Juan 5:22 - La'aqtaqa Ñim Lo'onatac 'Enauacna 2013

²² Qataq Ñi Ita'a, saishet da nmit na shiỹaxauapi, chaqrata da ỹanem na Llalec 'enauac da la'añaxac da nmit namayepi,

Nuevo Testamento Toba Sur

²² Qataq ñi ita'a, ñimayi sa ishit da huo'o ca ÿauo'o ca nhuaxanaguec, chaqdata da ÿanem na llalec 'enauac da l'añaxac da ÿauo'o ca nhuaxanaguec ca shiÿaxaua,

Nuevo Testamento Toba Sombrero Negro

²² Nataq'aen ñe'me Taĝadena' ja naloqoten gamachaqaega, dite da'me jayem yanem yema da'me lañoqotaĝanaĝac qaedi jaloqotenaĝan,

Juan 5:22 Referans Kwoze

Juan 5:27

Qataq nataqa'en Aỹem ỹanem da ỹa'añaxac da ishet da ñimit na shiỹaxauapi, cha'aye Aỹem maye Aỹem Shiỹaxaua Llalec.

Hechos 17:31

Cha'aye Ñimaye mashe ỹauo'o ca 'oonolec na'a'q maye huetoigui da nmit 'enauac na lasouaxashetpi na shiỹaxauapi, ỹachegoxotchigui som 'oonolec ỹale maye Lca'aguishec. Qaq ỹoqta 'eesa da ỹo'ot de'era qome, ỹoqo'oye Ñimaye qaltaq nca'alec naqa'en co'ollaxa So Jesús.

2 Corintios 5:10

Cha'aye 'enauac qome qomi' ñachaataxaua'a So Cristo, cha'aye nacheso so nmit cam qaro'onataxanaxac co'ollaxa da ña ñachaataqtaigui da qaro'ocỹaxac, qataq nacheso som chegoqtot ca la'aqtac da qomi' qoỹanema ca no'on qaraueguec, huo'otaq ca qanhuaxanaguec.

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Hechos 10:42

Nache Somaye qomi' ỹamaxaleguete da sa'aqtaxanaxam 'enauac na shiỹaxauapi, da sa'axataq da Ñim Lo'onatac 'Enauacna ỹanagui Somaye da nacheso so nmit qome na lasouaxashetpi nam ñaq nca'altauecpi qataq nam mashe ileu.

Juan 9:39

Ime, nache So Jesús 'enapeco': –Aỹem ñanaỹa ana 'alhua, da sami' da nauaañi nam saq nauaañipi, qaq nam 'eetega da nauaachiguiñipi qalaq sanauaañi ñaqa'en. Qaq 'era da sheetec da ñimit 'enauacna.

2 Timoteo 4:1

Qaq de'era iqataxac 'am sami' nagui, ỹataqta qomi' ỹauaachiguilo Ñim Lo'onatac 'Enauacna qataq So Qarataxala' Jesucristo maye anac ca na'a'q da nachaxan da Nta'a, qataq nmit ñi 'oonolec na shiỹaxauapi maye ña nca'altauec qataq na mashe ileu.

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

1 Pedro 4:5

¡Qalaxaye namayepi mashe saqaỹaloq da ỹa'axatem 'enauac nam ỹo'ottacpi Ñim Lo'onatac 'Enauacna, Ñim nmitna maye mashe naỹamaxattai' da nmit na shiỹaxauapi maye nca'altauecpi qataq nam mashe ileupi!

Salmos 96:13

Qauo'onaxañiitac qome cha'aye mashe anacta Ñim Nataxala', Ñimaye mashe anacta da nmit qome ana 'alhua, nache irolec da nalochiguiñi lataxac da nmit ana 'alhua, qataq da 'eesa lataxac da yaqto' nmit na nhuo' le'ecpi.

Mateo 16:27

Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Salmos 98:9

qataq do'onaxaato'ot Ñim Nataxala', cha'aye mashe anac da nmit ana 'alhua, irolec qome da nalochiguiñi lataxac qataq ỹaỹamaqchiguiñi lataxac da nmit na nhuo' le'ecpi.

Juan 3:35

Qaq Ñim Lo'onatac 'Enauacna maye Ita'a ỹataqta ỹauotec na Llalec, ỹoqo'oye ỹataqta imato'ot da la'añaxac da ilo'ogue 'enauacna.

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

Eclesiastés 11:9

'Am nsoqolec, nagui da ñaq nalota't da 'anachaalataxac nache 'antootapigui' qome, qataq 'anque'etaxaachigui nam no'on maye ishet da 'auo'ot nagui. Qoquegue da 'arquiyaqteỹaxac souaxat nam 'aulota'api, qalaxaye 'auennata'a da Ñim Lo'onatac 'Enauacna, nmit qome 'enauac nam 'auo'otpi.

Eclesiastés 12:14

Cha'aye Ñim Lo'onatac 'Enauacna nmit qome 'enauac nam no'onatacpi, nam 'onaxaic qataq nam qauem, qataq ivira'a cam qoỹoxottañi da qaỹo'ot.