Juan 5:16 - La'aqtaqa Ñim Lo'onatac 'Enauacna 2013

¹⁶ Qaq ỹoqo'oye soomaye icaatrac So Jesús, souaxat Somaye da datannaxangui so na'a'q mataxaqui.

Nuevo Testamento Toba Sur

¹⁶ Qaq ÿoqo'oyi na judiopi icaatac so Jesús da nshitaique da ÿalauat, souaxat somayi da datannataxangui so na'a'q mataxaqui.

Nuevo Testamento Toba Sombrero Negro

¹⁶ Chane'eja naqaeda da'me dojo' jo'ne yajouaĝadetem jogaa'me najoĝola'te male yecaatetedac ñe'me Jesús qaedi yala't, yajouaĝat da'me 'uo ga'me ye'et ca'li jo'me nolo' jo'ne niyamaqatac.

Juan 5:16 Referans Kwoze

Juan 15:20

Qaq qauennachiỹa'a da ỹa'aqtac maye qami' sanema quiye da sheeta': «Qaica ca nlatac da huo'otaq ishet da napacalec ca na'aco'.» Qaq da huo'otaq Aỹem qaicaatac, qaq nataqa'en da qoñiita huo'o da qancanaguiiqui. Qaq da ỹataqta ỹalaxalec da ỹapaxaguenataxanaxac na shiỹaxauapi, qaq nataqa'en ỹataqta ỹalaxaguet da qarapaxaguenataxanaxaqui.

Juan 10:39

Huaña, nache qaltaq qanshetaique da qaỹaconeua'a da qaicoñe', qalaxaye So Jesús naneltaxan.

Juan 7:25

Nache huo'o na netaña ye Jerusalén na denataxaatac, 'eeta': –¿Saisheto' peta'a da nachera dam da', dam qanmittaique da qaỹauotaique qaỹalauat?

Juan 5:13

Qalaxaye se'eso ỹale sa ỹauatton co'ollaxa cam nataren somaye, cha'aye So Jesús sa naỹaloxon da taigui se'eso qalota shiỹaxauapi maye hueta'a yemaye.

Lucas 6:11

Qalaxaye so shiỹaxauapi ỹataqta dalemata. Nache chegoqchiguiña da nmittaique ca lataxac da dataỹa'aguet So Jesús.

Marcos 3:6

Huaña, nache so fariseopi ca'ai aso napaxaguenaxaqui na judiopi, nache sanaỹaloxon da nqo'ona nam quetague'pi so nta'a Herodes da qaitaxaỹapigui ca lataxac da qaỹalauat So Jesús.

Mateo 12:13

Nache So Jesús 'enapega so ỹale, 'eeta': –Ña 'aỹa'anec na 'arhuaq. Qaq co'ollaq choche ỹanec na lhuaq so ỹale, nache no'oita, 'eeta'am so lỹa lhuaq.

Juan 1:19

Qaq 'era da la'aqtaxanaxac so Juan, co'ollaq so lataxala'pi na judiopi ỹauo'o so lamaxashecpi chegoqchiguiña ye Jerusalén, nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq na leviitapi da yaqto' nqo'ona qataq inat so Juan da chaq negue't somaye.

Juan 5:10

Ỹoqo'oye huo'o so lataxala'pi na judiopi 'eetega som ỹale maye qanataren, 'eeta': –Na na'a'q, namaye mataxaqui, qaq ỹoqo'oye saishet da qaỹashen da 'am 'analleguisheetac na 'aracanec.

Juan 5:15

Nache se'eso ỹale jec da da'aqtaxanema soua lataxala'ate so judiopi da, nacheso So Jesús som nataren somaye co'ollaxa.

Juan 5:17

Qalaxaye So Jesús 'enapegalo soomaye, 'eeta': –Ñi Ita'a, saishet da ỹaxaañi da lo'onataxanaxac, qaq nache 'eetec nataqa'en Aỹem.

Juan 5:18

Qaq ỹoqo'oye na lataxala'pi na judiopi nquictec da lyaxa da ỹalauat So Jesús, cha'aye saishet da nachaqrata da sa ỹalaxalec da lataxac ye na'a'q mataxaqui, cha'aye nataqa'en 'eetega da ỹataqta Lta'a Ñim Lo'onatac 'Enauacna, qaq ỹoqo'oye da lataxac 'eeta'am Ñimaye.

Juan 7:21

Nache So Jesús 'enapeco': –Aỹem 'oonolec da so'ot sa qaỹauanapega co'ollaq huaigui so na'a'q mataxaqui, nache 'enauac da qoñiita ỹataqta huo'o da qara'aalaqai.