Juan 4:7 - La'aqtaqa Ñim Lo'onatac 'Enauacna 2013

^7-8 qaq soua lapaxaguenataqa taua'alo so nỹecpiolec da desheenaxaraique ca alo'q. Huaña, nache huo'o aso 'alo lma' ye Samaria, nviraxaama aso nshere da nqatsheguem ca laquip. Nache So Jesús 'eetego' aso 'alo, 'eeta': –Aỹem 'aỹa'anem ca qapio'olec 'etaxat.

Nuevo Testamento Toba Sur

^7-8 Qaq soua lapaxaguenataqa tadeu'a se'eso pueblo da deshijnaxaadaique ca alo'q. Nachi nvidaxasom aso 'alo mayi lma' yi Samaria da naÿaxaama asa'aso ñi'illoxoqui da huotaique da nqatshiguem ca 'etaxat. Nachi so Jesús 'enapega asomayi, 'eeta': –'Auauo'o ca ÿaquip.

Nuevo Testamento Toba Sombrero Negro

^7-8 Joga'me lapaĝaguenataqa dajotegue ga'me noic da'me neuodedaque ga'me jalo'. Qama'te novi' jañe'me yauo jo'ne Samaria laje, 'me novita jaga'me nopi'yaĝaiqui queda'me do'pi, qama'le Jesús enaac: —Aua'uo yaiquip.

Juan 4:7 Referans Kwoze

Mateo 10:42

Qataq camachaqca shiỹaxaua, da huo'otaq ỹami' ca ỹataqta atom 'etaxat ca 'oonolec nam saq 'amaqtaqpiolec maye Aỹem quetague', qaq camaye ỹataqta huo'o qome da nsheetenaguec.

1 Reyes 17:10

Nache so Elías ñisheguem, taỹa ye Sarepta. Qaq co'ollaq ivireua'a so ñegueuo so huaqta'a't nỹecpi, nache ila'a aso 'alo pa'ai maye laỹootega't so 'epaqpi da yaqto' l-le' lashecpi. Nache so Elías iỹaxana asomaye, nache 'enapega, 'eeta': Ñaq aỹem 'anqouaguec qome, da aỹem 'andouga ca 'etaxat, huetangui 'anqa'en aca ỹomaxaqui, yaqto' ñeỹom.

Génesis 24:43

qaq 'am ñachoxonnot nagui da soota'a ana'ana nshere, da ipacchigui qome de'era: Da aca qa'añole maye ñe'eguenaxaama na 'etaxat, acam shenapega, sheeta': Ñaq aỹem 'arqouaguec qome da aỹem 'auasheetem da ñeỹomgui ca laỹe na 'etaxat maye huetagui ana 'araco'oña 'alhua,

Juan 4:10

Nache So Jesús 'enapeco': –'Am saishet da 'auaỹaten dam huotaique 'am ỹanem Ñim Lo'onatac 'Enauacna, qataq nataqa'en saishet da Aỹem 'auauatton. Cha'ayectaxa da 'auaỹaten, nache 'am Aỹem 'auỹaxanot taxa ca 'etaxat, nache Aỹem 'am sanem ca 'etaxat maye chegaqaigui da nca'alaxa.

Juan 19:28

Qaq So Jesús co'ollaq ỹaỹaten da mashe ipacchigui 'enauac nam ỹamaxalec Ñim Lo'onatac 'Enauacna. Qaq ỹoqo'oye da yaqto' ipacchiguilo naua nanettralec ana nere maye huetalec na la'aqtacpi Ñimaye, nache Somaye 'enapeco': –Huo'o na ỹaquip.

Génesis 24:17

nache so namaxashec nqalgaqa'ague asomaye, nache 'enapega, 'eeta': «Ñaq aỹem 'anqouaguec da ñeỹomgui ca laỹe na 'etaxat maye huetagui ana 'araco'oña 'alhua.»

Juan 4:6

Qaq co'ollaq mashe laiñi so na'a'q, nache So Jesús ỹataqta nasamñi souaxat da lqueuoxoc. Ỹoqo'oye Somaye nso'oolec na laỹe aso nshere,