Juan 5:23 - La'aqtaqa Ñim Lo'onatac 'Enauacna 2013

²³ yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.

Nuevo Testamento Toba Sur

²³ yaqto' 'enauac na shiÿaxauapi ishit da ÿi'oxoden na llalec, 'eeta'am naq'en da 'eetec da ÿi'oxoden ñi lta'a. Qaq cam sa ishit da ÿi'oxoden na llalec, qaq camayi sa ishit nataq'en da ÿi'oxoden ñim lta'a mayi namaq namayi.

Nuevo Testamento Toba Sombrero Negro

²³ qaedi yema jayem qo'nonaĝachigui, da'me nach'e ena'am qo'nonaĝachigui da'me jo'ne yanem joñe'me Taĝadena'. Qa'a joga'me jo'ne ja jayem 'te 'nonaĝachichigui, nach'e ena'am ja 'nonaĝachichigui ñe'me Taĝadena', joñe'me jo'ne nach'eñe 'me jayem namaĝaquena.

Juan 5:23 Referans Kwoze

1 Juan 2:23

Camachaqca da sa ỹaconeguet Som Ñalec, nache nataqa'en sa ỹaconeguet Ñim Nta'a. Qaq cam ỹaconeguet Som Ñalec, nache nataqa'en ỹaconeguet Ñim Nta'a.

Lucas 10:16

Ime, nache So Jesús 'enapegalo soua lapaxaguenataqa, 'eeta': «Camachaqca ca qami' na'axaỹaxanalo, qaq nache Aỹem maye Aỹem na'axaỹaxana. Qaq cam sa qami' ỹaconegueta, qaq nache Aỹem maye saq Aỹem ỹaconeguet; qaq cam saq Aỹem ỹaconeguet, qaq nacheñi Ñim Lo'onatac 'Enauacna maye sa ỹaconeguet Ñim Aỹem namaq.»

2 Juan 1:9

Da saishet da qoquiitegue nam qami' ỹapaxagueneque So Cristo, nache Ñim Lo'onatac 'Enauacna saishet da qami' hueta'agueta. Qalaxaye da qana'añaxacheetec dam qami' ỹapaxagueneque Ñimaye, nache Ñim Lo'onatac 'Enauacna maye Nta'a qataq So Llalec nache 'eetai' da qami' hueta'agueta.

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

Hebreos 1:6

Qaq co'ollaq namaxalec ana 'alhua So Llalec, nache 'enapeco': «'Enauac nam ỹamaxashecpi piguem le'ecpi ỹo'oxoren qome Somaye.»

Efesios 6:24

Qaq Ñim Lo'onatac 'Enauacna, ỹanem qome ca no'on 'enauac nam saishet da ỹalat da lauoche So Qarataxala' Jesucristo.

2 Pedro 3:18

Nachaqrata da qauaqaita'a da nsoxoyec qataq da nauattonaxanaxac maye qomi' ỹanema So Qarataxala' qataq Qarca'alaxaqui Jesucristo da qami' itauneque da qaviyiỹa'a da ỹataqta no'on da qara'amqaanataxanaxaqui. ¡Qaq da qayo'oxonnataxanaxac So Jesucristo, damaye chochaq tatec qome! Aja', nache 'eetec.

Romanos 8:9

Qalaxaye da So Saqcha'a La'añaxac Ñim Lo'onatac 'Enauacna da qami' hueta'agueta, nache qami' saishet da qoquiito'ot nam qauem qarqopitaxanaqtaiqui, nachaqrata da qaualaqaiguet So Saqcha'a La'añaxac Ñim Lo'onatac 'Enauacna. Ca saishet da hueto'ot So Saqcha'a La'añaxac So Cristo, nache camaye saishet da na'attaua'a Somaye.

1 Corintios 10:31

Qaq da huo'otaq qauqui'i, huo'otaq qanỹomi, huo'otaq huo'o ca lỹa qauo'oche, qaq no'on da qaỹa'añiitoigui 'enauac da qayo'oxonnataxanaxaqui Ñim Lo'onatac 'Enauacna.

Romanos 6:22

Qalaxaye nagui mashe saishet da qami' l-lataqa da ñe'etaxaloxo. Nagui mashe qauo'onataxañiitacot Ñim Lo'onatac 'Enauacna. Qaq damaye ỹataqta 'onaxaic, cha'aye da 'oonolec Ñim Lo'onatac 'Enauacna da qauo'onataxañiitacot, nache ỹataqta 'itchiguiñi da qauacoñiiguet ca achaalataxac maye chochaq tatec.

Juan 16:14

Nataqa'en qami' ỹaỹaanaxanaxaneque 'enauac da sheeta, cha'aye Aỹem ỹo'oxoreetac.

1 Corintios 6:19

Da qaro'ocỹaxaqui 'eeta'am aca no'onaxanaxaqui, qaq aca'aca no'onaxanaxaqui netaigui So Saqcha'a Na'añaxac Qui'itta maye qami' ỹanema Ñim Lo'onatac 'Enauacna. Qaq da qaro'ocỹaxaqui saishet da maiche qaralamaxache.

Mateo 12:21

¡Nache 'enauac nam ỹotta'a't shiỹaxauapi maye huetalec ana 'alhua ỹataqta huo'o da naquitaxac namaye!»

2 Timoteo 1:12

Qaq nachera da huo'omshe huo'o de'era ñeque'eenaxac nagui. Qalaxaye saishet da ñecoqtac souaxat nam sevireguetpi, cha'aye aỹem saỹateeta Ñim hueto'ot de'era ñaquitaxac. Qataq saỹateeta Ñimaye da huo'o da la'añaxac da ỹo'ot da nache queta da qaỹa'axattac da no'on na'axaỹaxac, choche ivitta'a ca loga't ana 'alhua.

2 Corintios 1:9

Mashe sanomaqta da shenaqta'am ca ỹaguec na lasouaxashet da taỹa'a qanqa'en da nalaataguec. Qalaxaye damaye qomi' ỹapaxagueneque da saishet da maiche ñipi'iỹaqteguela't, nachaqrata da sepi'iỹaqa'a Ñim Lo'onatac 'Enauacna, Ñim ishet da na leuaxaicpi ỹe'eguelaxa naqa'en da nca'alec.

Juan 14:1

Saishet da huo'o ca tatapigui qarvilli. Nachaqrata da qaupi'iỹa'ai Ñim Lo'onatac 'Enauacna, nataqa'en Aỹem.

Mateo 10:37

Ca ỹactec da ỹauotec ca lta'a, huo'otaq aca late'e, da saq 'ena'am naqa'en Aỹem da lauoche, huo'otaq cam ỹactec da ỹauotec ca llalec, huo'otaq aca llale, da saq 'ena'am naqa'en Aỹem da lauoche, nache camaye saishet da ỹalamaxat.

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Isaías 45:21

Ña qaua'aqtaxañi qataq qauachaxañi cam ỹo'ot da 'eesa de'era, qana'aqtaxañiỹa't ñi 'oonolec na'aqtaxane' ca lỹa. ¿Negue't ca ỹa'axatta'a co'ollaxa de'era? qataq ¿Negue't cam ỹa'axatta'aguet co'ollaxa de'era soua hua'au' vi'iye? ¿Saisheto' da nachaỹem, Aỹem Nataxala'? Qaq qaica ca lỹa Atamnaxala', maye huegaxanaxaic qataq ca'alaqtaxanaxaic.

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

2 Corintios 5:14

Da lsoxoyec So Cristo nachera da qomi' ỹauecta'agueta, cha'aye qomi' saỹaanaqta da 'oonolec so ileualec 'enauac na shiỹaxauapi, qaq ỹoqo'oye 'enauac na shiỹaxauapi 'eeta'am nataqa'en da ileu.

1 Corintios 16:22

Da huo'o ca saishet da ỹauotec So Qarataxala' Jesucristo, nache Ñim Lo'onatac 'Enauacna talec naqa'en ca qauem. ¡'Am Qarataxala', saqaỹaloq qome da 'añe'eguelaq!

Romanos 15:12

Nataqa'en so na'aqtaxanaxanec le'enaxat Isaías ỹiyiñi da la'aqtac Ñim Lo'onatac 'Enauacna, 'eeta': «'Oonolec qome ca chegoxoguet ñi Jesé da nachaañi qataq huo'o da la'añaxac. Camaye ilo'ogue qome na ỹotta'a't shiỹaxauapi; nache namayepi 'oonolec da pe'etega camaye.»

Romanos 1:7

Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi Ñimaye. Qaq aỹem seỹaxanot Ñim Lo'onatac 'Enauacna maye Qarta'a qataq So Qarataxala' Jesucristo da qami' ỹachaxanalo da lsoxoyec qataq qami' ỹanema da l-lagaxayec.

Juan 17:10

Cha'aye 'enauac nam ỹalamaxatpi, namayepi 'aralamaxatpi, qaq nam 'aralamaxatpi, namayepi nataqa'en ỹalamaxatpi. Nache 'enauac de'era ỹachaxan da ỹa'amaqchec qataq da ỹa'añaxac.

Mateo 28:19

Qaq ỹoqo'oye nagui qami' qanqo'oñiỹa qome na ỹotta'a't shiỹaxauapi 'enauac ana 'alhua da qanquigaxachiiuec na ỹapaxaguenatacpi. Qauachelaxanataxañiỹa qome da le'enaxat ñi Qarta'a, qataq na Llalec, qataq So Saqcha'a Na'añaxac Qui'itta.

Isaías 44:6

Ñim Nataxala', maye Lta'a qataq lca'alaxaqui so Israel, Ñim Nataxala' maye Qaica ca Ỹaqalanapec, 'eeta': «Aỹem nachaỹem sa'auchiguiñi qataq sepa'atec, qaica ca lỹa atamnaxala'.

Isaías 42:8

Aỹem, nachaỹem Nataxala', 'era da ỹe'enaxat, saishet da qaỹa'añim da ỹo'oxoyec ca camachaqca, qataq da qavio'oxoreñi ca lỹa atamnaxala', da nmeneguet qanqa'eñi Aỹem.

2 Pedro 1:1

Aỹem, Simón Pedro, so'onataxaatacot So Jesucristo, Som aỹem ỹamaq da sa'axatec da la'aqtaxanaxac. Qauacoñiiguet da iquinaxanaxac. So Jesucristo maye ñatamnaqtacot qataq Qarca'alaxaqui, Somaye ỹataqta no'on da lataxac qataq ichoxoren 'enauac da qoñiita, cha'aye qami' ỹo'oteque da qaupi'iỹa'ai Somaye 'eeta'am da qomi' ỹo'oteque da sepi'iỹaqa'a Somaye.

Isaías 45:15

Qaq 'Am Atamnaxala', ỹoqta 'eesa da 'am saqcha'a, 'Am Atamnaxala' maye 'am lca'alaxaqui na Israel le'ecpi.

Mateo 15:8

‹Ne'ena shiỹaxauapi 'eetega da Aỹem ỹalaxaguet, qalaxaye da lquiyaqteỹaxac ỹataqta qaỹoqta naqa'en Aỹem.