Juan 4:9 - La'aqtaqa Ñim Lo'onatac 'Enauacna 2013

⁹ Qalaxaye na judiopi ye saishet da nhuoone' na Samaria le'ecpi, nache aso 'alo inat So Jesús, 'eeta': –¡Qalaxaye 'am judío le'ec! ¿Ta'ainco' ye aỹem 'auỹaxaatacot ye aỹem Samaria lashe?

Nuevo Testamento Toba Sur

⁹ Nachi aso 'alo mayi lma' yi Samaria 'enapeco': –¿Tá'ainec 'am, yi 'am judío l'ec, qalaqca da ishito' da aÿim 'auÿaxanot ca 'adaquip, yi aÿim Samaria lashi? (Cha'ayi nam judío l'ec yi sa ishitaxat da detaxaÿapegue' nam l'ec yi Samaria.)

Nuevo Testamento Toba Sombrero Negro

⁹ Qama'le jaga'me yauo male 'yateguet: —Da'me am jo'ne judío le'ec, qama'te ¡jetaque jayem auachiyoĝo'tot ga'me noĝop, queda'me jayem Samaria laje! (Naq'aeta da'me 'laqatac jaga'me qa'a ga'me judiopi ja jetaque ta'le dojapegue'to gaa'me Samaria laje'.)

Juan 4:9 Referans Kwoze

Hechos 10:28

Nache so Pedro 'enapego' somayepi, 'eeta': –Qami' qauaỹaañi da na judiopi ỹasouaxat da la'amqaanataxanaxac, nache ỹataqta sa qaỹasheneguet da ỹaleeguet ca sa lauo' le'ec, huo'otaq da choche pa'aigui ca lauo' camaye. Qalaxaye Ñim Lo'onatac 'Enauacna aỹem ỹapaxaguenec da saishet da huo'o ca samata'ac da nshepaxan da lataxac, huo'otaq sa qaisheteguet.

Juan 8:48

Nache huo'o nam judiopi da 'eetega Somaye, 'eeta': –Qomi' ỹataqta 'eesa de'era qara'aqtac co'ollaq shenaqapec da choche 'am Samaria le'ec qataq huo'o ñi saqcha'a na'añaxac leguemaxaic 'am netaigui.

Mateo 10:5

So Jesús ỹama'q soua doce lapaxaguenataqa, qaq ỹanema da lqataxac, 'eeta': Saishet qome da qanqo'oñiỹalo na 'aleu' maye netaleguete nam saishet da judiopi. Nataqa'en saishet qome da qanqo'oñiiua'a nam nỹecpi maye huaigui ye 'alhua Samaria.

Hechos 1:8

Qalaxaye qom qami' nvitalo ca Saqcha'a Na'añaxac Qui'itta, nache qami' taỹoto qome ca na'añaxac, nache qoqui da Aỹem qaua'axache, da qaua'aqtaxañim nam netaña na Jerusalén, qataq nam netaña ye 'alhua Judea qataq ye Samaria, qataq choche qaviyeeta'a ca ỹataqta pa'atec ana 'alhua.

Juan 4:27

Huaña, nache nvi't soua lapaxaguenataqa So Jesús, nache soomaye ỹataqta huo'o da la'aalaqa' co'ollaq ila'alo Somaye da detaqtague' aso 'alo. Qalaxaye qaica ca ishet da inat Somaye da chaq negue't ca 'eetapeguec qataq chaq negue't ca na'aqtaxaatrapigui.

Lucas 10:33

Qaq nataqa'en nateuga se'eso nqa'aic so ỹale maye lma' ye 'alhua Samaria, qaq co'ollaq ila'a se'eso ỹale da huetaiya', nache ỹataqta huo'o da lchoxonnataxanaxa.

Hechos 10:32

Qaq nagui 'auauo'o qome ca 'auamaxa ye nỹecpi ye Jope, da yaqto' ỹe'eguena'a ñi Simón, da lỹa le'enaxat Pedro. Ñimaye hueta'a ye lma' ñi le'enaqteua Simón, lo'oc lo'o. Ñimaye neto'ot so loigue aso auaxai ñi lma'.»