Juan 4:48 - La'aqtaqa Ñim Lo'onatac 'Enauacna 2013

⁴⁸ Nache So Jesús 'enapega somaye, 'eeta': –Qami' saishettaxa da qaua'amqaanataxañi da huo'otaq saxanaxa da qauauañiichigui na na'anecpi qataq nam sa qaỹauanapigui.

Nuevo Testamento Toba Sur

⁴⁸ Nachi so Jesús 'enapega somayi, 'eeta': –Qami' sa ishíttaxa da qau'amqajnataxañi da huo'otaq saxanaxa da qauauañiichigui na n'anecpi qataq nam sa qaÿauanapigui.

Nuevo Testamento Toba Sombrero Negro

⁴⁸ Qama'le ñe'me Jesús enaac, enapega joñe'me: —¡Ami jo'ne ja jayem 'te auep'iiya'a qom ja auañiyalo jogaa'me 'nanaqa choqogaa'me naloĝonataĝanaĝaco jo'ne di'yo't!

Juan 4:48 Referans Kwoze

Juan 20:29

Nache So Jesús 'enapego' somaye, 'eeta': –'Am Tomás, nagui 'aua'amqaanataxan, cha'aye Aỹem 'anauane'. Qalaxaye ỹataqta machiguiñi qome ca na'aictaxa da saishet da Aỹem ilogui, qalaxaye da'amqaanataxan.

Hebreos 2:4

Ñim Lo'onatac 'Enauacna nataqa'en qomi' ỹachaxanalo de'era, ỹachegoxotchigui na qalota na'anecpi, qataq nam ỹo'otpi maye ỹo'ot da na'aalaxa qataq nam sa qaỹauanapega. Qaq co'ollaq ỹo'ot de'era, nache ỹami' So Saqcha'a Na'añaxac Qui'itta nam tatelec da ỹami'.

1 Corintios 1:22

Na judiopi nmitta'a na na'anecpi maye sa qaỹauanapega da yaqto' ỹa'amaqten de'era na'aqtaxanaxac maye sa'axataqtac. Qaq na griegopi qalaq huotaique da hua'aqchigui ca na'aqtaxanaxac maye da qaỹa'axaỹa qalaq nachera lataxac.

Daniel 4:2

Sauotaique da qauaỹachiñi dam lataxac maye saqaỹauanapega, maye aỹem ỹo'otec Ñim Lo'onatac 'Enauacna maye Nataỹaña 'Enauacna.

Hechos 2:22

Qaq ỹoqo'oye qami' Israel le'ecpi, qana'axaỹaxañiỹa da ỹa'aqtac, 'eeta': So Jesús maye Nazaret le'ec, Somaye ỹataqta qaỹaỹateeta da 'eesa lamaxashec Ñim Lo'onatac 'Enauacna. Qaq qami' qauauañiichigui co'ollaq Somaye ỹo'ot nam ỹo'ot da na'aalaxa qataq nam sa qaỹauanapega qataq nam na'anecpi maye qami' huanguilo da ỹo'ot naqa'en Somaye Ñim Lo'onatac 'Enauacna. Qaq qami' mashe sogote da qauaỹaañita damaye.

Juan 12:37

Qaq na'aictaxa da So Jesús ỹataqta qalota na ỹo'ot na'anec maye sa qaỹauanapega da ỹauaachigui naqa'en somayepi, qalaxaye ñaqaiyeta saishet da qaỹa'amaqten Somaye.

2 Corintios 12:12

Cha'aye da ñeualaxaunaxac co'ollaq qami' sootapegueto, qataq nam na'anecpi maye sa qaỹauanapigui, qataq nam ỹo'ot da na'aalaxa maye so'ot chegoqchigui da la'añaxac Ñim Lo'onatac 'Enauacna, nachena na ỹachaxan da ỹoqta 'eesa da aỹem lamaxashec So Jesús.

Romanos 15:19

Chegoqchigui da la'añaxac So Saqcha'a Na'añaxac Qui'itta da qalota na so'ot nam sa qaỹauanapegapi qataq nam ỹo'ot da na'aalaxa, qataq sevirapeguec da sa'axattac da no'on na'axaỹaxac, sachegoqchiguiña ye Jerusalén qataq choche sevitta'a ye Iliria.

Hechos 14:3

Qaq so Pablo qataq so Bernabé huera'a ye Iconio ỹataqta huo'oi soua na'axa'te. Ỹataqta ỹauo'o da naquitaxa'c Ñim Lo'onatac 'Enauacna, nache ỹataqta da'aqtaxaatrem na shiỹaxauapi da 'eesa lauotaxanaqtaic Ñimaye. Qaq Ñim Qarataxala' ỹanema da la'añaxa'c da ỹo'o't nam sa qaỹauanapega qataq nam ỹo'ot da na'aalaxa, yaqto' na shiỹaxauapi ỹa'amaqten 'enauac nam la'aqtaxanaxa'c soomaye.

Marcos 13:22

Cha'aye nvi' qome na datenataxanpi 'eetega lca'aguishecpi qataq la'aqtaxanaxanecpi Ñim Lo'onatac 'Enauacna, nache ỹo'ot qome na sa qaỹauanapega maye ỹataqta huo'o da llo'oxoyec da yaqto' ỹatenachet na shiỹaxauapi. Ivira'a da ishet da ỹatenachet nataqa'en nam ỹataqta iỹaxanapi Ñim Lo'onatac 'Enauacna.

Mateo 24:24

Cha'aye nvi' qome nam tenataxanaxaicpi maye 'eetega lca'aguishecpi Ñim Lo'onatac 'Enauacna qataq nam 'eetega da la'aqtaxanaxanecpi Ñimaye, nache ỹo'ot qome nam sa qaỹauanapega qataq huo'o da llo'oxoyec, nache ỹatenachet na qalota shiỹaxauapi. Qaq ivira'a da ishet nataqa'en da ỹatenachet nam ỹataqta iỹaxanapi Ñim Lo'onatac 'Enauacna.

Hechos 2:43

Qaq 'enauac na shiỹaxauapi ỹataqta huo'o da la'aalaxa, cha'aye soua namaxa'she qalota na ỹo'o't na'anecpi qataq nam sa qaỹauanapega maye Ñim Lo'onatac 'Enauacna ỹo'ot ỹachegoxotchiguilo soomaye.

Juan 2:18

Nache so lataxala'pi na judiopi inattac Somaye, 'eeta': –¿Negue't ca na'anec qomi' 'auachaxanalo, da yaqto' ishet da 'am sa'amaqtenaq da ỹoqta 'eesa da huo'o ca qonec da 'auo'ot de'era?

Lucas 16:31

Qalaxaye so Abraham 'enapeco': «Da saishet da ỹalaxaguet so Moisés qataq som la'aqtaxanaxanecpi Ñim Lo'onatac 'Enauacna, qaq ¡hua'aguectoxo' da ishet da ỹalaxaguet da huo'o ca qaltaq nca'aleeguesop na leuaxaicpi!

Números 14:11

nache Ñim Nataxala' 'enapega so Moisés, 'eeta': «¿Che laguio' da ỹaxaañi da Aỹem inogoqchettac ne'ena shiỹaxauapi? Qataq ¿Chaq laguio' da ỹaxaañi da Aỹem sa ỹa'amaqten, qamaq qalota so sachaxana na'anecpi?

2 Ts 2:9

Da lviraxac que'eca 'etaxaloxoic nactaigui da ltaunaxanaxac so pa'aguenataxanaxaic, nache da lviraxac ỹataqta lta'araic da la'añaxac, ỹo'ot na na'anec qataq ỹo'ot na sa qaỹauanapega.

Hechos 15:12

Huaña, nache 'enauac somayepi ỹe'emaqtom. Ime, nache qana'axaỹaxana so Bernabé qataq so Pablo da ỹa'axattrac na na'anecpi qataq nam sa qaỹauanapega da ỹo'ot Ñim Lo'onatac 'Enauacna, ỹachegoxotchiguilo soomaye da huaigui naqa'en nam saishet da judiopi.

Hechos 7:36

Qaq nacheso so Moisés so nqateeguesop ye 'alhua Egipto so hua'au qarta'alpi. Qataq nacheso so ỹo'ot nam sa qaỹauanapigui qataq na na'anecpi yi'iye 'alhua, qataq co'ollaq huaña aso Auaxai Togaxarai, qataq so toolec 'alhua se'esoua cuarenta vi'iye.

Hechos 6:8

Qaq se'eso Esteban, somaye ỹataqta nlaqchigui da la'añaxac Ñim Lo'onatac 'Enauacna qataq da lqouagaxanaqtaic Ñimaye, nache somaye ỹo'ot na sa qaỹauanapega qataq na na'anecpi huaigui naqa'en na shiỹaxauapi.

Hechos 5:12

Qaq ỹachegoxotchiguilo soua lamaxa'she So Jesús da Ñim Lo'onatac 'Enauacna queto'ot da ỹo'ottac nam sa qaỹauanapega qataq nam na'anecpi maye ỹo'ot da na'aalaxa da huaigui na shiỹaxauapi. Qaq 'enauaque naua na'axa'te da so ca'attague'pi So Jesús hueta'a so qaỹamata'ac nasom so Salomón.

Hechos 4:30

Qataq qomi' 'aỹa'anema cam 'ara'añaxac, da yaqto' qomi' ñatarenaq na sa no'onpi, qataq da so'otaq na na'anecpi qataq na sa qaỹauanapigui qataq ỹo'oxoraq, da so'onataxanaxa da le'enaxat som qui'itta 'aỹa'alec Jesús.

Hechos 2:19

Qataq na piguem huo'ot ñaqa'en ca sachaxan ca ishet da ỹo'ot da na'aalaxa, qaq ana 'alhua sauo'o na na'anecpi: ntago'q, norec, nchaxa lta'araic.

Juan 15:24

Qataq namayepi saishettaxa da huo'o ca lasouaxashet, da saishet da huangui ñaqa'en namayepi da so'ot nam saishet da huo'o ca ỹañoxot da ỹo'ot; qaq namayepi sogote da ỹauaachigui ne'ena so'otpi, qalaxaye ñaqaiyeta Aỹem nquiỹa, qataq Ñim Ita'a.

Lucas 10:18

Nache So Jesús 'enapeco': –Aja', Aỹem sauaachigui da naañi so pa'aguenataxanaxaic, chegoqtot na piguem, 'eeta'am na nqashelgaxa.

Mateo 27:42

«Nca'alaxatec naxa ca lỹa, qalaq Ñimaye saishet da maiche nca'alaxaala't. Qataq 'eetega da nacheñi ñi lta'a na Israel le'ecpi. ¡Qaq Ñimaye iuen da huenoteeguesop ñi npe'enaxaqui, yaqto' ishet da sa'amaqtenaq Ñimaye!

Mateo 16:1

Huo'o so chegaqaigui nam fariseopi qataq na saduceopi nquigueua'a So Jesús da ỹauotaique da ỹe'eguen Somaye, nache dequictacot, 'eeta': –Sauoqtaique da 'auo'ot cam sa qaỹauanapega cam ỹa'axat da ỹoqta 'eesa da Ñim Lo'onatac 'Enauacna 'am namaq.

Daniel 6:27

Ñimaye nacheñi ñi nca'alaxaqui qataq huesochiguiñi naqa'en ca shiỹaxaua, Ñim ỹo'ot na na'anecpi maye huo'o da llo'oxoyec, da huo'ot naqa'en na piguem qataq ana 'alhua. Ñimaye, nacheñi ñi nca'alaxateeguesop ñi Daniel, naua nna'ache na llonpi.»

Juan 4:49

Qalaxaye se'eso huataxanaq lta'a 'enapeco': –'Am Nataxala', sa 'anaỹaloxon da qojec da 'anqo'ona ye ima', yaqto' 'aviralec ye ỹalec da saxanaxa da ileu.