Juan 5:28 - La'aqtaqa Ñim Lo'onatac 'Enauacna 2013

²⁸ Qaq saishet qome da qami' ỹe'elaqche't de'era qami' sa'aqtaxanema, cha'aye ivita ca na'a'q qome da nataqa'en na leuaxaicpi, hua'axaỹa da ivilỹaxac,

Nuevo Testamento Toba Sur

²⁸ Qaq sa ishit qome da qau'aalaic de'eda, cha'ayi huo'o qome ca laloqo' da 'enauac na leuaxaicpi, da hua'axaÿa da lavilÿaxac namayi,

Nuevo Testamento Toba Sombrero Negro

²⁸ Ena'te aloualiya'a da'me dojo': queda'me novitena qomle ga'me nolo' da'me ena'uaque jodia'me joote yele'u domachita da'me yajamaĝa

Juan 5:28 Referans Kwoze

Apocalipsis 20:12

Nache sela'a 'enauac nam ileu co'ollaxa nam qaica ca la'amaqchec qataq na 'añaxaicpi, nachattaua'a aso so'onaxaqui. Huaña, nache qaỹauachigui aso nerepi maye nanettalec nam ỹo'ot ñim 'oonolec shiỹaxaua. Nataqa'en qaỹauachigui aso lỹa nere maye naneraxalate nam qanca'alaxatec qataq chochaq tatec da hueta'aguet Ñim Lo'onatac 'Enauacna. Qaq nam leuaxaicpi qanmit ñi 'oonolec qaipagaqchiichigui nam ỹo'otpi maye nanettalec asa'aso nerepi.

Isaías 26:19

Qalaxaye so 'aralamaxatpi maye ileu, somayepi qaltaq nca'alec qome, so mashe qailareñi qalaq ỹoltaq nca'alec qome, qaq nam do'ochetapi maye huetaigui ana 'alhua qalaq nlouec qome nache ỹa'alaqtagui souaxat da ntonaxac, cha'aye 'am 'anamaxa qome ca 'arcoỹaraxanaxac 'eeta'am 'anqa'en na 'aỹa ye nte'etom, nache nam leuaxaicpi chegoqtoigui qome ana 'alhua da qaltaq nachaañi.

Filipenses 3:21

Qaq Somaye naralaxat qome da qaro'ocỹaxac maye qaica ca la'añaxac, da yaqto' 'eeta'am naqa'en dam lo'ocỹaxac maye ỹo'oxoraq. Qaq damaye ỹachegoxotchigui da la'añaxac maye nachera da do'onataxana qome da ilo'ogue 'enauacna.

1 Corintios 15:22

Qaq 'enauac na shiỹaxauapi ileu 'eeta'am da l-leuaxa so Adán, qaq nache 'eetec nataqa'en da chegoqchigui So Cristo da ishet da 'enauac da ỹe'eguelaxalec da nca'alec na shiỹaxauapi.

Oseas 13:14

Qaq namayepi, ¿peta'a ñeca'alaxateeguesop qome da la'añaxac añi huachiqui? Qataq ¿peta'a ñeca'alaxateeguesop qome da nleuaxa? Qaq 'am nleuaxa ¿Hueta'ague ca 'ara'añaxac? 'Am huachiqui ¿Hueta'ague cam qauem 'aro'onataxanaxac? ¡Aỹem saishet da sechoxoreetac qome ne'ena shiỹaxauapi!

Juan 3:7

Saishet da 'are'elaqchet de'era 'am sa'axattapeguem, da 'enauac na shiỹaxauapi iuen da taigui da dalaxaic nañoxoc.

Juan 5:20

Ñimaye ỹataqta Aỹem ỹauotec, ỹoqo'oye Aỹem ỹachaxana nam ỹo'otpi. Qataq Aỹem ỹachaxana na lta'araic ỹo'otpi, nam qami' ỹo'oteque da lta'araic da qara'aalaqai.

Juan 4:21

Nache So Jesús 'enapeco': –'Am 'alo, Aỹem 'aua'amaqten nagui, ten anacta ca na'a'q da qami' saishet da iuen da qanqo'oñiisheguemec añi qaỹoqotcheguemec 'alhua, huo'otaq da qanqo'oñiỹa ye Jerusalén, da qavio'oxoyiñi Ñim Lo'onatac 'Enauacna.

Hechos 3:12

Nache so Pedro co'ollaq ila'a de'era nqochoxo, nache 'enapego' so shiỹaxauapi, 'eeta': –Qami' Israel le'ecpi, ¿chaq ta'ainco' ye ỹapactec da qarqochoqoi? ¿Ta'ainco' da qomi' qauloito'oto, 'ena'amo' da nacheqomi' da ñatarenaq de'era ỹale, huo'otaq da maiche qara'añaxac da seroxolec damaye da yaqto' queuoỹapigui'?

Daniel 12:2

Qalota qome cam do'ochetapi maye huetangui aca nhuachiqui, qalaq nlouec qome: qaq huo'o qome ca chochaq tatec da nca'altauec qataq huo'o qome ca nca'alec qalaxaye nque'etaxangui ca chochaq tatec la'agaxa qataq ca qauem.

Juan 4:23

Ñim Lo'onatac 'Enauacna saqcha'a, ỹoqo'oye cam ỹo'oxoren Ñimaye qalaq iuen da chegoqchigui da ltaunaxanaxac So Saqcha'a La'añaxac Ñimaye. Yaqto' da ỹo'oxoren qalaq ipacchigui da lataxac maye ỹaỹamaxareeta Ñimaye. Mashe nayeetai' ca laloqo' da nam ỹo'oxoren Ñim Lo'onatac 'Enauacna maye Nta'a, ipagaqchiichigui dam ỹataqta lataxac da qaỹo'oxoren Ñimaye, chegoqchigui da ltaunaxanaxac som saqcha'a la'añaxac, cha'aye Ñim Nta'a huotaique da, nache 'eetec da qaỹo'oxoren. Qaq yi'iye laloqo' mashe ivita.

Juan 5:25

Qaq huo'o nataqa'en da ỹataqta 'eesa 'eeta': nagui nam ỹataqta qaỹoqta naqa'en Ñim Lo'onatac 'Enauacna, Aỹem hua'aqtague', Aỹem maye Aỹem Llalec Ñimaye. Qaq da ỹalaxalec 'enauac nam shenapec, nache huo'o ca lca'alaxa chochaq tatec.

Hechos 24:15

Qataq nache shena'am namayepi dam qanaquitaxac Ñim Lo'onatac 'Enauacna da na leuaxaicpi ishet da qaltaq nca'alec naqa'en, cam no'on da lataxac qataq cam qauem da lataxac.