Juan 5:21 - La'aqtaqa Ñim Lo'onatac 'Enauacna 2013

²¹ Cha'aye de'era 'eetec da Ñi Ita'a da ishet da qaltaq nca'alaxatec ca leuaxaic, qaq nache 'eetec nataqa'en nam Llalec, da ishet da ỹanem da lca'alaxa cam taalec da ỹanem.

Nuevo Testamento Toba Sur

²¹ Cha'ayi de'eda 'eetec da ñi ita'a da ishit da qaltaq nca'alaxateec ca leuaxaic, nachi ÿanem da lca'alaxa, qaq nachi 'eetec nataq'en nam llalec da ishit da ÿanem da lca'alaxa cam tajlec da ÿanem.

Nuevo Testamento Toba Sombrero Negro

²¹ Qa'a naq'aeta joñe'me Taĝadena' 'niyelaĝachidijeguem jodia'me yele'u nataq'aen da'me yanema da'me lec'alaĝa'j, qama'le nach'e ena'am jayem janem da'me nec'alaĝac ga'me jo'ne jetaque ua'ajop.

Juan 5:21 Referans Kwoze

Romanos 8:11

Ñim Lo'onatac 'Enauacna nca'alaxateeguesop da l-leuaxa So Jesús, qaq Ñimaye nataqa'en nca'alaxatec da qaro'ocỹaxaqui maye mashe ileu, da yaqto' ỹe'eguelaxalec da nca'alec, da So Saqcha'a La'añaxac Ñim Lo'onatac 'Enauacna qami' hueta'agueta. 'Era dam ỹo'ot Ñim Lo'onatac 'Enauacna ỹachegoxotchigui So Saqcha'a La'añaxac maye qami' hueta'agueta.

Deuteronómio 32:39

Ña qauloỹa nagui da nachaỹemta Atamnaxala', qaica ca lỹa atamnaxala' da aỹem 'eeta'am. Cha'aye Aỹem san da nca'alaxa qataq so'ot da nleuaxa, qataq so'ot ca nque'emaxa qataq ishet da ñataren. Qataq qaica ca ỹet da la'añaxa'c naua ihuaxaye.

Juan 11:25

Nache So Jesús 'enapego' asomaye, 'eeta': –Aỹem Nachaỹem nca'alaxa, qataq ishet da ca leuaxaic ỹe'eguelaxalec da nca'alec ñaqa'en. Qaq cam huo'o da naquitaxac Aỹem, nache camaye na'aictaxa da ileu, qalaxaye qaltaq nca'alec.

Hechos 26:8

Qaq ¿ta'ainco' da qoñiita ye saishet da qaua'amaqchiñi Ñim Lo'onatac 'Enauacna da ishet da qaltaq nca'alec naqa'en na leuaxaicpi?

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

2 Reyes 5:7

Qaq so nta'a ye Israel, co'ollaq ime da itaxaỹaxaatac asa'aso nere, nache ncolaxata'aisalo soua alogo. Nache 'enapeco': ¿Peta'a nachaỹemo' da Ỹo'onatac 'Enauacna, da ishet da san qataq ñeqat da achaalataxac, da yaqto' que'eca nta'a aỹem namaxa de'era ỹale, da yaqto' no'oita ñaqa'en na lo'oc maye huetalec na lepra? ¡Ña qaumichiñiita de'era, cha'aye camaye yo'oqta da nmittaique ca lataxac da aỹem dataỹa'aguet!

1 Reyes 17:21

Nache somaye tres da ỹe'eguelaxalec da nqapaxanegue so nogotolec, nache ỹataqta nlamaxaren da iỹaxanot Ñim Nataxala', 'eeta': «'Am Nataxala', maye 'Am Ñatamnaxala', ¡'Am ñachoxonnot da ñaq 'añe'eguelaxata da nachaalataxac ne'ena nogotolec!»

Juan 6:63

Som Saqcha'a La'añaxac Ñim Lo'onatac 'Enauacna, nacheso so chegoqo'ot da nca'alaxa maye chochaq tatec; qaica ca chochaq shiỹaxaua da ỹan de'era achaalataxac. Qaq dam shenapec, damaye chegoqo'ot som Saqcha'a Na'añaxac maye ỹan de'era achaalataxac.

1 Corintios 15:45

Qaq ỹoqo'oye ana nere maye huetalec na la'aqtacpi Ñim Lo'onatac 'Enauacna 'eeta': «So hua'auchiguiñi ỹale, le'enaxat Adán, nacheso so la'auaxanec da huo'o da lca'alaxa.» Qalaxaye So Cristo som pa'atec Adán, nacheso som saqcha'a maye ishet da ỹan da nca'alaxa.