Juan 5:30 - La'aqtaqa Ñim Lo'onatac 'Enauacna 2013

³⁰ Aỹem saishet da maiche ñerotelec da huo'o ca so'ot. Ñim Ita'a maye Aỹem namaq, Ñimaye Aỹem da'aqtaxanem da lataxac da ñimit 'enauac na shiỹaxauapi. Ỹoqo'oye da huo'o ca ñimit qalaq ỹaỹamaqchiguiñi, cha'aye saishet da so'ot ca maiche sheetapeguec, nachaqrata da ỹataqta salaxaguet Ñim Ita'a.

Nuevo Testamento Toba Sur

³⁰ Aÿim sa ishit da maichi aÿim chigoqchigui da huo'otaq huo'o ca so'ot. Cha'ayi da huo'otaq so'ot ca lasouaxashit ca shiÿaxaua, qalaq aÿim selotelec ca ñi'aqtac, nachi sa ishit da depe'enaxan cam so'ot. Cha'ayi aÿim sa ishit da so'ot cam maichi shiitapeguec, cha'ayi chaqcata ca 'eetapeguec ñi ita'a mayi aÿim namaq, nachica so'ot.

Nuevo Testamento Toba Sombrero Negro

³⁰ “Jayem ja jaqanatet ta'le ja'uo ga'me jo'ne mach'e yelnataĝac, dite ga'me jo'ne jayem yamaĝalegue ñe'me Taĝadena'. Chane'eja nach'e ena'am nalo'taguet da'me mach'e yec'atenaĝanaĝac, qa'a ja ja'aĝatetac da'me ja'uo ga'me jo'ne mach'e yelnataĝac, dite ga'me jo'ne lelnataĝac joñe'me Taĝadena', joñe'me jo'ne jayem namaĝaquena.

Juan 5:30 Referans Kwoze

Juan 6:38

Cha'aye Aỹem saishet da sachegoqtot na piguem da ñanac da so'ot ca maiche sheetapeguec, chaqrata da ñanac da so'ot ca 'eetapeguec Ñim Lo'onatac 'Enauacna, cha'aye nacheñi Ñim Aỹem namaq.

Juan 5:19

Nache So Jesús 'enapega somayepi, 'eeta': –Ỹataqta 'eesa de'era qami' sa'axatema, da ne'ena Llalec Ñim Lo'onatac 'Enauacna, namaye saishet da huo'o ca ỹo'ot da huo'otaq maiche ndotelec, cha'aye namaye ỹo'ot cam ỹauaachigui da ỹo'ot Ñim Lta'a. Qaq ỹoqo'oye 'enauac nam ỹo'otpi Ñim Ita'a, qaq nataqa'en Aỹem so'ot.

Juan 4:34

Qalaxaye So Jesús 'enapeco': –Dam anoq, nachera da 'eetapeguec Ñim Aỹem namaq qataq da yaqto' semat da lo'onataxanaxac.

Juan 14:10

Qataq ¿saisheto' peta'a da 'aua'amaqten da Ñim Ita'a qataq Aỹem da 'oonolec da qarataxac? Naua ỹa'aqtaqa maye ñasaxarec, naamaye saishet da maiche ñallegoxottela't. Aỹem nachaqrata da so'ot ca Aỹem ỹamaxalec Ñim Ita'a, qaq Ñimaye ỹo'ot ca maiche 'eetapeguec ỹachegoxotchigui Aỹem.

Mateo 26:39

Nache So Jesús taỹa ca qaỹata'a soomaye, nache ỹa'alyiñi naua l-llectel qataq iviraxata'aguet na latap na 'alhua, nache nqouagaxaunot Ñim Lo'onatac 'Enauacna, 'eeta': «'Am Ita'a, ¡ỹataqta huo'o da iyaxa da Aỹem 'antelaqna'aguet de'era que'eenaxac! Qalaxaye saishet da ipacchigui qome da maiche sheetapeguec, nachaqrata dam maiche qonetapeguec.»

Juan 8:28

Ỹoqo'oye So Jesús 'enapego' somayepi, 'eeta': –Qami' qom ivita da qanauaxaỹaxañiisheguem na Shiỹaxaua Llalec, nache huaña, qaq ishet da qauaỹaañi chaq negue't Aỹem, qataq saishet da maiche ñallegoxottela't ca so'ot, nachaqrata da Aỹem sa'axat cam Aỹem ỹapaxaguenec Ñim Ita'a.

Romanos 15:3

Cha'aye ivira'a So Cristo da saishet co'ollaxa da iuennatega da 'oonolec da nachaqsota da qaỹaỹamaxareeta. Cha'aye da la'aqtac Ñim Lo'onatac 'Enauacna maye nanettalec ana nere maye huetalec na la'aqtacpi Ñimaye, 'eeta': «Da lsheunaxanaxac nam 'am isheueetac 'enauac Aỹem talec.»

Juan 8:50

Aỹem saishet da ñeshetaique da Aỹem qaỹo'oxoren, qalaxaye huo'o Ñim nshetaique da Aỹem qaỹo'oxoren, qaq nacheñi Ñim ỹaỹaten da naua iuennataxaco da ỹataqta 'eesora.

Juan 8:42

Nache So Jesús 'enapega somayepi, 'eeta': –Da ỹoqta 'eesactaxa da Qarta'ai Ñim Lo'onatac 'Enauacna, nache qami'ctaxa ỹataqta Aỹem qauauochec. Cha'aye Aỹem nache sachegoqtot Ñimaye. Aỹem saishet da maiche ñallegoxottela't da ñanac, cha'aye Ñim Lo'onatac 'Enauacna maye Aỹem namaq.

Juan 17:4

Qaq Aỹem ỹataqta 'am sho'oxoreetac nagui da soota'a ana 'alhua, cha'aye ỹataqta sematta da Aỹem 'auamaxalec da so'ot.

Salmos 96:13

Qauo'onaxañiitac qome cha'aye mashe anacta Ñim Nataxala', Ñimaye mashe anacta da nmit qome ana 'alhua, nache irolec da nalochiguiñi lataxac da nmit ana 'alhua, qataq da 'eesa lataxac da yaqto' nmit na nhuo' le'ecpi.

Juan 18:11

Qalaxaye So Jesús 'enapego' so Pedro, 'eeta': –'Avi'eguelaxaañi na 'ainec, 'anshiiñi. Ñim Ita'a da Aỹem ipagaqaana'aguet da ñeque'eenaxac maye 'eeta'am da qanỹomigui ca deshenataxan, qaq ¿peta'a saisheto' da saigui damaxa?

Génesis 18:25

¡'Am saishet da 'auo'ot de'era da 'aualauat cam qaica ca ỹasouaxat, da cañe' 'anqa'en cam huo'o ca lasouaxashet, da 'eco' 'eeta'a't caua dos da huo'o ca lasouaxashe't! ¡Saishet qome da 'auo'ot de'era! cha'aye 'Am maye 'am 'amaqtaqaic da 'anmit 'enauac ana 'alhua, ¿qaq peta'a saishet da 'auo'ot cam nalochiguiñi lataxac?»

Romanos 2:5

Qalaxaye da, nache qoquiito'ot da sa qaualaqai, qataq da saishet da qanaralaxache da qarataxaqui, nache Ñim Lo'onatac 'Enauacna, ỹauo'o ca qanque'eenaxaqui ỹataqta ỹactec. Qaq anata ca na'a'q, qom Ñim Lo'onatac 'Enauacna nmit 'enauac na shiỹaxauapi, nache ỹauo'o qome ca qanhuaxanaguiiqui.

Romanos 2:2

na'aictaxa da saỹatenaq da Ñim Lo'onatac 'Enauacna da nmit na lasouaxashetpi 'enauac na shiỹaxauapi, nache saishet da sa iqatchigui.

Isaías 28:6

qaq ỹanem qome da nalochiguiñi da lo'onataxanaxac ca nmit na nasouaxashetpi, qataq ỹanem da la'añaxac cam alleppi maye npaxaalec ye huaqta'a't nỹecpi.

Sofonías 3:15

Cha'aye Ñim Nataxala' mashe ỹa'axaneguet da 'am nmittac, qataq mashe ỹo'orauec so 'ampa'aguenaxauapi. Ñim Nataxala', maye Nta'a na Israel, Ñimaye qami' netanguilo: qaq ỹoqo'oye saishet qome da 'añe'etaique ca camachaqca qauem.