Juan 5:20 - La'aqtaqa Ñim Lo'onatac 'Enauacna 2013

²⁰ Ñimaye ỹataqta Aỹem ỹauotec, ỹoqo'oye Aỹem ỹachaxana nam ỹo'otpi. Qataq Aỹem ỹachaxana na lta'araic ỹo'otpi, nam qami' ỹo'oteque da lta'araic da qara'aalaqai.

Nuevo Testamento Toba Sur

²⁰ Cha'ayi ñim lta'a ÿataqta ÿauotec nam llalec, ÿoqo'oyi ÿachaxana 'enauac nam i'otpi, qataq ñaq queto'ot da ÿoqta lta'adaicpi qome na ÿachaxanapi namayi, nachi ÿataqta ishit qome da i'ot da qad'aalaqai.

Nuevo Testamento Toba Sombrero Negro

²⁰ Qa'a ñe'me Taĝadena' jayem noqopita nataq'aen da'me jayem yaloĝonalo ena'uaque jogaa'me uo'oe jo'ne 'lonataqa, nataq'aen jogaa'me 'lonataqa laqaya' jo'ne let'adayaqa nach'e ena'am jayem yaloĝonalo qomle, qaedi ami ua'ajopa qomle da'me auoqoch'iyem.

Juan 5:20 Referans Kwoze

Juan 3:35

Qaq Ñim Lo'onatac 'Enauacna maye Ita'a ỹataqta ỹauotec na Llalec, ỹoqo'oye ỹataqta imato'ot da la'añaxac da ilo'ogue 'enauacna.

Mateo 3:17

Qataq qaỹa'axaỹa so na'aqtac chemqot na piguem, 'eeta': «'Era da ỹalamaxat Ỹalec damaye ỹataqta ỹauotaxat, qaq ỹoqo'oye ỹataqta ñetootapeguec.»

2 Pedro 1:17

Qomi' sauanaqchigui co'ollaq Ñim Lo'onatac 'Enauacna maye Nta'a, dam ỹo'otec So Jesús da lta'araic 'enec qataq ỹachaxan dam qaica ca 'ena'am llo'oxoyec Somaye. Qaq nache huaña añi saqaỹoqotcheguemec 'alhua maye sa qaishetapec da sa'axasoqchigui co'ollaq Ñim qaica ca 'ena'am da la'amaqchec qataq da llo'oxoyec co'ollaq 'eeta': «'Ena na Ỹalec. Aỹem ỹataqta ỹauotaxat namaye, qataq ỹo'ot da ỹamaicỹaxac.»

Juan 17:26

Aỹem mashe saỹaanaxanaxaneque naamaye da qoneta, qalaxaye ñaqaiyeta Aỹem ñaq shecto'ot da 'am sa'axattac, yaqto' naamaye nache queto'oto da Aỹem na'attaua'alo qataq ỹauotec na laỹepi, 'eeta'am 'am qataq Aỹem da ỹataqta ñauotaxa't.

Juan 15:15

Nagui saishet da qami' samata'aque da qami' nlataqa, cha'aye ca choche nlatac saishet da ỹaỹaten cam ỹo'ot ca na'aco'. Qaq nagui qami' samata'aque da qami' ñauochaxau', cha'aye qami' sa'aqtaxaatema 'enauac nam la'aqtacpi Ñim Ita'a maye Aỹem ỹami'.

Juan 14:12

Qaq ỹataqta 'eesa de'era qami' sa'aqtaxanema, da ca Aỹem ỹa'amaqten, nache camaye ishet nataqa'en da ỹo'ot nam so'otpi, qaq cha'aye Aỹem nagui saỹa ye netaña Ñim Ita'a, nache qami' ishet da ỹactec ca qauo'oche, napacalec nam so'otpi.

Juan 10:32

Nache So Jesús 'enapeco': –Aỹem ỹataqta qalota na so'ot ỹaỹamaqchiguiñipi da qami' qauauañiichigui, chegoqchigui da la'añaxac Ñim Ita'a. Qaq ¿chaq negue't cam sasoilec cam huo'omshe qansheetaique da Aỹem qauasaqai?

Juan 5:29

nache chegoqchiguingui ana nhuachiquipi da ñesheguem. Nache nam ỹo'ottac ca ỹaỹamaqchiguiñi qaltaq nca'alec, da yaqto' chochaq tatec da hueta'aguet Ñim Lo'onatac 'Enauacna. Qaq nam ỹo'ottac ca sa ỹaỹamaxañi qalaq nca'alec, da yaqto' qaỹauo'o ca nhuaxanaguec.

Juan 5:25

Qaq huo'o nataqa'en da ỹataqta 'eesa 'eeta': nagui nam ỹataqta qaỹoqta naqa'en Ñim Lo'onatac 'Enauacna, Aỹem hua'aqtague', Aỹem maye Aỹem Llalec Ñimaye. Qaq da ỹalaxalec 'enauac nam shenapec, nache huo'o ca lca'alaxa chochaq tatec.

Juan 5:21

Cha'aye de'era 'eetec da Ñi Ita'a da ishet da qaltaq nca'alaxatec ca leuaxaic, qaq nache 'eetec nataqa'en nam Llalec, da ishet da ỹanem da lca'alaxa cam taalec da ỹanem.

Juan 1:18

Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

Lucas 10:22

Ime, nache So Jesús 'enapego' so shiỹaxauapi maye hueta'aguet Somaye, 'eeta': «Ñi Ita'a Aỹem imato'ot 'enauac na lataxacpi, qataq qaica ca Aỹem ỹauattoota da 'ena'am Ñimaye. Qataq Aỹem maye Aỹem Llalec, ỹataqta sauattoota Ñim Ita'a maye Lo'onatac 'Enauacna, qaica ca shena'am qataq maiche lleca'aua'a cam shiỹaxaua maye sauotaique da ỹauatton Ñimaye da 'ena'am Aỹem.»

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

Mateo 4:8

Qaq pa'atec nache so pa'aguenataxanaxaic ỹauega So Jesús aso qaỹoqotcheguemec 'alhua. Nache hualec asomaye da imeenaxanaxanec na 'alhuapi maye hueta'a na sallaxanecpi qataq 'añaxaicpi.