'q da sachaxaatacot da itaunaxanaxac nam shiỹaxauapi maye qaramchigui qataq sa ỹalaq.»

Lucas 19:10

Cha'aye Aỹem Shiỹaxaua Llalec, ñanac da ñimitaique qataq ñeca'alaxatec nam shiỹaxauapi maye qaỹoqtaique naqa'en Ñim Lo'onatac 'Enauacna.

Lucas 13:34

¡Ỹataqta qauem da qauo'oche qami' maye qoñiitaña ye Jerusalén, cha'aye qaualauache som la'aqtaxanaxanecpi Ñim Lo'onatac 'Enauacna, qataq qauasaqaitalec na coma' som lamaxashecpi maye qami' namaxalo Ñimaye! ¡Ỹataqta huo'o naxa da iyaxa da llaỹona't na 'aỹa'alaqpi, da sheeta'am aca 'olgaxa da nqapaxaalec ca llalaqpiolec, qalaq qami' saishet da qanashiñi!

Juan 5:32

Qalaxaye sauattoota Ñim Aỹem ỹa'axattac, qaq Aỹem saỹaten da ca 'enapec ñimaye ỹataqta 'eesa.