Juan 5:14 - La'aqtaqa Ñim Lo'onatac 'Enauacna 2013

¹⁴ Qaỹata'ague co'ollaxa de'era, nache So Jesús ilalec somaye huaigui aso no'onaxanaxaqui late'erai, nache 'enapego', 'eeta': –Nagui da mashe 'am no'oita, qaq no'on da saishet da qaltaq huo'o 'anqa'en ca 'arasouaxashet, yaqto' saishet da 'avira'aguet ca ỹapac qauem.

Nuevo Testamento Toba Sur

¹⁴ Qaq so Jesús co'ollaq ilalec somayi huaigui aso n'onaxanaxaqui, nachi 'enapego', 'eeta': –Nagui mashi 'am no'oita, qalaxayi sa ishit qome da qaltaq huo'o 'anqa'en ca 'adasouaxashit, ten qom qaltaq ÿapagueec ca 'adalolaxa.

Nuevo Testamento Toba Sombrero Negro

¹⁴ Ca'li yem da'me dojo', male Jesús yauana da'me ue'ta ga'me tamenaĝaiqui, qama'le enaac: —Pega, nayi da'me male ademegue; ena'te yitaĝa aua'uo ga'me adoec jo'ne ja no'en, qaedi ja aue qomle ga'me adachoĝodec jo'ne lama'aja.

Juan 5:14 Referans Kwoze

Juan 8:11

Nache asomaye 'enapeco': –Qaica, 'am Ỹataxala'. Nache So Jesús 'enapego' asomaye, 'eeta': –Aỹem nataqa'en saishet da sauo'o ca 'arasouaxashet. Qaq nagui 'am qojec, qalaxaye saishet da qaltaq 'avi'eguelaxalec da 'auo'ot som qauem maye 'auo'ottac.]

Salmos 118:18

Ñim Nataxala' ỹataqta aỹem sa ỹala'ac co'ollaxa da ỹo'ot so ñeuaxanaguec, qalaxaye saishet da aỹem ỹaneguet da nleuaxa.

Nehemías 9:28

Qalaxaye naxa da huo'o da l-lagaxayec, nache qaltaq ỹe'eguelaxalec da ỹo'ot na qauem maye sa 'auaỹamaxaren, huaña qataq 'aỹa'aneguet so npa'aguenaxauapi da yaqto' loxonec somayepi. Qalaxaye da qaltaq 'am iỹaxanot naxa, nache 'am maye qoneto'ot na piguem, 'auchoxoren somayepi nache 'aua'axaỹa, nache qaltaq 'anca'alaxatec.

Mateo 12:45

Ime, nache ỹe'eguelaqtec da ỹe'eguena'alo soua lỹa't siete saqcha'a na'añaxac leguemaxaiqa maye ỹataqta napacaleguete somaye, nache taigui que'eca shiỹaxaua. ¡Huaña, nache que'eca shiỹaxaua ỹataqta ỹactec da aloic, saq 'ena'am so hua'auchiguiñi co'ollaq 'oonolec so netaigui saqcha'a na'añaxac leguemaxaic! Qaq 'era da 'eetec nataqa'en qome ca qaviyeeguet, cha'aye qami' qauemaiqa.

Levítico 26:27

Qaq da ñaq 'eetalec da sa qaualaqai qataq Aỹem qauataita'aguet,

Marcos 2:5

Nache So Jesús co'ollaq ila'a da lta'araic lpi'iỹaxa'c soua ỹale't, nache 'enapego' so sano'on, 'eeta': «'Am ỹalcolec, nam 'arasouaxashetpi nagui 'enauac sapalaxat.»

Isaías 38:20

Ñim Nataxala' hueta'a ne'ena da aỹem nca'alaxatec. Qaq ỹoqo'oye sevicnaxagui qome ana qana'arpapi qataq so'onaxanaq 'enauaque naua na'axa'te da ñaq huo'o da qanachaalataxac da souaqta'a añi atamnaxaqui maye lalamaqte Ñim Nataxala'.

Salmos 27:6

Nache ñapacalec naqa'en na ñepa'aguenaxauapi, maye aỹem coleesop, huaña nache savigaxat aca ỹachetaqtaxanaqte da huaigui añi atamnaxaqui, souaxat da ñetonaxac qataq so'onaxan da so'on ca ỹo'onec da sanot Ñim Nataxala'.

Juan 5:5

Qaq huo'o so ỹale, nache hueta'asop asomaye. Somaye mashe ivi' naua treinta y ocho vi'iye da lalolaxa.

2 Crónicas 28:22

Qaq na'aictaxa co'ollaxa de'era huaigui ncogaxanataguec so nta'a Ajaz, da nache queto'ot da sa ỹalaxaguet Ñim Nataxala'.

Salmos 9:13

'Am Nataxala' aỹem 'auchoxoren qome, ñaq 'aumeten na aỹem ỹachoxoreetacpi qataq aỹem nquiỹatega, ñaq aỹem 'anqateeguesop ñi lasom da nleuaxa.

1 Pedro 4:3

Cha'aye mashe qalote' soua na'axa'te da qauo'ocheetac nam qauem maye ỹo'ottac nam saishet da ỹa'amaqten Ñim Lo'onatac 'Enauacna. Se'esoua na'axa'te qami' qoviitaigui nam ỹotta'a't namanaxanaqtaiguesat, qataq na qauem nqopitaxanaqtaiguesat, qataq qami' taxaiqa, qataq qaualliquiitaua'a na naponaxacpi maye ishet da huaigui da qaỹo'ot ca qauem, qaq dam ỹataqta ỹactec da qauem maye qauo'ocheetac, nachera dam qanatamñeetacot na ne'enaqtacpi maye saq 'en.

Levítico 7:12

Qaq da huo'otaq qoỹaneuo aca'aca nachetaqtaxanaqte da qoỹan da 'achecỹaxac, nache qoỹaneuo aca nauole maye saishet da lalegue aca ỹasheeraxachigui ca ndaqñiguishec, ndotec da qairaqneguet ca aceite, qataq aca nauole sa nquesaxan, huo'otaq aca lỹa nauole maye lalegue ca aceite, chegaqaigui na no'on lsoche ca nañiguishec.

Isaías 38:22

Huaña nache so Ezequías inat so Isaías, 'eeta': ¿Negue't ca la'anaxat da ishet da saỹaten da mashe ishet da saua'a añi atamnaxaqui maye lalamaqte Ñim Nataxala'?

Juan 5:13

Qalaxaye se'eso ỹale sa ỹauatton co'ollaxa cam nataren somaye, cha'aye So Jesús sa naỹaloxon da taigui se'eso qalota shiỹaxauapi maye hueta'a yemaye.

Levítico 13:20

Nache ca ntaxaỹaxanaxanec da ila'a da coxongui ca lliguiñi que'eca nhuetac, qataq ỹapagaq ana laso, nache da'aqtaxanem que'eca dalolaxaic da saishet da qui'itta, cha'aye ỹaỹaten da huec da nhuetaxanaxa maye nchega naqa'en na no'oc.

Salmos 18:22

Ỹataqta 'enauac da ñetoueeta'ac na lapaxañi lataxacpi, qataq saishet da saxanec na lqataxacpi Ñimaye.